身在澀谷，一定要去附近嘅代官山地區享受美食！代官山距離澀谷只係一站電車嘅距離，有各式各樣嘅餐廳，提供多元嘅美食選擇，讓人流連忘返！
東京代官山: 一定會搵到鐘意嘅美食同餐廳!
東京代官山有各種各樣嘅餐廳專營世界各地嘅美食。無論想體驗夏威夷風味，或者係坐底放鬆一下嘅Café，喺代官山都可以搵到。
Aloha Table 代官山森林
「Aloha Table 代官山森林」所提供嘅菜色充滿夏威夷風味，滿滿夏威夷嘅精華，係當地居民中午用餐嘅好去處。中午優惠套餐1,000円，可以品嚐夏威夷米飯漢堡或吞拿魚牛油果丼飯（Tuna and Avocado Poke Bowl）。
營業時間由上午11點至晚上11點半，最後點餐時間為晚上10點半。由於呢間餐廳非常受歡迎，要去嘅話最好事先預約訂位。
店鋪資訊
- 名稱：Aloha Table 代官山森林
- 地址：東京都澀谷區猿樂町17-10
- 交通方式：東急東橫線代官山站徒步約5分鐘
代官山 Blu Jam Café
「代官山 Blu Jam Café」毗鄰代官山車站，提供豐富嘅素食菜單，頗受素食主義者歡迎。另外，亦有非素食料理，從三明治、墨西哥夾餅(Taco)到漢堡包都有！
除咗料理，飲料嘅選擇都非常多元，店家嘅招牌飲品係焦糖燉蛋Latte，香濃順口，售價800円 。逢星期二休息，營業時間為朝早8點至晚上9點。
店家資訊
- 名稱：代官山 Blu Jam Café
- 地址：東京都澀谷區代官山町20-20
- 交通方式：東急東橫線代官山站步行約2分鐘
代官山餐廳推薦
喺代官山，仲有紐約風格嘅Pizza，同掀起熱潮嘅精釀啤酒工廠酒吧！
PIZZA SLICE
位於代官山同澀谷間嘅街巷，PIZZA SLICE於2010年初開業，等待顧客來品嚐正宗紐約血統嘅Pizza。每份Pizza都係餐廳師傅每日手工現做，保證擁有最新鮮嘅滋味！
呢間商店風格非常modern，提供足夠嘅座位數，但午餐同晚餐時段可能非常繁忙。可接受訂位，如果多人前往用餐，建議事先預約座位！
店鋪資訊
- 名稱: PIZZA SLICE
- 地址: 東京都澀谷區猿樂町1-3
- 交通方式: 代官山站步行8分鐘
精釀啤酒工廠酒吧Spring Valley Brewery
Spring Valley Brewery精釀啤酒工廠酒吧於2015年開業，提供世界各地精釀啤酒，亦係一個可以讓顧客嘗試各種菜餚嘅好地方。
店內提供各種肉類菜餚、Pizza、沙律等等。營業時間為星期一至星期六上午8點至凌晨12點，星期日上午8點至晚上10點。係一個好地方去享用優雅嘅晚餐。
店鋪資訊
- 名稱: Spring Valley Brewery
- 地址: 東京都澀谷區代官山町13-1
- 交通方式: 代官山站步行6分鐘
代官山一間非常正嘅日本料理餐廳
如果想以合理價格體驗日式料理，一定要去Soso (楚々)。呢間創作和食提供多樣化嘅美味菜餚，仲有日式傳統和菓子滿足你個肚仔。
午餐價位700円至950円，有米飯同素麵定食。晚餐提供各式菜餚，我哋推薦迷你懷石料理，可以嘗試6道菜式嘅套餐，只需要2,800円，就可以進入精緻嘅和食世界！
店家資訊
- 名稱: Soso (楚々)
- 地址: 東京都澀谷區惠比壽西 1-34-28
- 交通方式: 代官山站步行1分鐘
Comments