渴望去睇一下喺東京步調比較悠閒嘅地方？建議你可以住喺下北澤嘅酒店。呢條可愛嘅街區唔單止喺一個可以滿足古著控挖寶購物慾嘅聖地，對於嗰啲想尋求更加可以放鬆嘅住宿處嘅旅人嚟講，都係一個好正嘅地方。
下北澤嘅酒店
一般嚟講，下北澤並無咁多間酒店，但都有一啲唔錯嘅酒店。如果有興趣，夜晚仲可以去當地嘅酒吧欣賞LIVE音樂表演。
呢度離東京市中心嘅交通都好方便，從新宿站乘搭小田急小田原線，只需要8分鐘就可以抵達下北澤。
HOTEL ANDREE
你可以考慮入住HOTEL ANDREE。實際上係一間情趣酒店，但係對於非情侶嘅人，住上嚟仍然非常舒適。只不過可能唔係太適合家庭入住。
呢間酒店唔接受預約，所以只可以直接去酒店現場登記一間(標準)客房。每晚9,000円，接受信用卡支付。酒店另一個好處係每層樓都提供免費WiFi。此外，亦歡迎導盲犬同輪椅使用者。
營業時間：24小時全年無休（僅元旦休息）。
酒店資訊
- 名稱：HOTEL ANDREE
- 地址：東京都世田谷區北澤2-14-4
- 交通方式：小田急線、井之頭線下北澤站南口步行2分鐘
下北澤嘅膠囊旅館
想唔想試體驗一下膠囊旅館住宿呢？嚟睇睇下面幾間膠囊旅館：
南下北澤桑拿膠囊酒店 (Sauna & Capsule Minami Shimokitazawa)
呢間膠囊酒店有何特別之處？顧名思義，旅館入面有桑拿供客人使用。此外，酒店仲提供按摩服務和同息室。
入住膠囊房間一晚3,500円。至於桑拿嘅費用，一日之中唔同時段，收費會有所不同；早晨時段為1,500円，一般時段1,800円，夜晚時段為2,800円。
善用酒店內嘅設備，可以俾你喺整日漫長嘅旅途之後，好好放鬆身心。呢間膠囊酒店嘅性質，比較適合獨自旅行者。
營業時間：24小時全年無休。
酒店資訊
- 名稱: 南下北澤桑拿膠囊酒店 (Sauna & Capsule Minami Shimokitazawa)
- 地址: 東京都世田谷區代澤2-29-9
- 交通方式: 小田急線、井之頭線下北澤站南口步行3分鐘
下北澤嘅平價旅館
如果預算有限，可以考慮下面呢間經濟實惠又舒適嘅旅館：
下北澤青年旅館
呢間旅館適合獨自旅行者或同幾個朋友同行嘅客人。旅館提供各種客房，每間房間都禁煙。 此外，因為係青年旅館，浴室係共用嘅。
從男女混合宿舍到標準或高級房型都有。仲有獨立嘅家具、免費WiFi、保險箱、冷暖氣，以及其他設備。
最正嘅係，設施齊全嘅客房價格合理，宿舍型房間嘅一個床位每晚3,800円；附設露台嘅大床房型每晚8,500円。請注意，呢間旅館僅接受信用卡，唔接受現金付款。
可以事先喺酒店訂房網預訂房間，而且，酒店工作人員可通英文，對於旅客嚟講係一個好消息。但係有一個小缺點，呢間旅館並唔允許18歲以下嘅客人入住。
營業時間：24小時全年無休。
酒店資訊
- 名稱: 下北澤青年旅館 SHIMOKITA HOSTEL
- 地址: 東京都世田谷區北澤2-17-11, Paddy Ann 4F
- 交通方式: 小田急線、井之頭線下北澤站步行2分鐘
Comments