講到東京當中充滿好多寺廟嘅地區，谷中即刻浮現喺腦海中！谷中附近嘅酒店通常比銀座、澀谷、丸之內或其他主要旅遊區都平。就等我哋嚟睇吓谷中有咩住宿可以揀啦！
谷中地區嘅傳統飯店 (さわのやりょかん、SAWANOYA RYOKAN)
傳統旅館通常由家族經營。一般都會有榻榻米房間、木桶浴缸、日式待客服務以及和食。
澤之屋旅館
有好多來自世界各地嘅遊客都曾經入住「澤之屋日式旅館」，鍾意佢簡潔嘅風格。即使旅館外語對應能力有限，但經營旅館嘅日本夫婦能使用簡單嘅英語詞彙與旅客交流。
旅館非常了解外國旅客嘅需求，因為佢哋經常接待外國客人。可以用每日300円嘅價格租用單車，遊覽旅館附近嘅地方。4.5帖榻榻米面積嘅房間每晚5,616円。另外俾324円就可以享用西式早餐。
呢個係一個溫暖熱情嘅日式旅館，吸引好多外國客人前來入住。如果想喺傳統日式旅館體驗日式服務，我哋推薦澤之屋啊。
飯店資訊
- 名稱: 澤之屋旅館 (さわのやりょかん、SAWANOYA RYOKAN)
- 地址: 東京都台東區谷中2-3-11
- 交通方式: 東京地鐵千代田線 根津站1號出口步行7分鐘
安尼可思勝太郎日式旅館 (Annex Katsutaro Ryokan)
安尼可思勝太郎日式旅館係一棟三層混凝土建築，或者睇起嚟唔似傳統旅館，但佢確實係一間舒適乾淨嘅日式旅館。你可以體驗日式服務、瞓喺榻榻米上嘅布團。經營呢間旅館嘅夫婦，聽講非常樂於助人，經常竭盡全力幫助陷入困境嘅客人。
旅館仲會提供日常用品，如浴衣、浴巾、牙刷、風筒、抹茶、洗髮精同沐浴乳。單人房一晚價格為6,600〜7,500円，視季節而定。
飯店資訊
- 名稱: 安尼可思勝太郎日式旅館 (Annex Katsutaro Ryokan)
- 地址: 東京都台東區谷中3-8-4
- 交通方式: 東京地鐵千代田線 千馱木站步行2分鐘
谷中銀座商店街附近嘅酒店
住喺谷中銀座商店街附近嘅酒店係相當實惠㗎，因為佢位於「下町」區域，可解釋為庶民商業區，但實際上同街區嘅風格有關。下町係充滿傳統建築嘅城鎮，具有古老嘅江戶時代氛圍。
Hotel LiVEMAX 日暮里 (Hotel Livemax Nippori)
位於谷中區嘅「Hotel LiVEMAX 日暮里」嘅單人房每晚3,889円起，係一個經濟實惠嘅住宿地點，適合只需要舒適床鋪同基本必需品嘅單身旅客，如牙刷、風筒、毛巾、浴衣等。附近仲有好多好正嘅餐廳，例如「大木屋」，專賣文字燒，呢個係一種濕濕軟軟版嘅大阪燒。
如果你唔介意房間比較狹小，但想慳啲錢嘅話，呢個係一個唔錯嘅住宿地點。請注意，旅客喺入住時付款。
飯店資訊
- 名稱: Hotel LiVEMAX 日暮里 (Hotel Livemax Nippori)
- 地址: 東京都台東區谷中3-2-12
- 交通方式: JR日暮里站步行8分鐘
古民家民宿「hanare」
「hanare」係一個全新嘅時尚民宿，由年輕嘅獲獎建築師宮崎晃吉所設計，民宿嘅概念係「整個城鎮都係你嘅旅館」。
當你抵達民宿時，可以去一樓嘅咖啡廳休息或嘆返杯酒。民宿附近嘅COM SO小屋（コムソーコヤ）可以欣賞到尺八（木笛）表演以及體驗木笛製作。
除此之外，仲有一個大型公共浴室同一間供應美味西餐嘅餐廳。呢間民宿非常受夫妻旅客歡迎，又或者可能係一個蜜月旅行住宿嘅好地方。「hanare」共有五個房間：Yatsude（八の間），Kasumi（霞の間），Hikari（光の間），Kumo（雲の間）同Konoha（木葉の間）。如果係兩人住一間，房價一晚16,000円起。
飯店資訊
- 名稱: hanare
- 地址: 東京都台東區谷中 3-10-25 HAGISO
- 交通方式: JR日暮里站步行5分鐘
Comments