如果你好想體驗新舊交錯嘅東京，請入住墨田區押上嘅酒店。押上係著名地標東京晴空塔®嘅所在地，亦係一個理想嘅住宿地點，因為有各式酒店可以選擇，亦有好多景點等你去探索㗎。
以下係押上地區推薦嘅酒店，配有設施齊全嘅客房，等你可以享受舒適嘅住宿體驗：
東京押上普瑞米爾里士滿酒店 (Richmond Hotel Premier Tokyo Oshiage)
呢間酒店榮獲TripAdvisor 2018年嘅卓越酒店認證，喺舒適同便利方面超過客人嘅期望。酒店260間寬敞嘅客房全面禁煙。此外，佢距離東京晴空塔®僅幾步之遙。
喺酒店嘅Sizzler餐廳可以享用自助式早餐、午餐同晚餐，可以細細品嚐高級沙律吧。如果需要兌換外幣，可以利用酒店大廳（5樓）嘅外幣兌換機。
酒店仲會不時推出訂房同餐飲促銷優惠。當你計劃想住喺押上時，就要Check吓呢間酒店，留意住佢哋嘅優惠活動喇！
酒店資訊
- 名稱: 東京押上普瑞米爾里士滿酒店 (Richmond Hotel Premier Tokyo Oshiage)
- 地址: 東京都墨田區押上1丁目10-3
- 交通方式: 位於押上站出口
押上站旅館
你可以參考以下幾間距離押上車站不遠嘅優質酒店。
ONE@Tokyo
「ONE@Tokyo」酒店由日本建築大師隈研吾所設計，內部同外部結構由工業材料與天然木材融合而成。坐落於新舊交錯嘅墨田區押上，唔只有以東京晴空塔®為主嘅現代城市樣貌，同時亦保留著江戶時代風情嘅街區。
裝潢獨特且寬敞嘅禁煙客房，滿足藝術愛好者、閱讀愛好者同極簡主義者嘅品味。酒店仲有適合輪椅使用者入住嘅房型。部分客房享有東京晴空塔®迷人嘅景緻。
除咗喺@rooftop（休閒室）或@lobby咖啡廳享用飲品外，前者仲可以俾你陶醉喺城市美景，同時欣賞綠意。呢個仲唔係一個旅途中放鬆嘅好方法咩？
酒店資訊
- 名稱: ONE@Tokyo
- 地址: 東京都墨田區押上1-19-3
- 交通方式: 押上站步行5分鐘
小格蘭德公寓式酒店 (Petit Grande Homes)
喺東京旅遊期間，希望擁有一個寬敞嘅住宿空間嗎？你可以考慮小格蘭德公寓式酒店。可以租用整個公寓，體驗“好似當地人一樣嘅生活方式”，非常舒適。
除咗冷氣、sofa同私人浴室外，所有客房仲設有配備齊全嘅廚房，有雪櫃、微波爐、gas爐同水壺。價格合理，似乎係家庭旅行嘅完美住宿選擇。
酒店資訊
- 名稱: 小格蘭德公寓式酒店 (Petit Grande Homes)
- 地址: 東京都墨田區押上1-37-6
- 交通方式: 押上站步行5分鐘
押上地區嘅經濟型旅館 (Oakhostel Sakura)
以下係押上地區嘅一啲經濟型旅館。
櫻花橡樹青年旅館
呢間modern嘅青年旅館有多種房型可以選擇。宿舍房（可選男女混合或女性專用）配有上下舖雙層床，私人客房配有單人床或雙人床。如果你係4人結伴同遊，可以入住佢哋嘅四人套房。
為咗增添趣味，旅館工作人員準備咗一塊小黑板，可以寫低日本令你覺得奇怪嘅地方，呢個係一個可以同其他客人交流嘅機會。
宿舍型房價每人每晚2500円起，豪華雙人房7900円，四人房14,000円。可以用信用卡付款。如果有帶小朋友，咁你應該會好開心，因為呢間旅館允許一名6歲以下兒童免費入住。
酒店資訊
- 名稱: 櫻花橡樹青年旅館 (Oakhostel Sakura)
- 地址: 東京都墨田區業平4-6-9
- 交通方式: 押上站步行7分鐘
東京HUTTE旅館 (Tokyo Hutte)
呢間係一間和洋混合風格嘅青年旅館，提供宿舍型房間同日式私人客房。Mixed Dorm混合宿舍房配有訂做嘅上下舖雙層床，仲有一個榻榻米空間；女性專用房享有河景；日式私人客房配布團，足以容納一個小家庭。
住喺呢度，可以使用公用休閒空間，同嚟自各地嘅客人進行交流。然後喺酒店內嘅咖啡廳享用咖啡或啤酒。
房價：混合宿舍型房間 - 每人每晚3200円、女性專用房 - 每人每晚3500円；日式私人客房 - 每人每晚7500円。請注意，旅館只接受以現金付款。
酒店資訊
- 名稱: 東京HUTTE旅館 (Tokyo Hutte)
- 地址: 東京都墨田區業平4-18-16
- 交通方式: 押上站步行5分鐘
Comments