日本四季變化唔同，各有值得一去嘅觀光景點。其中秋天來臨之際、樹葉凋零前，紅葉喺秋高氣爽清澈天空下閃耀嘅場面，更係宛如一幅美麗畫作。延續東日本篇，呢篇文章內我哋會為您介紹人氣京都到日本最遲先享受到嘅九州之間嘅7大推薦西日本紅葉景點！
京都府 嵐山
因多個知名賞紅葉景點而遠近馳名嘅嵐山，擁有山象徵地標渡月橋、嵯峨野遊覽火車，以及世界遺產天龍寺等多個紅葉名勝，保證各位遊客可以睇足成日！「嵐山紅葉祭」舉行之際，將會有今樣歌舞船、天龍寺船等多隻船隻漂浮於大堰川上面，景色就好似一幅王朝繪卷咁精彩。往年11月底至12月頭為最佳欣賞時機。
景點資訊
- 景點名稱：嵐山
- 交通資訊：嵯峨嵐山站徒步大約10分鐘，京福嵐山線嵐山站或阪急嵐山線嵐山站附近
- 地址：京都府京都市右京區嵐山
京都府 永觀堂禪林寺
「紅葉永觀堂」係一間已經有千百年歷史嘅古寺。大約有3000棵紅葉圍繞池泉回遊式庭園而種植，為多寶塔與御影堂等建築點綴美麗色彩。「秋天寺寶展」舉辦期間，寺內仲會點燈，燈光照映之下幻妙景色美麗得不禁令人屏息讚嘆，非常值得一訪。往年最佳觀賞時機為11月中至11月底。
景點資訊
- 景點名稱：永觀堂禪林寺
- 交通資訊：京都市營巴士至南禪寺永觀堂道徒步大約3分鐘，京都市營地下鐵蹴上站徒步大約15分鐘
- 地址：京都府京都市左京區永觀堂町48
奈良縣 吉野山 中千本
世界遺產吉野山嘅紅葉從海拔最高嘅奧千本區域開始變色轉紅，按中千本、下千本順序漸漸染上秋色。同場仲有世界遺產藏王堂，以及從中千本公園露天溫泉眺望到嘅絕美全景，非常適合嚟一趟寺廟神社佛堂又或溫泉放鬆身心之旅！往年最佳賞紅葉時機為11月頭至12月底。
景點資訊
- 景點名稱：吉野山 中千本
- 交通資訊：乘搭近畿日本鐵道吉野線到吉野站，徒步大約2分鐘到巴士站，再轉乘巴士大約10分鐘；從吉野山站徒步大約10分鐘即達
- 地址：奈良縣吉野郡吉野町吉野山
大阪府 箕面大瀑布
從大阪市內出發約30分鐘，您即可嚟到日本瀑布百選之一嘅箕面大瀑布，亦即以前松尾芭蕉同織田信長等人曾經到訪嘅觀光名勝。越過呢道箕面川沿岸嘅紅葉隧道，雄偉嘅大瀑布隨即會映入眼簾—傾瀉而下嘅巨大瀑布與紅葉形成強烈對比，打造精彩絕倫美景。途中您仲可以品嚐到當地名產「炸紅葉」，記得要試試喇～往年11月中到11月底為最佳觀賞時期。
景點資訊
- 景點名稱：箕面大瀑布
- 交通資訊：阪急箕面線的箕面站徒步大約40分鐘
- 地址：大阪府箕面市箕面公園
鳥取縣 大山
名列日本百大名山嘅大山，山上山毛櫸原生林規模號稱為西日本第一。每到秋天10月底至11上旬最佳觀賞時期，雄偉壯大山巒將會同時染成金黃色。而大山山頂亦會開始積雪。運氣好嘅話，仲可能可以欣賞到施上一層薄薄雪白新妝嘅風情萬種紅葉㖭啊。
景點資訊
- 景點名稱：大山
- 交通資訊：JR山陰本線米子站乘搭往大山寺日本交通巴士大約55分鐘，於終點落車徒步大約10分鐘
- 地址：鳥取縣西伯郡大山町大山
廣島縣 宮島・紅葉谷公園
喺前往海上世界遺產「海上大鳥居嚴島神社」、往宮島纜車嘅中途時遊客都會先經過宮島紅葉谷公園。夜幕低垂後，一片寂靜嘅公園內大約200棵火燒炙紅葉樹同時點綴朱紅色橋樑，絕色景觀因此令公園成為另一當地大受歡迎嘅影相打卡景點。往年最佳觀賞時期為11月中至11月底。
景點資訊
- 景點名稱：宮島・紅葉谷公園
- 交通資訊：宮島口站徒步約大5分鐘、或廣島電鐵宮島線宮島口站徒步大約1分鐘，到宮島口棧橋乘搭渡輪約10分鐘，「宮島棧橋」落船後徒步大約20分鐘
- 地址：廣島縣廿日市市宮島町紅葉谷
宮崎縣 高千穗峽
高千穗峽由高度大約80米至100米、長約7公里連綿不絕嘅懸崖峭壁組成，被指定為國家名勝天然紀念物。由於高千穗峽流傳多個神話故事，因此亦有九州首席Power Spot能量景點美譽。遊客喺呢度可以租借船隻盡情享受紅葉美麗，而嚟到真名井瀑布旁邊的話，更可以一邊欣賞紅葉、一邊盡情吸收滿山滿谷負離子。往年最佳觀賞時機為11月中至11月底。
景點資訊
- 景點名稱：高千穗峽
- 交通資訊：延岡站駕車大約50分鐘
- 地址：宮崎縣西臼杵郡高千穗郡大字三田井御鹽井
Comments