有樂町地區有各式各樣嘅餐廳，從日式快餐到傳統居酒屋，甚至印度料理，係一個你放鬆身心享用美食嘅絕佳去處！
有樂町美食街
如果想嘗試一啲美味嘅串燒同海鮮，有樂町有兩條主要嘅美食街值得前往: 有樂町JR地下通道餐廳，以及有樂町產直飲食街！
有樂町 JR地下通道餐廳
有樂町地下通道餐廳位於JR山手線高架電車下方，距離有樂町站約有4分鐘步行路程，聚集好多間居酒屋、餐廳同酒吧。喺呢度可以搵到東京上班族鐘意嘅美味串燒同日式下酒菜！
相關資訊
- 名稱: 有樂町 JR地下通道餐廳
- 地址: 東京都千代田區有樂町2-3
- 交通方式: JR有樂町站出來步行6分鐘
有樂町産直飲食街
如果沿著JR鐵道下方往前行，可以搵到有樂町產直飲食街。呢個小小嘅美食天堂令你回到日本嘅懷舊時代，喺同一地區有好幾間餐廳提供唔同類型嘅美食。
雖然目前仲喺度建設中，但仍然可以前往該地區嘅一啲餐廳，品嚐美味嘅海鮮、豬肉同雞肉菜餚。如果敢食，呢度仲有一間提供馬肉料理嘅餐廳！
相關資訊
- 名稱: 有樂町産直飲食街
- 地址: 東京都千代田區有樂町2-1-1
- 交通方式: JR「有樂町」站銀座口出口出來步行6分鐘
有樂町印度料理餐廳
如果想食素食，或一啲相對比較健康嘅食物，我哋建議你前往有樂町區嘅印度料理店，以平價就可以食到多種素食料理！
Mantra Cafe 銀座店
呢間印度料理店位於Ginza 5 地下一樓，距離有樂町站僅6分鐘步行路程，供應各種美味嘅印度咖哩同燒肉，令你回味無窮！
店員非常友善，亦可以以英語溝通。營業時間為星期一至星期六上午11:00至晚上11:00，星期日上午11:00至晚上10:00。午餐價格約為1000円，晚餐根據你選擇嘅餐點，套餐可高達2000円。
餐廳資訊
- 名稱: Mantra Cafe 銀座店
- 地址: 東京都中央區銀座 5-1 Ginza 5地下一樓
- 交通方式: JR有樂町站 步行6分鐘
有樂町站附近美食
有樂町最正嘅一點係可以喺車站隔離搵到好多餐廳。熱門嘅包括Curry Shop C＆C咖哩專賣店，吉野家，STARBUCKS，如果前往地下樓層，甚至仲有Krispy Kreme甜甜圈。
Curry Shop C&C咖哩飯
自1968年新宿本店成立以嚟，Curry Shop C＆C現在喺日本各地共有20多間分店，專門製作使用優質香料同香草製成嘅美味咖哩飯。
菜單上嘅餐點種類豐富，但最受歡迎嘅係炸豬排咖哩飯，價格610円起。點菜方式非常簡單，使用出面嘅自動販票機，睇住上面嘅圖案，選擇自己要嘅餐點，投入紙鈔或硬幣就得。
營業時間為平日上午7:30至晚上11:00，星期六日同紅日嘅營業時間為上午9:00至晚上9:30。午餐時段會比較擠迫，建議提早前往！
餐廳資訊
- 名稱: Curry Shop C&C
- 地址: 東京都千代田區有樂町 2-9-14
- 交通方式: JR有樂町站、京橋口出即可抵達
吉野家 有樂町店
吉野家被譽為日本最好嘅牛丼餐廳之一，其歷史可以追溯到1899年，日本橋魚市場開設第一間分店。如今，吉野家不僅遍布全日本，仲遍布世界各地！
如果趕時間，吉野家提供各種方便快速嘅丼飯套餐。最平嘅餐從380円起，仲可以依個人喜好加蛋、燒三文魚、泡菜等！
吉野家有樂町店嘅另一個好處係24小時營業。餐廳隔離有一個外賣窗口，提供俾趕時間嘅人使用！
餐廳資訊
- 名稱: 吉野家 有樂町店
- 地址: 東京都千代田區有樂町 2-9-18
- 交通方式: JR有樂町站中央口出嚟即可抵達
Comments