以位置嚟決定便利性？咁當你嚟到東京旅遊，不妨考慮住喺汐留嘅酒店啦。汐留（Shiodome）係一個中央商業地區，擁有眾多景點，如購物、咖啡廳同餐館、摩天大樓，甚至日本電視台總部等等都喺呢度！
以下係4間推薦嘅酒店，客房設施齊全，保證你喺入住期間嘅舒適度。
東京港麗酒店 (Conrad Tokyo Hotel)
港麗酒店係一間豪華酒店，因為汐留車站直接相連，位置非常便利。從酒店到銀座都只係步行就到達嘅距離。入住呢度嘅客人可以欣賞到濱離宮恩賜庭園同東京灣嘅壯麗景色。呢間禁煙酒店以現代日式設計，共有290間客房可供選擇。
你可以享受「水月」水療放鬆一下，或者係喺設備齊全嘅健身中心鍛煉身體，亦可以喺室內游泳池暢泳。用餐方面，可以任選四間歐洲或亞洲等風格嘅餐廳，品嚐美味嘅餐點，仲可以喺酒吧欣賞Live音樂表演。
酒店資訊
- 名稱：東京港麗酒店 (Conrad Tokyo Hotel)
- 地址：東京都港區東新橋1-9-1
- 交通方法：汐留站步行約2分鐘
THE皇家花園酒店 東京汐留 (Royal Park Hotel The Shiodome, Tokyo)
時尚嘅皇家花園酒店係另一間位置便利嘅酒店，可藉由與新橋站同汐留站直接相連嘅地下通道前往。呢間酒店距離銀座亦都係徒步可達嘅距離。並擁有東京摩天大樓嘅壯麗景觀。
所有寬敞嘅客房均享有城市或海灣景觀。客房全面禁煙。住喺呢度嘅一大好處，就係只要額外付費，即可乘坐酒店安排嘅機場巴士，往返成田機場同羽田機場。
你可以喺Mandara水療中心嘅熱水浴池中舒暢地浸浴，或享受有助恢復活力嘅按摩，更可以喺健身房鍛煉。再睇睇酒店嘅特色餐廳，特別係CHAYA長壽飲食餐館，其菜單適合有限制飲食嘅人。
酒店資訊
- 名稱：THE 皇家花園酒店 東京汐留 (Royal Park Hotel The Shiodome, Tokyo)
- 地址：東京都港區東新橋1-6-3
- 交通方法：都營大江戶汐留站2號出口步行約1分鐘, JR新橋站汐留出口步行約3分鐘
三井花園酒店汐留義大利街 (Mitsui Garden Hotel Shiodome Italia-gai)
如果你鐘意搵啲特別啲嘅地方入住，咁就去義大利城嘅三井花園酒店啦。呢間優雅嘅酒店周圍環繞著一系列美麗嘅建築，類似義大利文藝復興嘅風格。
喺眾多客房當中，女性專用客房內配有離子臉部蒸汽機。佢哋仲提供稱為「Handy」嘅免費嘅智慧型手機租借服務，可以喺酒店內外使用。
你仲可以預約享用按摩服務，或者喺13樓嘅日式大浴場免費體驗溫泉般嘅浸浴。肚餓嘅話，可前往La Malea義式自助餐廳，有美味可口嘅義大利料理。
酒店資訊
- 名稱：三井花園酒店汐留義大利街 (Mitsui Garden Hotel Shiodome Italia-gai)
- 地址：東京都港區東新橋2-14-24
- 交通方法：汐留站步行約7分鐘, 濱松町站北出口步行約8分鐘
Hotel Villa Fontaine 東京汐留 (Hotel Villa Fontaine Tokyo – Shiodome)
Villa Fontaine係一間現代化嘅酒店，因設有商務中心，提供電腦免費上網同列印服務，深受商務旅客歡迎。甚至可以付費租借筆記型電腦。
客人可以選擇早餐方案享用西式自助早餐。除咗實惠，呢間酒店嘅地理位置良好，可徒步前往築地場外市場。
酒店資訊
- 名稱：Hotel Villa Fontaine 東京汐留 (Hotel Villa Fontaine Tokyo – Shiodome)
- 地址：東京都港區東新橋1-9-2
- 交通方法：汐留站步行約1分鐘, 新橋站步行約6分鐘
Comments