東京有好多著名嘅寺廟，其中一座位於東京港區高輪二丁目嘅曹洞宗寺院「泉岳寺」，係一座歷史悠久嘅古老禪寺。呢度係「元祿赤穂事件」發生嘅地點，亦即係著名嘅歌舞伎劇目「假名手本忠臣藏」嘅藍本。
深具歷史魅力嘅「泉岳寺」
出咗泉岳寺地鐵站後立即爬坡，可以睇到位於左手邊泉岳寺嘅大門。繼續往入行，有一個雙層屋頂大門。喺二樓，有16名佛教禪師喺呢度獻身。一樓嘅天花板上裝飾咗「江戶三龍」，其中包括「銅雕大蟠龍」。
當經過山門後，會睇到大殿。前方嘅建築被第二次世界大戰嘅空襲摧毀，而家嘅大殿建於1953年。被重建為鎌倉式建築。
泉岳寺係曹洞宗著名嘅寺廟。曹洞宗由道元禪師創立，再經由瑩山禪師致力推廣至全國。今日嘅泉岳寺以「忠臣藏」聞名，較少人知道呢座寺廟當初嘅設立係為咗紀念曾為德川家康效勞、於桶狹間之戰中犧牲嘅日本戰國時代大名－今川義元。
四十七位浪人
沿著山門左側嘅小路前進，會發現「忠臣藏」，47位浪人嘅墳墓。
「元祿赤穂事件」發生喺日本江戶時代中期元祿年間，赤穗藩（現今嘅兵庫縣赤穗郡）家臣47人為主人報仇殉死之事件。
下圖係47浪人嘅墳墓。
關於「忠臣藏」嘅故事
日本江戶時代中期元祿年間，赤穗藩藩主－淺野長矩因喺奉命接待朝廷敕使一事上，受到深懂朝廷禮儀嘅首席「高家」吉良義央嘅刁難同侮辱，淺野為一報遺恨，喺將軍居城江戶城嘅大廊上，拔刀殺傷吉良義央。將軍德川綱吉一聽到淺野喺大殿入面行兇，氣急敗壞，認為淺野罪大惡極。立即命令淺野即日切腹，並沒收家祿。另一方面，吉良卻無因犯下罪行而受到指責。喺嗰個時候，淺野嘅家臣對於城主切腹自殺非常痛惜。家臣之長－大石內藏助要求同佢同生共死嘅家臣共同立下報仇誓約，替主人報仇。
之後，幕府派新城主嚟接收赤穗，並且命令淺野家嘅家臣團喺三十日內統統解散。赤穗嘅淺野家家臣從此成為浪人，分散到各地，成為無業嘅武士。
1702年12月14日，喺雪中，立誓為主人復仇嘅47位浪人前往吉良邸。佢哋當場取下吉良嘅首級，為主人報咗仇。47位浪人高舉住吉良嘅首級，行到去泉岳寺（約15公里，路程2個鐘10分鐘），將首級獻到淺野嘅墳上。之後，幕府下令佢哋集體切腹。呢四十七名赤穗浪士，最後全部剖腹自刎而死。
呢個係一個關於「武士」堅忍、忠誠精神嘅故事。「元祿赤穂事件」成為人形浄瑠璃、歌舞伎嘅代表性劇目－「假名手本忠臣藏」嘅題材藍本。直到今日，仍然普遍受到喜愛，無論係電影、戲劇定係舞台劇等都使用咗呢個題材。
有興趣了解赤穗義士嘅人，當進入泉岳寺中間嘅門之後，左手邊有赤穂義士紀念館同義士木像館。可以睇到有關大石嘅珍貴文物。呢度仲展示咗忠臣藏劇目嘅DVD。木像館亦陳列咗47位浪人嘅木像。
赤穗義士祭
當然，呢個寺廟最熱鬧嘅活動係「赤穂義士祭」。每年舉辦兩次，分別喺12月同4月舉行，冬季喺12月14日舉行，即義士殉死之日。寺廟當日延長開放到晚上10點左右。
裝扮成武士嘅人列隊而行，紀念品商店亦非常受歡迎。 其中推薦赤穗義士周邊商品！現場亦有好多攤販，喺食嘢飲酒聊天嘅同時，每個人都會諗起呢段歷史，緬懷呢啲義士，直到深夜。
相關資訊
- 名稱：赤穂義士記念館及義士木像館
- 開放時間: 4月～9月 09:00 - 16:30 ; 10月～3月 09:00 - 16:00
- 門票：赤穂義士紀念館及義士木像館兩館通票：成人500円、中學生400円、童孩(10歲或以上)250円、30人以上團體400円
相關資訊
- 名稱: 泉岳寺
- 開放時間：
- 4月～9月 7:00 - 18:00
- 10月～3月 7:00 - 17:00
- 門票：寺廟免費參觀
- 地址：東京都港區高輪2-11-1
- 交通方式: 泉岳寺站 / 白金高輪站步行２分鐘
Comments