雖然下北澤以古著聞名，但亦有各式各樣嘅餐廳，提供壽司、素食、純素食品以及其他值得一試嘅美食！就等我哋一齊嚟發掘下北澤嘅餐廳啦！
下北澤嘅壽司店
可能好多人都唔知道，下北澤啲壽司餐廳非常受當地人及遊客歡迎。當中包括米其林一星級嘅鮨 福元同壽司屋 魚真。
鮨 福元
鮨 福元被認為係東京地區最好嘅壽司店之一，被授予米其林一星獎，提供高品質嘅壽司，而其原材料由廚師福元親自挑選。
我哋推薦Omakase(お任せ)套餐。廚師會為你精心挑選所有菜餚配搭。套餐由14,000円起，需要事先預訂。有興趣嘅話緊記要提前預訂，獎賞自己一個優雅嘅用餐體驗！
餐廳資訊
- 名稱：鮨 福元
- 地址：東京都世田谷區代澤5-17-6 B1
- 交通方式：下北澤站步行7分鐘
壽司屋 魚真
雖然無鮨 福元咁高級優雅，但壽司屋魚真嘅重點係以便宜嘅價格享用壽司！餐廳有60多個座位，午餐同晚餐時段都會開放營業。
價格方面, 根據揀選咗嘅套餐, 午餐由2,000円到3,000円不等。而晚餐大約是4,000円左右。雖然預約唔係必需，但都建議提早訂位，因為即使係平日嘅晚上否會有好多客人。
- 名稱：壽司屋 魚真 下北澤別館 (下北澤店於2018年9月30日暫時停業, 1年後回歸, 而家以別館繼續經營)
- 地址：(別館) 東京都世田谷區代田6-5-26 1F (暫時停業嘅下北澤店: 東京都世田谷區北澤2-1-1)
- 交通方式：下北澤站步行3分鐘
下北澤嘅素食餐廳
無論你想尋找純素食餐館定係素食餐館，喺下北澤你都可以搵到各種素菜美食！其中一個比較受歡迎嘅餐館提供拉麵, 而另一個餐館則提供100％有機同無農藥嘅蔬菜！
藥膳食堂Chabuzen
藥膳食堂Chabuzen供應各款美食，包括拉麵，咖哩，炸雞和天婦羅，係其中一間少數可以搵到有機同純素食品嘅地方之一！呢度最受歡迎嘅菜餚之一就係佢哋嘅純素拉麵，真係非常美味！
餐廳資訊
- 名稱：藥膳食堂Chabuzen (ちゃぶ膳)
- 地址：東京世田谷區6-16-20
- 交通方式：下北澤站步行8分鐘
農民Café下北澤店
呢間Café嘅老闆喺千葉縣擁有一個農場，所以可以確保佢哋大部分食材都係有機而且無含農藥！店家提供各種素食菜餚，並可以因應客人喜好而定制其他菜餚, 以滿足素食客人或純素客人嘅需求！
餐廳資訊
- 名稱：農民Café下北澤店
- 地址：東京都世田谷區北澤2-27-8
- 交通方式：下北澤站步行5分鐘
下北澤嘅義式餐廳
聽上去可能想像唔出，但喺下北澤有一間名叫LA BEFANA嘅意大利餐廳, 絕對值得一試! 餐廳提供各種意大利美食，特別係新鮮現場製作嘅披薩, 如果想喺店內慢慢用餐,就非常推薦！
餐廳資訊
- 名稱：LA BEFANA
- 地址：東京都世田谷區代田5-31-3
- 交通方式：下北澤站步行1分鐘
Comments