東京灣嘅港口城市—橫濱有一個建築咗百年之耐嘅古老倉庫「紅磚倉庫」。活用咗本身古色古香嘅氛圍內部改裝設立咗時尚嘅餐廳同雜貨小舖，現今成為咗橫濱最知名嘅人氣觀光景點。而5月喺呢個紅磚倉庫嘅中庭，為咗班汽車迷舉辦咗個戶外活動「2018 LE VOLANT Cars Meet」。藍天之下，從BENTLEY 賓利、Mercedes-Benz 賓士、Aston Martin等高級汽車品牌到TOYOTA「2000GT」等等歷史名車，陳列展示咗各式各樣夢想嘅名車，當中三菱汽車都舉行咗一個頗為有趣嘅試乘活動。
重現最大坡度45度嘅斜坡、部分輪胎懸空嘅起伏道路
當然橫濱嘅港灣咁平坦嘅地方係唔會出現坡度超斜嘅路面或者係起伏高低不平嘅道路嘅。而係使用咗設備重現人工嘅山岳環境。跨越起伏極大嘅高地，行駛部分輪胎懸空嘅道路，而重點係攀登45度嘅大斜坡。呢三種項目嘅呈現，係由獲得兩次巴黎達喀爾拉力賽全勝嘅增岡浩氏，同埋專業車手所駕駛嘅汽車，提供民眾體驗，而喺試乘區域聚集咗好多粉絲試乘、參觀。
試乘車有輕型休旅SUV「ECLIPSE CROSS」同可以行駛於越野道路嘅廂型車「Delica D5」，當中特別受到矚目嘅係今年啱啱發售嘅「ECLIPSE CROSS」。精巧嘅時尚車身入面，組裝咗渦輪引擎同埋高度嘅四輪傳動系統，完全嶄新嘅SUV休旅車
嚴峻嘅考驗都可以輕鬆過關。共乘者一同歡呼
首先表演嘅項目係跨越高度隆起嘅路面。呢個障礙關卡係登上咗階梯上坡，跨越咗頂端之後，緊接落嚟嘅就係落坡。而如果車嘅底盤同地面之間無保持足夠距離嘅話，爬上頂端隨即落坡嗰陣，底盤就會碰觸到頂端突出嘅地面。但係，「ECLIPSE CROSS」卻輕鬆咁跨越呢項障礙，完全無碰觸到。
剩係有三輪著地嘅狀態行駛依然強而有力
第二個項目係傾斜嘅路面，後輪會單輪懸空。就算係四輪傳動系統嘅車輛，三輪行走嗰陣懸空嘅單輪都會空轉，引擎嘅施力會受到影響，導致無法順利咁行駛，咁樣嘅狀況都唔少。但係「ECLIPSE CROSS」裝備咗「S-AWC」超能全時嘅四輪控制系統，自由分配前後嘅輪動力，懸空嘅車輪完全唔會空轉，令剩低嘅三輪狀態都可以順暢行走。
最後係45度嘅急斜坡。驅動沉重車身嘅引擎動力，適當調配前後輪嘅動力，汽車前端重心比較低，呢D要素都缺一不可，否則就爬唔上45度嘅斜坡啦。「ECLIPSE CROSS」即使係乘坐咗四個人都可以輕鬆咁爬上45度嘅斜坡。
而呢個45度嘅斜坡係平常難得體驗嘅特別經驗嚟嘅，喺車入面睇到前方擋風玻璃剩係睇得到天空，單單只係咁，體驗共乘嘅參加者都一致咁揚聲歡呼啊。
「ECLIPSE CROSS」擁有如此高規格嘅駕馭性能，無論係東南亞嘅熱帶雨林所見嘅未鋪設柏油嘅道路或者係中國內陸地區、亞洲南方廣闊嘅沙漠等嚴峻嘅自然環境之下似乎都可以非常自在咁奔馳㗎。
Comments