嚟到原宿地區，一定要順便去表參道行下！來自澳洲雪梨嘅知名義式餐廳等等，表參道係所有美食家嘅首選！
表參道附近嘅餐廳
嚟到表參道，我哋第一個推薦嘅係充滿好多時尚美食小攤販嘅「COMMUNE 2nd」空間。喺呢個社區般嘅環境中可以搵到各種當地同異國美食。
由各種各樣嘅食物，好似係烏冬、雞肉菜餚、素食、西班牙小菜等組成嘅「COMMUNE 2nd」空間。即使唔準備用餐，都可以去睇一睇，呢度夜晚有時會舉辦一啲活動。
營業時間為上午11:00至晚上10:00，Last order方面，食物類為夜晚9:30，飲品為晚上9:45。呢度有足夠嘅座位，適合隨時同朋友或屋企人一齊前往，一於嚟享受一種獨特嘅體驗啦！
相關資訊
- 名稱: Commune 2nd
- 地址: 東京都港區南青山3-13
- 交通方式: 東京Metro「表參道站」徒步2分
表參道Hills餐廳
表參道Hills 購物中心位於表參道嘅主要道路上，可以搵到好多珠寶、時尚設計師店，更重要嘅係：食物！
喺呢度，可以搵到日本料理、壽司店、酒吧，甚至有朱古力專門店。人氣餐廳包括Jean-Paul Hevin嘅巧克力，Golden Brown令人垂涎嘅美味漢堡以及37 Steakhouse牛排餐廳。
表參道Hills開放時間為每日上午11:00至晚上9:00點，但多間餐廳嘅營業時間會超過晚上9點。
相關資訊
- 名稱: 表參道Hills
- 地址: 東京都澀谷區神宮前4-12-10
- 交通方式:
- 東京Metro地鐵銀座線、千代田線、半藏門線「表參道站」A2出口步行2分鐘
- 東京Metro地鐵千代田線、副都心線「明治神宮前（原宿）站」5號出口步行3分鐘
表參道平價美味壽司
雖然表參道地區有好多壽司店，但好一大部分都幾貴下！如果想以平價品嚐最新鮮嘅壽司，咁就一定要嚟平祿壽司！
平祿壽司嘅菜單上超過30種菜餚單點只係需要130円！其他菜餚130円起跳，取決於食材嘅稀有性。呢間係一間迴轉壽司店，現場好多工作店員都識講英文，協助外國客人點餐。
營業時間為每日上午11:00至晚上9:30，由於餐廳生意非常好，建議下午時段前往以避開用餐人潮。另外，可以留意喺店門口嘅店員，佢哋仲會喺客人面前現場切吞拿魚。絕對會係一次特別嘅體驗！
餐廳資訊
- 名稱: 平祿壽司東京澀谷表參道店
- 地址: 東京都澀谷區神宮前5-8-5 JUBILEE大樓1樓
- 交通方式:
- 東京Metro銀座線、千代田線、半藏門線「表参道站」A2出口出站後步行2分鐘
- 東京Metro千代田線、 副都心線「明治神宮前（原宿）站」5號出口出站後步行3分鐘
表參道最正嘅義式餐廳
來自澳洲雪梨嘅Fratelli Paradiso義式餐廳於2017年喺表參道開設咗新店。曾經獲得多個獎項並喺澳洲百大餐廳中排名第25位，喺表參道搵唔到比Fratelli Paradiso更精緻嘅義式餐廳！
使用當地生產嘅有機食材，提供最好嘅義大利料理，以及澳洲悉尼獨特嘅飲食風格。
午餐時段，可以享用自助式buffet，或選擇價位1,500円起嘅套餐，而且只需要額外再俾一啲費用，就可以根據你嘅口味客製化餐點！ 晚餐時段提供多種套餐，以及可以單點菜餚。
Fratelli Paradiso營業時間為上午11:00至下午3:00，晚餐時段為每天下午3:00至晚上11:00，星期日晚上營業到10:30。前往餐廳嘅交通非常方便，距離明治神宮前站或表參道站僅3分鐘路程。
餐廳資訊
- 名稱: Fratelli Paradiso
- 地址: 東京都澀谷區神宮前4-12-10表參道Hills本館 3F
- 交通方式:
- 東京Metro銀座線、千代田線、半蔵門線「表参道站」A2出口步行2分鐘
- 東京Metro千代田線、副都心線「明治神宮前（原宿）站」5號出口步行3分鐘
Comments