就好似美國嘅E3同德國科隆遊戲展，日本嘅東京電玩展都係世界聞名，此項電玩界嘅盛事，每年9月喺幕張展覽館大肆舉辦！好多大家熟悉嘅廠商幾乎都會參展，如SONY、CAPCOM等，種有好多新興遊戲開發廠商。一年一度嘅盛會絕對唔可以錯過！
關於東京電玩展
東京電玩展嘅主辦單位係一般社團法人電腦娛樂協會（CESA）、協辦單位係日經BP社。每年喺千葉市嘅幕張展覽館舉辦。1996年開辦第一屆東京電玩展，之後固定喺每年春秋兩季各舉辦一次，直到2001年為止。喺2002年改為9月舉辦，展期為期四日。
前兩日只開放遊戲業界人士進場，後兩日先至會開放一般大眾入場。嚟到東京電玩展可以接觸到即將發布嘅最新遊戲消息、仲有機會同鐘意嘅遊戲開發廠商見上一面，令東京電玩展大受歡迎。
SONY展區
每年大家都會期待東京電玩展SONY發表新產品或新消息。SONY嘅展區高級時尚，擁有好多先進科技，展出多項最近新發布嘅遊戲，仲有好多即將發布嘅遊戲展示及遊戲預告，有啲仲提供DEMO試玩。
除此之外，佢哋喺展區上仲推出咗各種各樣嘅活動，開發商同神秘來賓嘅特別見面會之類。所以嚟東京玩嗰陣，咁啱係東京電玩展舉辦期間嘅話，絕對唔可以錯過，一定要嚟佢哋嘅展區行下。
第三方遊戲廠商
東京電玩展除咗遊戲主機開發廠商以外，好多第三方遊戲廠商都非常活躍，如CAPCOM、Konami, Square Enix, Atlus等等多個知名遊戲大廠，展示各種即將發表上市嘅最新遊戲，等住玩家去試玩！所以，記得嚟探索呢啲攤位，搵出你最鐘意嘅遊戲啦！
東京電玩展機器人
如果你認為嚟東京電玩展，凈係得電玩遊戲，咁就錯啦。2017年嘅東京電玩展，法國Quantic Dream公司為宣傳＜底特律：變人（Detroit: Become Human）＞展示出非常逼真嘅人型機器人，遊戲中嘅Android AP700 model機器人。
該影片造成轟動，機器人一舉一動似真似假，網路上甚至有好多人討論到底係真人定係機器人。
遊戲學校區
東京電玩展仲有一個睇頭，可以睇到好好日本遊戲專門學校。超過五十間學校帶住一班學生一同參展，展示佢哋嘅成果，同時仲招攬未來有意入學嘅學生。
雖然主要展示係日語，但多數學校均接受海外學生，如果有意踏入遊戲界大門，想了解該產業更多知識與技術，就絕對唔可以錯過呢項盛會。
有關東京電玩展嘅展覽資訊
東京電玩展展期
東京電玩展通常會喺9月嘅第三個周末舉辦，為期四日。前兩日僅開放遊戲界人士、媒體同特別來賓入場，後兩日先至會對外開放入場。
每日開放入場時間為早上10點至下午5點，通常早上8點就有人開始排隊，為求最早進入幕張展覽館。從東京過嚟睇展嘅人，建議最好早啲離開會場，因為抵達海濱幕張站話唔定仲要花45分鐘以上嘅時間。
入場門票
門票通常於7月中旬開始發售，票價約1,000円左右，可事先購買或活動當日購買。
如果無法從官網上購買門票，咁就只可以對外開放入場當日前往幕張展覽館買飛。唔洗擔心買唔到飛！但建議當日提早去買飛，越遲入去，排隊買飛嘅人龍就越來越長！
景點資訊
- 名稱：幕張展覽館東京電玩展
- 地址：千葉縣千葉市美濱區中瀨2-1
- 交通方式：
- 乘搭京葉線至海濱幕張站，從東京站約30分鐘；從蘇我站約12分鐘。徒步至幕張展覽館約5分鐘。
- 從秋葉原線至幕張本鄉站，搭乘JR總武線約40分鐘，徒步至幕張展覽館約15分鐘。
Comments