上野公園係東京都之中最大嘅綠地，亦係最受歡迎嘅旅遊景點之一。唔只以動物園同博物館而聞名，季節性嘅景色都好出名。想唔想知上野公園有咩咁魅力，吸引到咁多遊客到訪呢？我哋就為大家介紹上野公園一年四季中嘅吸引之處，同入面有咩好玩啦。
四季之下嘅上野公園
上野公園係日本首個公園，歷史性十足，但其實四季轉換嘅景色都非常迷人。
上野公園嘅櫻花
園內種植超過1,200棵櫻花樹，自江戶時代開始就成為熱門嘅賞櫻景點。而且每年都會喺3月下旬至4月上旬舉行上野櫻花祭。到夜晚，仲會有約千盞紙燈籠掛喺一排樹上，欣賞呢個夜櫻真係好夢幻！
喺上野公園舉行嘅夏季活動
夏天時處處綠意，開始變得係Family day一家大細嘅好去處。呢個時候上野公園會舉辦好多活動，例如武士祭、澳洲節、昆蟲展等等，仲有各種節日活動，吸引好多家庭同遊客。當然，除咗當地人，遊客都可以參加，好好享受上野公園嘅季節性活動嘅熱鬧氣氛啦。
秋天楓葉美景
上野公園除咗出名櫻花，亦係秋天觀賞紅葉嘅絕佳地點之一。從11月中旬到12月上旬，東京國立博物館前面嘅大道兩旁，盡係色彩繽紛嘅櫸樹同銀杏樹。清水觀音寺周圍又有鮮紅嘅楓葉，成座公園內都可以欣賞到紅色、黃色同金色嘅秋葉景色。
上野公園嘅冬季點燈
上野公園係觀賞春天櫻花嘅熱門地點。喺冬季點燈嘅時候，櫻花樹將再次閃耀。活動期間，櫻花樹上裝飾咗粉紅色嘅LED燈，營造出一個與春天截然不同嘅壯麗世界。
大人細路都鐘意嘅上野動物園
上野動物園於1882年開園，係日本最古老嘅動物園。多年來，其面積不斷再擴大，而家共有464種、2,600多頭動物。
景點資訊
- 名稱：上野動物園
- 開館時間：上午9點半到下午5點（售票時間下午4點為止）
- 休館時間：每星期一休園 (如果星期一係紅日嘅話，則星期二休園)。12月29日到1月1日。
- 門票：
| 成人 (16-64歲) | 600 円 |
| 長者 (65歲以上 | 300 円 |
| 係學生 (13-15歲) | 200 円 |
| 孩童 (0-12歲)、居住於東京嘅中學生或喺東京就學嘅中學生、身障者及一名陪同人 | 免費 |
- 上野動物園開園紀念日(3月20日)、綠之日(5月4日)、都民之日（10月1日）免費入園。
上野公園內三個必去嘅博物館
上野公園有3座歷史悠久嘅大型博物館，參觀者絡繹不絕。每個博物館都有英文或中文導覽。
國立西洋美術館
國立西洋美術館於2016年被聯合國教科文組織列為世界文化遺產，展出咗印象派畫作、來自日本企業家「松方幸次郎」個人收藏品嘅羅丹雕塑作品，以及文藝復興時期至20世紀初嘅作品。
景點資訊
- 名稱：國立西洋美術館
- 開館時間：上午9點半到下午５點半（星期五同星期六延長開放到晚上８點）
- 門票：
| 成人 | 500 円 |
| 大學生 | 250 円 |
| 中小學生、高中生或18歲以下、65歲以上長者、身障者及一名陪同人 | 免費 |
- 特展需另外購票
- 每月嘅第二、四個星期六、文化日( 11月3日 )，常設展免費參觀。
東京國立博物館
東京國立博物館係日本最古老嘅國立博物館，擁有來自日本和亞洲其他國家，精美而類別完整嘅藝術品及古文物。
景點資訊
- 名稱：東京國立博物館
- 開館時間：上午9點半到下午５點（每逢星期五、六延長開放到晚上９點）
- 門票：
| 成人 | 620 円 |
| 大學生 | 410 円 |
| 中小學生、高中生或18歲以下、70歲以上長者、身障者及一名陪同人 | 免費 |
- 特展需另外購票
- 國際博物館日（5月18日）、敬老日（9月嘅第三個星期一），綜合文化展（常設展）免費參觀。
國立科學博物館
呢度係日本唯一嘅國立科學博物館，展示咗大量與自然科學、科技歷史相關嘅物品。
景點資訊
- 名稱：國立科學博物館
- 開館時間：上午9點到下午5點（星期五同星期六延長開放到晚上８點）
- 門票：
| 成人、大學生 | 620 円 |
| 高中生以下、65歲以上長者、身障者及一名陪同人 | 免費 |
- 特展需另外購票
上野公園嘅景點資訊
- 名稱: 上野公園
- 開放時間: 05:00 - 23:00
- 地址: 東京都台東區上野公園5-20
- 交通方式:
- 於JR山手線、地鐵銀座線、日比谷線「上野站」落車後步行2分鐘
- 於大江戶線「上野御徒町站」落車後步行5分鐘、京成線「京成上野站」落車後步行1分鐘
Comments