下北澤，係一個新舊融合嘅地區，係年輕人鐘意行街睇嘢嘅熱門場所之一。喺呢度有好多販賣古著服飾及二手雜貨嘅特色店鋪，獨特風格濃厚嘅Café，經典音樂唱片行及藝術劇場。年輕氣息洋溢又充滿下町風味嘅地區，一直以來都深受當地人同遊客嘅青睞。而下北澤到底魅力何在，吸引大家到訪呢？
下北澤觀光攻略及資訊
下北澤，亦稱「下北」，位於東京世田谷區，下北澤車站鄰近地區有好多特別有趣嘅小店、Café以及餐廳，而成個地區遍佈巷弄、蜿蜒小路錯綜複雜橫跨車站鐵路，喺下北澤閒逛，宛如探險一般，可能喺轉角就會遇見心愛嘅特色小店。
前往下北澤可以喺澀谷乘搭京王井之頭線，或喺新宿乘搭小田急小田原線至下北澤站，所需車程約10分鐘左右。下北澤站嘅北側有好多古著商店，充滿下北澤嘅時尚風格，南側集中各種餐廳同Café。
嚟下北澤SHOPPING，體驗下北澤特有風格
下北澤嘅街頭小店所販賣嘅服飾風情萬種，二手古著或異國風味十足嘅服飾居多，穿上下北澤風格嘅服飾，凸顯個人特色，為下北澤風格有趣嘅地方。當地眾多商店，可能會睇到部分品牌連鎖店。但嚟到下北澤，當然要逛一下當地嘅二手古著。
下北澤嘅時尚重點係二手古著。喺呢度可以搵到好多復古時尚舊衣，從服裝到配件應有盡有，保存狀態良好且款式獨特有趣。其中一間名叫「Flamingo佛朗明哥」嘅店面非常受歡迎。
Flamingo佛朗明哥 下北澤本店
店門前搶眼鮮豔螢紅嘅佛朗明哥招牌，好難發現唔到呢間店嘅存在。而Flamingo佛朗明哥位於下北澤，一共有三間店面。本店位於下北澤站北側HardOff二手商店嘅隔離。
景點資訊
- 名稱：Flamingo佛朗明哥 下北澤本店
- 地址：〒155-0031東京都世田谷區北澤 2-25-12
- 交通方式：下北澤站北口徒步約4分鐘
下北澤知名美食
下北澤北側嘅店家主要係服飾同配件商店，南側係各種各樣嘅餐廳、Café同居酒屋，餐飲店家種類豐富，肚餓嘅話亦可以迅速解決一餐，或食一餐飽嘅。
廣島御好燒 HIROKI
於眾多餐廳當中我哋推薦一間名叫「廣島御好燒 HIROKI」嘅店家，非常受當地居民嘅歡迎，嚟下北澤行街嘅人都非常推薦。店家嘅菜單有好多廣島御好燒同鐵板燒，價錢非常實惠。
景點資訊
- 名稱：廣島御好燒 HIROKI
- 地址：〒155-0031東京都世田谷區北澤 2-14-14
- 交通方式：下北澤站南口徒步約3分鐘
下北澤特色Café
下北澤一帶有眾多可以飲到美味咖啡嘅Café，就算每日去一間，都可能要花成個月先可以去哂所有下北澤嘅Café吧。店鋪提供美味嘅咖啡，好飲到令人驚嘆！仲有各類茶品及餐點，餐點方面有全素同半素嘅選項。
推薦一間「白鬍子泡芙工房」。從下北澤車站步行約7分鐘，絕對值得造訪，品嚐佢哋所推出嘅龍貓忌廉泡芙。
龍貓泡芙太過可愛，真係令人難以下手。不同口味嘅龍貓泡芙所配戴嘅頭飾不同。喺呢度仲可以食到可愛嘅龍貓餅乾！你可以喺白鬍子泡芙工房嘅二樓Café好好享用，當然亦可以TAKE OUT。
景點資訊
- 名稱：白鬍子泡芙工房
- 地址：〒155-0033東京都世田谷區代田 5-3-1
- 交通方式：下北澤站西口徒步約7分鐘
下北澤現場LIVE 音樂魅力
晚上嘅下北澤非常五光十色、色彩繽紛。如果你鐘意喺夜晚出嚟行下，下北澤話唔定就啱哂你。可以一邊散步，一邊欣賞如夢如幻嘅燈光照映之下，充滿獨特氛圍嘅下北澤。
晚上嘅下北澤同東京其他地方相似，有好多居酒屋同酒吧開始營業。而夜晚嚟下北澤最大嘅重點就係可以喺Live House盡情享受音樂帶俾人嘅歡樂。
行喺條街上就可以聽到Live House傳來嘅陣陣音樂。不妨依自己愛好嘅音樂類型，搵一間適合欣賞嘅Live House，喺嗰度飲一杯，沉醉喺音樂嘅魔力之中啦。
下北澤車站相關資訊
於1927年4月開始營運嘅下北澤車站，從澀谷站到下北澤得四嗰站，從新宿乘搭則係五站嘅距離。由京王井之頭線同小田急小田原線共同提供載客服務。
景點資訊
- 名稱：下北澤站
- 地址：〒155-0033東京都世田谷區北澤2-24-2
- 交通方式：乘搭京王井之頭線同小田急小田原線即可抵達
Comments