丸之內位於東京站同皇宮附近，係東京重要嘅商業區。呢一區有好多設計師品牌商店、環境優雅嘅餐廳同都市嘅大廈林立。不妨去丸之內感受一下東京商業地帶嘅氣氛，同我哋香港嘅有咩唔同呀。
關於東京丸之內
「丸之內」日文字面上嘅意思係「喺圓圈入面」。被稱為丸之內嘅地區，以前就係皇宮嘅外圍護城河範圍。如今，丸之內係東京嘅主要商業區之一，附近有好多購物中心、高級餐廳、標誌性嘅丸之內仲通同東京國際會議中心。
丸之內嘅酒店
如果喺網路上輸入關鍵字「丸之內酒店 東京車站」，會搜尋出好多東京站附近嘅酒店，如果想獲得優良嘅住宿體驗，我哋推薦以下三間酒店。
丸之內酒店
丸之內酒店以一流嘅服務水準而聞名，提供各式客房，從標準雙床房、豪華雙人房到高級套房都有。所有客房均設有免費無線網絡。另外，酒店內仲有商務中心同健身房可以使用。
酒店資訊
- 名稱：丸之內酒店
- 地址：東京都千代田區丸之內1-6-3
- 交通方式：距離東京車站步行1分鐘
東京丸之內四季酒店 (Four Seasons Hotel Tokyo at Marunouchi)
東京丸之內四季酒店毗鄰東京車站，係一間擁有57間客房嘅豪華酒店。提供豪華客房同套房，內部空間寬敞，並且配置高檔傢私。
四季酒店內設有擁有令人驚豔嘅SPA設施，以及由米其林星級廚師所經營嘅Motif Restaurant & Bar，為你提供奢華嘅享受！
酒店資訊
- 名稱：東京丸之內四季酒店 (Four Seasons Hotel Tokyo at Marunouchi)
- 地址：東京都千代田區丸之內2-6-1，丸之內Brick Square B1
- 交通方式：距離東京車站步行5分鐘
東京丸之內大都會酒店 (Hotel Metropolitan Marunouchi)
呢間高級酒店可以直通抵達東京車站，客房內有精緻嘅現代風格室內裝潢。有雙床房、特大號床房、大床房同雙人房等各式客房，另外仲有可以欣賞到丸之內最佳景觀嘅角落客房。
酒店資訊
- 名稱：東京丸之內大都會酒店 (Hotel Metropolitan Marunouchi)
- 地址：東京都千代田區丸之內1-7-12
- 交通方式：距離東京車站步行1分鐘
丸之內嘅餐廳
丸之內有各式各樣嘅餐廳，可依個人喜好嚟揀選。無論係地道嘅拉麵、經典嘅壽司Omakase無菜單料理，定係米其林星級餐廳，丸之內都唔會令你失望。
T's TanTan 東京車站店
T's TanTan位於東京車站內，雖然大部分嘅菜單都係素食料理，但其他地方都搵唔到呢份美味！
餐廳資訊
- 名稱：T's TanTan 東京車站店
- 地址：東京都千代田區丸之內1-9-1
- 交通方式：位於東京車站Keiyo Street商店街內
MANTEN壽司
如果想嘗一下更地道嘅日本味，「MANTEN壽司」會係一個好正嘅選擇。「MANTEN壽司」以卷壽司而聞名，提供築地魚市場直送、最新鮮嘅食材。
餐廳資訊
- 名稱：MANTEN壽司
- 地址：東京都千代田區丸之內2-6-1，丸之內Brick Square B1
- 交通方式：距離東京車站步行5分鐘
Motif Restaurant & Bar
Motif Restaurant & Bar位於東京丸之內四季酒店內，由主廚Hiroyuki Asano同米其林星級主廚Hiroshi Nakamichi所經營。佢哋提供美味又出眾嘅法國料理。
餐廳資訊
- 名稱：Motif Restaurant & Bar
- 地址：東京都千代田區丸之內1-11-1，東京丸之內四季酒店7樓
- 交通方式：距離東京車站步行4分鐘
從東京車站到丸之內
雖然無丸之內呢一站，但可以透過東京車站嘅丸之內出口上到地面層，再步行幾分鐘就可以抵達丸之內嘅核心區域。
你仲可以利用東京車站嘅地下通道，直通丸之內嘅主要大樓。咁樣就唔怕日曬雨淋，輕鬆優雅抵達目的地。
Comments