「韓流」，吹到全球都有，喺日本亦都好強。如果你想知道韓國文化喺日本幾勁流行，去東京時就唔可以錯過大久保啦！喺呢度，可以發現成千上萬嘅K-POP周邊商品！對於想探究一下喺日本有幾盛行韓國文化，體驗日本嘅韓國風情嘅人嚟講，去大久保就啱哂喇。
大久保，喺日本可以體驗韓國文化嘅地方
第二次世界大戰後，好多韓國人定居於大久保。此外，對農民工嘅需求不斷增長，導致韓國移民人口有所增長、亦促進韓式餐館及超市、K-Pop商品店、韓國化妝品店、韓國主題café 等嘅發展。
最近，阿拉伯餐館都越來越多，好多清真餐廳聚集嘅一條街，甚至被稱為Islam Yokocho。另外，JR大久保站同JR新大久保站之間，仲有中國同其他亞洲人族群聚集嘅地方。
大久保對於父母嚟講亦係一個熱門地點，因為可以探訪就讀於新宿區早稻田大學嘅仔仔女女，步行即可到達。
融合韓國同日本文化嘅地方
要完全沉浸喺當地文化中，可以去大久保當地嘅購物商場、禮拜場所同博物館，呢度係一個融合咗韓國同日本文化嘅社區。
韓國雜貨用品店
凈係食韓國料理當然就唔夠啦，您仲會發現呢度有好多賣韓國雜貨嘅商品店，簡直滿足你對韓嘅需求。韓團周邊商品專賣店IDOLPark、Star Shop或K*Star Plus都相距唔遠。可以一間接住一間行！附近仲有一哋地方可以睇到韓國藝人現場表演，但係必須事前確認一下演出者、票價及時間等資訊。
景點資訊
- 商店名稱: IDOLPark, Star Shop, K*Star Plus
- 地址: 東京大久保通
- 交通方式: 從新大久保站步行2分鐘。沿住大久保通行，位於車站附近。
布花髮簪博物館
博物館為免費入館。可以喺呢度欣賞到好多由絲綢製成嘅日式傳統髮簪（Kanzashi）。 Kanzashi係一種精緻嘅髮飾，女性會喺重要嘅場合，配搭和服嚟配戴。對於遊客嚟講，呢啲手工製作嘅髮飾係好好嘅禮物或紀念品。
景點資訊
- 名稱：布花髮簪博物館
- 地址：〒169-0075東京都新宿區高田馬場4-23-28
- 交通方式：JR高田馬場站步行2分鐘
淀橋教會
呢個係一座至少有一百年歷史嘅基督教教堂。淀橋教會嘅天花板係一件令人印象深刻嘅藝術品。從上面灑落下來嘅燦爛陽光，充滿寧靜祥和嘅氣氛，可以喺呢度祈禱並反思人生。特別值得欣賞嘅係天花板上令人驚嘆嘅十字架設計。
景點資訊
- 名稱：淀橋教會
- 地址：〒169-0073 東京都新宿區百人町1-17-8
- 交通方式：從大久保站步行3分鐘
皆中稻荷神社
講到文化體驗，如果你無去過神社，就應該參觀呢個建於1533年嘅皆中稻荷神社。呢個係一個寧靜嘅神社，有提供預防食物中毒嘅御守。如果你係一個經常去旅行嘅人，呢個御守可能會好有用。
景點資訊
- 名稱：皆中稻荷神社
- 地址：〒169-0073東京都新宿區百人町1-11-16
- 交通方式：從新大久保站步行2分鐘
Comments