挑戰超熱門比賽—東京馬拉松

東京馬拉松賽係日本最受歡迎嘅比賽之一，於每年2月底或3月初舉行。從新宿出發，途經東京都心內好多熱門景點，係一場可以同來自世界各地數千名參賽者共同參加、令人雀躍嘅比賽！

關於東京馬拉松

東京馬拉松比額創立喺約十年前，第一屆東京馬拉松喺2007年2月18日舉行。由日本田徑總會（JAAF）主辦，東京馬拉松每年都會收到超過30萬份嘅報名申請！

喺呢啲報名者當中，由於資格要求，僅有約35,000人可以通過審核參加馬拉松。報名審核通過嘅人，可以選擇參加馬拉松當日兩場比賽嘅其中一場。

參加東京全馬拉松（全馬）嘅資格，首先，喺比賽當日須至少年滿19歲，並會根據參賽者嘅技能進行分組。分組包括：一般參賽者、半精英參賽者、精英參賽者、輪椅一般參賽者同椅精英參賽者。

為符合日本田徑總會嘅規定要求，各組別嘅時間限制不同，例如一般參賽者組，就必需喺6小時40分鐘內完成賽事。

要參加10公里競賽，比賽當日必須至少年滿16歲，好似東京馬拉松咁，會分成幾組進行比賽。

組別：青少年、視障人士、智能障礙人士、器官移植者、輪椅人士。每組參賽資格唔同，因此請務必到東京馬拉松官方網站了解詳情。

東京馬拉松路線從新宿東京都廳開始，將帶你穿越飯田橋、神田同日本橋，然後前往著名嘅旅遊勝地－淺草雷門。之後會繼續前往兩國、門前仲町、銀座、高輪同日比谷，最後跨越東京車站前方嘅終點線。

同東京馬拉松賽起點相同，10公里競賽將帶領參賽者穿過飯田橋、神田，最後終點抵達日本橋。

如果想參加2020年東京馬拉松，請務必喺今年夏季開始注意官網。東京馬拉松官方報名通常喺8月1日開始（慈善名額報名於7月1日開始），報名資料須於8月底前寄達。

如果報名人數超過上限，將採抽籤制。如果被抽中，將會收到主辦單位嘅通知。

2017年，總共收到30萬份以上來自世界各地嘅報名，居住喺日本嘅參賽者報名費為10,800円，居住喺海外嘅參賽者則係12,800円。另外，10公里競賽報名費方面，居住喺日本嘅參賽者為5,600円，居住喺海外嘅參賽者則係6,700円。

所以，如果你想挑戰一下，請加入來自世界各地數千名參賽者嘅行列，喺東京馬拉松賽超越自我極限啦！