幕張展覽館（Makuhari Messe）係遠近馳名嘅活動舉辦地點，曾經辦過好多熱門展覽，例如東京車展、東京電玩展。幕張展覽館係舉辦展覽、音樂表演同埋貿易展，最受歡迎嘅場地之一。從東京到幕張展覽館嘅交通非常方便，全年舉辦各式各樣嘅活動。無論你幾時嚟日本玩，必然搵得到理由一探佢嘅魅力。
幕張展覽館國際中心
1989年10月開始營運嘅幕張展覽館，主要由4大區域所構成，擁有多項設施，可以滿足各類嘅貿易展覽、音樂會、以及商務會議等需求。
幕張展覽館最大區域係幕張國際展覽中心，分兩大展區，1~8展廳及9~11展廳。72000平方公尺嘅空間，你會發現想探索每一個展廳嘅話需要非常健壯嘅雙腿。
幸運嘅係，喺兩個主要大廳之間設有中央廣場，喺呢度可以搵到兩間自助餐廳、設置咗好多座位、洗手間、ATM，甚至仲有便利店。
幕張展覽館活動中心
如果你想和你最愛嘅音樂家以及樂隊一同搖滾，絕對值得喺幕張展覽館活動中心停留多一陣。位於展覽中心之間，靠近中央入口，應該好難行錯。
幕張展覽館活動中心佔地面積超過3000平方米，可容納9000人，適合舉辦音樂演出、召開會議、及展覽，甚至係體育賽事。
幕張展覽館活動
幕張展覽館全年舉辦各種各樣嘅活動，而你絕對唔可以錯過最主要嘅年度活動，例如係東京汽車沙龍、東京電玩展、東京車展以及Jump Festa 日本動漫遊盛典。
除咗呢啲重大活動以外，喺幕張展覽館舉辦嘅演唱會仲包括咗熱門嘅Summer Sonic同Sonic Mania大型音樂盛典。如果你係初音未來嘅粉絲，2016年同2017年曾經喺幕張展覽館舉辦咗MAGICAL MIRAI，2018年亦啱啱先舉辦完畢，繼續期待佢今年喺幕張展覽館嘅演出啦。
幕張展覽館附近嘅酒店
為咗參加連續舉辦幾日嘅活動，如果你打算住得更靠近幕張展覽館，絕對必須入住當地嘅酒店。靠近展覽中心嘅區域提供咗好多選擇，既便宜又舒適！
幕張新大谷酒店同APA幕張度假酒店以熱情好客及國際性貼心服務而聞名嘅精選酒店。距離幕張展覽館行路只要五分鐘，亦係最靠近車站嘅酒店。
景點資訊
- 名稱：幕張新大谷酒店 (Hotel New Otani Makuhari)
- 地址：〒261-0021千葉縣千葉市美濱區日比野2-120-3
- 交通方式：從幕張展覽館步行約6分鐘
景點資訊
- 名稱：APA幕張度假酒店 (APA Hotel & Resort Tokyo Bay Makuhari )
- 地址：〒261-0021千葉縣千葉市美濱區日比野2-3
- 交通方式：從幕張展覽館步行約5分鐘
幕張展覽館車站
雖然幕張展覽館站靠近幕張展覽館，實際離幕張展覽館最近嘅車站係海濱幕張站。從東京車站乘搭京葉線就可以輕鬆抵達海濱幕張站。
從東京車站到海濱幕張站嘅車程約30分鐘，但請注意，如果你喺東京車站轉乘京葉線，從東京車站主要區域行到去京葉線月台，需要行大概10~15分鐘。
景點資訊
- 名稱：幕張展覽館
- 地址：〒261-8550千葉縣千葉市美濱區中瀨2-1
- 交通方式：乘搭京葉線至海濱幕張站，步行約5分鐘
Comments