如果你正搵緊一個可以悠閒度過嘅地方，遠離都市嘅忙碌，可以考慮嚟柴又行下。
喺柴又感受到，依稀猶存嘅懷舊氣氛，體驗傳統魅力。喺柴又唔係幾睇得到高樓大廈，保存住下町風情。你可以睇到柴又嘅著名人物「阿寅」，知名電影「男人真命苦」嘅主角，係一系列長篇電影，共有48部，電影中好多場景都係喺柴又取景。呢度仲有一間博物館，介紹呢系列嘅電影，而博物館亦有介紹該系列導演嘅博物館。當你旅遊行到攰嘅時候，不妨嚟呢啲景點抖一下先啦。
街上嘅好味小食
柴又嘅帝釋天參拜道路上有好多商店，成條道呈現懷舊復古氛圍，充滿下町風情。
當中，推薦一間名叫Ishii(い志い)嘅商店。呢家店販賣各種各樣嘅商品，有年糕、銅鑼燒同其他點心。另外一間高木屋老舖亦都係值得觀光客行一行嘅店鋪。老舖嘅意思係呢間店舖已經營業多年，擁有悠長嘅歷史。主要販賣日式傳統點心，例如草丸子，柴又餅，仲有季節限定嘅和菓子。柴又餅以冷藏保存，所以適合喺夏天享用。
米做嘅蛋糕捲
雖然由糯米同白米混合製成嘅蛋糕捲漸漸無咁興，但小編認為嚟到柴又嘅Ishii (い志い)就應該食一下。蛋糕捲入面滿滿嘅鮮奶油，海綿蛋糕亦非常鬆軟好食！呢個蛋糕捲喺Tabelog知名美食APP上票選榮獲2013年度最佳甜點。
蕨餅
柔軟、有啲黐、好食嘅蕨餅，沾上黃豆粉，炎熱天氣嗰陣食一塊簡直係無比美味。想嘗試一啲不同嘅話就應該揀呢個，同平常食到嘅餅唔係太一樣。除咗蕨餅，萩餅都值得一試。呢兩種傳統日式點心都可以喺Ishii (い志い)買到。
銅鑼燒
哆啦A夢最鐘意食嘅銅鑼燒，由兩片鬆餅夾住甜甜嘅餡料組合而成。而Ishii (い志い)嘅紅豆銅鑼燒與眾不同嘅原因係添加咗奶油。仲有好多唔同口味嘅銅鑼燒，例如鹹味、雪糕銅鑼燒、抹茶奶油口味或者係比利時朱古力口味。而高木屋老舖亦有好多口味，可以買嚟試一試。
景點資訊
- 名稱：Ishii (い志い)
- 地址：〒125-0052東京都葛飾區柴又7-6-20
- 交通：從柴又站步行約4分鐘
景點資訊
- 名稱：高木屋老舖
- 地址：〒125-0052東京都葛飾區柴又7-7-4
- 交通：從柴又站步行約3分鐘
仙貝煎餅
如果你唔鐘意食甜食，但又貪食，咁仙貝就係最佳選擇。喺好多商店內均有販售仙貝，所以當你隨便行入一間日本點心店，就會發現有好多各式各樣種類嘅仙貝。而柴又亦有好多專賣仙貝嘅店舖，你可以去行一下立花屋煎餅店。當然你都可以喺高木屋老舖買到仙貝。
景點資訊
- 名稱：立花屋煎餅店
- 地址：〒125-0052東京都葛飾區柴又7-7-6
- 交通：從柴又站步行約3分鐘
Biscuit
於柴又如此古色古香嘅地方，居然有一間時尚優雅嘅甜品店，店頭販賣嘅蛋糕同餅乾睇落去精緻可愛。一定要為呢間店嘅美味糕點影張相貼喺FB或IG，一個個朋友都肯定會羨慕你可以享用到美味嘅甜品！
嚟到呢間店，建議一定要品嚐一下蛋糕款式：蒙布朗、草莓TART同年輪蛋糕。而年輪蛋糕外帶方便。鐘意芝士口味嘅人，仲有柴又芝士小蛋糕，126円。
景點資訊
- 名稱：Biscuit
- 地址：〒125-0052東京都葛飾區柴又4-32-16
- 交通方式：從柴又站步行約9分鐘
柴又帝釋天
柴又帝釋天，係一間美麗而且獨特嘅佛教寺院。建立於1629年嘅寬永年間。日本人經常喺新年期間到訪帝釋天參拜。而帝釋天同附近河堤嘅擺渡船頭更入選為日本音風景百選以及平成百景。
景點資訊
- 名稱：柴又帝釋天
- 地址：〒125-0052東京都葛飾區柴又7-10-3
- 交通：從柴又站步行約4分鐘
柴又福騰酒店（SHIBAMATA FU-TEN BED＆LOCAL）
如果想住入住柴入嘅酒店，咁你可以考慮吓呢間受歡迎嘅酒店。柴又福騰酒店（SHIBAMATA FU-TEN BED＆LOCAL）於2018年5月重新裝潢再升級，新增14間藝術感十足嘅房間，全由14位藝術家所設計，分別來自日本、韓國同墨西哥。
房價5,000円起，依淡旺季價位有所調整。價位非常平價實惠，酒店亦希望旅客可以同當地人多多交流，打成一片。
景點資訊
- 名稱：柴又福騰酒店（SHIBAMATA FU-TEN BED＆LOCAL）
- 地址：〒125-0052東京都葛飾區柴又7-12-19
- 交通：從柴又站步行約7分鐘
柴又車站
當你嚟到柴又，車站前會有阿寅同阿寅妹妹小櫻嘅雕像企喺嗰度歡迎你嘅到來。而呢個車站每次都會出現喺「男人真命苦」系列電影中阿寅歸途返家嘅嗰場戲。
景點資訊
- 名稱：柴又站
- 地址：〒125-0052東京都葛飾區柴又4-8-14
- 交通方式：從成田機場乘搭京城線至京城高砂站，轉乘京成金町線至柴又站。車程約1小時。
想唔想了解更多美食文章🍙呢？歡迎click入以下文章
Comments