神樂坂係東京新宿區嘅一條斜坡，從大久保通至外堀通約1公里。蜿蜒曲折嘅石磚道，古色古香嘅日式風情，大正時期嘅繁榮花街而聞名。漫步於風韻猶存嘅小路上，宛如穿越到古時嘅日本。想體驗日本之「和」，絕對唔可以錯過神樂坂。今次我哋將為大家介紹神樂坂，盡情感受日本！
充滿日本風味嘅和菓子Café
神樂坂有好多可以體驗日本風味嘅和菓子Café，如果你鐘意抹茶、紅豆，就更加唔可以錯過1948年就開店嘅紀之善，嚴選京都抹茶製成嘅日式甜品，一入口即令人洋溢滿滿幸福。
景點資訊
- 景點名稱: 紀之善
- 地址: 東京新宿區神樂坂1-12
- 營業時間:
- 11:00~20:00（星期二至星期六）
- 11:30~18:00（星期日）
- 星期一作休息
星期五晚與藝妓嘅偶遇
由於大正時期曾經係繁華嘅花街，現今依然有好多高級料亭，仍保留其風味，唔需要跑到去京都，就可以一睹藝妓嘅優雅風采。每到星期五晚上，喺狹窄小路嗰度行嘅話，可能就會同婀娜多姿嘅藝妓偶然相遇。
讚不絕口嘅壽司
日本海鮮無比新鮮美味，而壽司更加係風靡全世界，令人讚不絕口。神樂坂唔單止凈係得高級奢華嘅壽司，亦有平價嘅壽司店，而壽司控絕對值得一訪嘅壽司食到飽，令你嘗盡日本海洋幸福嘅味道。
全心招待嘅高級壽司
呢間「鮓家一」嘅空間宛如遠離世俗般寧靜，曾擔任高級飯店料理長嘅店長為大家服務，精心嚴選嘅新鮮漁獲加上用心嘅創意，一貫又一貫美味壽司呈現喺你眼前。為令女性顧客可以輕鬆享用，仲提供將壽司料切半嘅貼心服務！
景點資訊
- 景點名稱: 鮓家一
- 地址: 東京新宿區神樂坂4-3 2F
- 營業時間: 17:00~23:00
平價美味嘅立吞壽司
立吞（立喰い、tachigui）就係指企住食。繁忙中想食壽司，又想節省時間，想快速享用完畢閃人，就可以嚟立吞壽司店「魚がし 日本一」。價錢便宜，但品質絕唔妥協，每清早從築地進貨嘅新鮮漁獲所捏製嘅壽司非常美味無比。
景點資訊
- 景點名稱: uogashinihonichi PORTA神樂坂店（寿司魚がし 日本一）
- 地址: 東京新宿區神樂坂2-6 PORTA神樂坂 1F
- 營業時間: 11:00~23:00 （星期一至星期六）/ 11:00~22:00（星期日）
夢寐以求嘅壽司食到飽
美味嘅壽司令人欲罷不能，一啖接一啖。介紹嘅呢間食到飽壽司「神樂坂壽司Academy」堅持四項品質:「優質服務」、「豐富菜單」、「美味新鮮」、「優惠價格」，以合理價格享受上等美味嘅壽司。食到飽菜單提供超過50種類，90分鐘任您食，女性2,980円（未稅）、男生則係3,480円（未稅）。
景點資訊
- 景點名稱: 神樂坂壽司Academy
- 地址: 東京新宿區神樂坂3-6-3 B1F
- 營業時間:
- 11:30~15:00 （最後入店時間為13:30）
- 17:00~21:30 （最後入店時間為20:00）
去神樂坂呢條街行一行啦
享用美食後，不妨喺呢條古今風味並存嘅神樂坂散散步。跟住落嚟要為大家介紹兩間非常日式和風嘅商店，俾你食嘅用嘅都係由日本嚴選。
百年歷史嘅「makanai藥妝」1899年創業，早期製造金箔嘅女性員工為保養肌膚而發明嘅商品，其產品原料天然成分，非常受歡迎。而神樂坂本店嘅限定商品係絕妙調配嘅護手霜以及吸油面紙，設計和風可愛。仲有販售可食用嘅「美用食」，由內在愛惜你嘅身體。
景點資訊
- 景點名稱: makanai 神樂坂本店
- 地址: 東京新宿區神樂坂3-1
- 營業時間:
- 10:30~20:00 （星期一到星期六）
- 11:00~19:00（星期日同埋節慶假日）
- 不定時作休息
「神樂坂 五十鈴」隨四季更迭不斷推出新嘅和菓子，令人不禁想乖乖俾錢買一盒返屋企慢慢享用。
景點資訊
- 景點名稱: 神樂坂 五十鈴
- 地址: 東京新宿區神樂坂5-34
- 營業時間: 09:00~19:30（星期日及節慶假日作休息，不定時作休息）
不二家以販賣甜品及零食聞名，而牛奶妹PEKO喺日本更加係人人皆知嘅角色人物。而神樂坂不二家仲可以買到各種口味嘅牛奶妹燒。
呢款牛奶妹燒可以店內食用亦可以外賣帶返屋企之後先食。各式各樣嘅口味例如有奶黃，鮮奶忌廉。而最有人氣嘅當然就係定期推出市面嘅季節限定味道。
景點資訊
- 景點名稱: 神樂坂 不二家
- 地址: 162-0825東京新宿區神樂坂12-1-1
- 交通方式: 由飯田橋車站徒步3分鐘或由神樂坂車站徒步10分鐘抵達
垂涎欲滴嘅燒雞串~焼き鳥～
日已沉西，神樂坂傳來一陣又一陣嘅炭火味，喺神樂坂有好多令人垂涎欲滴而且美味嘅燒雞串~焼き鳥~正等待你嘅光臨，為美麗嘅夜晚揭開誘人嘅序幕。
景點資訊
- 景點名稱: 神樂坂 今井屋本店
- 營業時間: 17:00~24:00 （LAST ORDER 23:00／星期日休息）
- 地址: 東京新宿區神樂坂2-13-2 B1
景點資訊
- 景點名稱: 焼き鳥 〇政～marumasa～
- 營業時間:
- 17:00~05:00 （星期五／LAST ORDER 04:00）
- 17:00~24:00 （星期五以外／LAST ORDER 23:00）
- 地址: 東京新宿區神樂坂2-21 B1
景點資訊
- 景點名稱: Rouge
- 營業時間:
- 17:30~23:30 （平日／LAST ORDER 22:00）
- 17:00~22:30 （星期六／LAST ORDER 21:30）
- 星期日、節慶假日休息
- 地址: 東京新宿區神樂坂6-26
一杯接住一杯狂歡嘅居酒屋
結束一日忙碌嘅行程，不由得令人想飲番杯放鬆一下。嚟神樂坂體驗日本正宗嘅居酒屋，好好犒賞自己一下啦。以下為大家嚴選咗三間居酒屋，享受料亭般嘅美味，一嘗種類豐富嘅日本酒，一杯接住一杯度過微醺嘅夜晚。
「和DINING月」珍惜同每位客人嘅相遇，所謂嘅「一期一會」。以合理價格提供料亭般美味嘅料理。夜晚料理預算金額大約3千円至4千円左右。
景點資訊
- 景點名稱: 和DINING 月
- 營業時間:
- 11:30~14:00 、17:00~23:00 （平日／LAST ORDER 22:00）
- 16:30~23:00 （星期六）、星期日及節慶假日作休息
- 地址: 東京新宿區南山伏町1-18 1F
第二間係「和食屋 神楽坂」 ，鐘意日本酒嘅人一定唔可以錯過。供應嘅日本酒數量有90種以上，仲有暢飲方案任大家品嚐30種日本酒！晚上每人預計花費大約4,000円至5,000円。
景點資訊
- 景點名稱: 和食屋 神楽坂
- 營業時間:
- 11:30~14:00、17:00~23:30 （平日）
- 17:00~23:00 （星期六）、 星期日作休息
- 地址: 東京新宿區神樂坂3-2-16 2F
最後則係「板之花 神樂坂」，一間位於花街小巷入面嘅隱密店面，喺寧靜嘅空間入面享受當季嘅美味海鮮。呢間價位有啲高，大約6,000円至8,000円左右。
景點資訊
- 景點名稱: 板之花 神樂坂
- 營業時間:
- 17:00~23:30 （星期一至星期六）
- 星期日、節慶假日作休息
- 地址: 東京新宿區袋町3 B1-A
關於神樂坂車站
如何抵達神樂坂？乘搭東京METRO嘅東西線至神樂坂站，從1號出口出嚟往早稻田通嘅方向行就可以抵達神樂坂。沿路就會路過好多前面介紹過嘅店家，有興趣就去行下啦。而從神樂坂上一直行到去神樂坂下，回程就可以飯田橋站搭車返到去住宿嘅地方。
Comments