兩國被稱為相撲嘅核心地帶。喺兩國，你可以搵到所有同相撲有關嘅事物。兩國仲有好多有趣嘅博物館、庭園、公園、酒店及「相撲鍋」餐廳，係一個觀光及了解文化嘅理想地方，可以去呢度體驗日本嘅藝術、歷史同文化。
日本東京嘅兩國及相撲
位於東京墨田區嘅相撲小鎮「兩國」，位於秋葉原電器街以東約2公里。無論係兩國國技館嘅專業相撲比賽、相撲房間（相撲部屋）、相撲博物館定係相撲鍋餐廳（日式火鍋，相撲選手嘅主食），呢啲全部都可以喺兩國一探究竟。
唔好低估兩國呢個觀光景點
如果你想去一個有日本文化歷史氣息嘅觀光路線，可以去呢個區域，當中有好多值得到訪，距離車站只要10分鐘嘅路程。而當中有：
兩國國技館
- 關於兩國國技館：一個室內相撲體育場，可容納超過10,000名觀眾，舉辦大型相撲比賽。除咗相撲主辦場地以外，仲有小小嘅相撲博物館及販賣相撲周邊嘅商店。
- 入場費用: 相撲博物館是免費入場。
購買兩國國技館入場券
如果去兩國國技館，但無觀賞過熱血激烈嘅相撲比賽，就等於白去啦。每年會舉辦嘅6場大型賽事當中，其中3場就喺兩國國技館舉辦，分別係1月、5月及9月嘅賽事。
一般售票喺大廳嘅售票處可以購買，每日舉辦嘅比賽其入場票價為2,200円（兒童票為200円）。售票處朝早8點開始營業，但係數量有限，旅客最好可以喺朝早7點之前抵達現場購票。所以，住喺附近嘅酒店會係一個好主意，可以節省你前往兩國國技館嘅交通時間。
或者，可以喺賽事開始前，事前喺線上購買，或者係預定唔同價位嘅票（近距離觀賞的嘅座位及更高價格嘅票券）。
江戶東京博物館
- 關於江戶東京博物館: 呢間博物館嘅特色係重現江戶時期古老東京嘅風光同風景，展示咗複製品及縮小比例嘅模型。
- 入場費用：600円（星期一休館）。
墨田北齋博物館
- 關於墨田北齋博物館:專門設計用嚟展出江戶時期著名浮世繪藝術家葛飾北齋嘅作品。
- 入場費用：常設展覽400円（星期一休館）。
日本刀劍博物館
- 關於日本刀劍博物館: 旨在於保護日本製作刀劍的藝術。由日本美術刀劍保存協會所營運。
- 入場費用：1,000円（星期一休館）
舊安田庭園
- 關於舊安田庭園：江戶時期嘅武士家宅庭園，池塘過去引入隅田川嘅河水，因為靠近大海，因而也受到潮汐影響。現今，池塘嘅水源唔再取用河川嘅水。而由於使用咗人工模擬潮汐影響時嘅情況，所以潮漲潮退依然存在。
- 入場費用：免費
東京都復興紀念館
- 關於東京都復興紀念館：此紀念館內展示咗1923年關東大地震嘅殘骸。
- 入場費用：免費（星期一休館）
東京都慰靈堂
- 關於東京都慰靈堂：1923年關東大地震遇難者及第二次世界大戰期間東京大空襲嘅受害者嘅紀念祠堂。
- 入場費用：免費（星期一休館）
NTT Docomo歷史廣場
- 關於NTT Docomo歷史廣場：一間迷你嘅博物館，展示有關行動裝置嘅歷史及設計演變。
- 入場費用：免費（星期一、星期日休館）
如果你已經行膩呢啲地方，覺得個肚餓咗，想知道相撲選手平時其實食啲咩嘢嘅話，呢度有好多餐廳提供相撲選手所食，富含蛋白質嘅「相撲火鍋」，係相撲選手嘅主食，食咗佢之後可以身強力壯。
兩國嘅酒店
如果你決定留宿兩國，呢度都有好多酒店提供選擇。或者你可以嘗試入住以下幾間車站附近嘅酒店。
Ryogoku View Hotel (兩國豪景酒店)
- 地址：〒130-0026東京都墨田區兩國2-19-1
- 交通資訊：JR兩國站步行約1分鐘；都營地下鐵兩國站步行約8分鐘
Dai-Ichi Hotel Ryogoku (兩國第一酒店)
- 地址：〒130-0015東京都墨田區橫綱1-6-1
- 交通資訊：JR兩國站步行約7分鐘；都營地下鐵兩國站步行約2分鐘
Pearl Hotel Ryogoku (兩國珍珠酒店)
- 地址：〒130-0015東京都墨田區橫綱1-2-24
- 交通資訊：JR兩國站步行約1分鐘；都營地下鐵兩國站步行約8分鐘
輕鬆前往兩國站
兩國呢個地方位於東京都中心，乘搭電車至兩國站即可輕鬆抵達。車站分為兩個，一為高架鐵路車站、一為地下鐵車站。高架鐵路站由JR中央總武線所營運，而地下鐵站則為都營地下鐵大江戶線。
就係咁，你而家係唔係睇到好餓呢？即刻買機票，等我哋一齊去參觀兩國啦！
Comments