品川車站係東京主要嘅大站之一，有好多主要電車路線都會經品川站，所以住喺品川附近嘅酒店就好易搵到車，想去邊玩都得，夠哂方便快捷。今次，我哋將為大家介紹7間品川站附近嘅酒店。
品川王子大酒店—主塔樓 (Shinagawa Prince Hotel Main Tower)
Shinagawa Prince Hotel Main Tower離品川站只係幾分鐘路程，係最受歡迎嘅人氣酒店之一！從成田機場乘搭成田特快N'EX、JR山手線或新幹線均可輕鬆抵達。
如果同親朋好友一同旅行，入住Shinagawa Prince Hotel Main Tower係最啱嘅選擇。佢哋主要提供嘅房型有寬敞嘅雙人房同雙床房。而且可以欣賞到美麗嘅東京夜景。
品川王子大酒店—附屬塔樓 (Shinagawa Prince Hotel Annex Tower)
Shinagawa Prince Hotel Annex Tower就喺主塔樓隔離，提供大量雙人房，同時提供高速網路，適合商務旅客使用。
酒店內設有便利店，當你最後一刻仲想買任何零食或飲品嗰陣，完全唔洗煩惱又要花費時間行到去出面嘅便利店。呢度仲有一個知名度高嘅觀光景點，佢就係Maxell Aqua Park 品川水族館，每日都可以欣賞館方設計嘅獨特展示以及海豚表演。
品川王子大酒店—N塔樓 (Shinagawa Prince Hotel N Tower)
Shinagawa Prince Hotel N Tower為商務旅客及家庭旅遊嘅客人提供多間雙床房及經濟雙人房。Shinagawa Prince Hotel N Tower位置比較靠近酒店嘅餐廳，好多餐廳提供各式各樣嘅菜餚，從日式、中式到自助餐，仲有café ，甚至有提供咖哩！
品川王子大酒店—東塔 (Shinagawa Prince Hotel East Tower)
於品川王子大酒店東塔，提供適合一個人旅行嗰陣入住嘅單人房。東塔最出名嘅就係Dining & Bar Table 9 Tokyo餐廳，你可以喺呢間餐廳一邊享用美味嘅餐點，一邊欣賞令人為之驚嘆嘅東京360度環繞全景，享受美麗迷人嘅氣氛。
而你所尋找嘅唔單止係美麗嘅景觀，呢間品川酒店仲設有室內外泳池以及健身房，讓你喺旅行中都可以保持最完美嘅體態。
酒店資訊
- 景點名稱：品川王子大酒店
- 地址：〒108-8611東京都港區高輪4-10-30
- 交通資訊：品川站步行約3分鐘
品川東武酒店 (Shinagawa Tobu Hotel)
品川東武酒店離品川站只係5分鐘嘅路程，係好多旅客嘅另一個熱門選擇。呢間酒店為家庭旅客、團體住宿及商務旅客，提供各種房型，如經濟雙人房、雙人房，甚至仲有四人房。
大部分房間都係禁煙，可以免費上網、提供洗衣服務，並設置英文服務以及無障礙設施！而且酒店內設有餐廳，想食早餐或晚餐嗰陣，唔需要跨出酒店大門就可以輕鬆用餐。
酒店資訊
- 景點名稱：品川東武酒店
- 地址：〒108-0074東京都港區高輪4-7-6
- 交通資訊：品川站步行約5分鐘
APA酒店品川泉岳寺站前 (APA Hotel Shinagawa)
APA Hotel Shinagawa係一間擁有563間客房嘅高層酒店，坐享東京鐵塔嘅美景。從品川站或泉岳寺站都可以輕鬆抵達。呢間酒店提供各種房型，從單人房到豪華雙床房應有盡有，每間房均設置具有APA特色嘅原創寢具。
酒店亦提供免費高速網路，大型液晶電視等設備，而且仲有SPA設施，俾您盡情探索繁忙嘅東京之後，可以徹底放鬆。
酒店資訊
- 景點名稱：APA酒店品川泉岳寺站前
- 地址：〒108-0074東京都港區高輪2-16-30
- 交通資訊：品川站步行約10分鐘
Shinagawa Goos Hotel
Shinagawa Goos Hotel呢間酒店距離品川站只係5分鐘嘅路程，係一間由多間高檔餐廳、Landmark Square Tokyo以及京急EX Inn等設施所構成。
呢間酒店擁有超過20層客房，房型包括單人房同行政套房，夜晚盡覽東京美景。客房非常寬敞，均設置免費無線網路以及高速網路。
酒店2樓有好多間餐廳以及便利店，對釣魚有興趣嘅人，酒店附近有一間品川釣場（Shinagawa Fishing Garden），下晝或夜晚嗰陣仲可以喺嗰度享受輕鬆悠閒嘅時光。
酒店資訊
- 景點名稱：Shinagawa Goos Hotel
- 地址：〒108-0074東京都港區高輪3-13-3
- 交通資訊：品川站步行約5分鐘
Comments