日本相當重視入浴文化。經歷咗漫長嘅一日後，每晚都好多人傾向浸浴，嚟代替沖澡。用30分鐘浸個長時間嘅浴一Ⅾ都唔奇怪。對於大部分日本人嚟講，去溫泉（onsen）浸浴係佢地最放鬆嘅消遣娛樂之一。你可能有聽過錢湯（sentō），或者大眾澡堂，當屋企缺少浴室嘅時候，哩啲地方係佢地經常會去光顧嘅地方。雖然錢湯（sentō）嘅數量日漸減少，而日本嘅入浴文化仍大幅存在係公共澡堂以及溫泉。當你係公共澡堂同屋企浸浴缸個陣，會有一啲唔成文規定同禮節必須遵守。而以下將介紹一啲當你嚟日本有機會入浴泡浴個陣必須遵守嘅規定。
公共澡堂必須遵守嘅規定
去溫泉（onsen）同錢湯（sentō）泡浴係一件相當享受同放鬆嘅經驗。但如果唔知道哩啲禮節嘅話，會係相當嚇人㗎。有幾個重點，你必須記住: 必須全身赤裸（唔可以著泳裝），可以用細毛巾遮掩；係妳入浴浸湯之前，請將頭髮同身體沖洗乾淨先。
而入面有兩個以性別區分嘅入口。當你一入到去，就會睇到更衣室，有時會附設置物櫃。請係更衣室除低所有嘅衣物。你可能會睇到有Ⅾ人除晒啲衫，或者有啲人岩岩浸完出嚟，正要準備梳妝打扮或者烘乾佢地嘅頭髮。將你嘅大浴巾放係更衣室，拎著小毛巾，就可以前往浸湯啦。
你會睇到設置多個水龍頭嘅區域，前方擺著小座椅同圓嘅細澡盆。或許對其他文化嚟講，並唔習慣坐著沖澡，但請坐係哩度，將你嘅頭髮同身體沖洗乾淨。係傳統上，會使用圓嘅小澡盆嚟沖洗頭髮同身體。通常現場會提供洗髮精、潤濕精同身體沐浴乳。但係如果你想用自己帶來嘅用品，都係無問題嘅。
小毛巾通常係用嚟清洗身體，而唔係拿著放係入浴池入面浸。相反，當你浸湯個陣，應該將毛巾放係一邊。有啲人鍾意係佢地泡湯嘅時候，將毛巾疊好之後，放係自己嘅頭上。
係屋企浸浴時必須知道嘅規定
從公共澡堂浸湯而衍伸出來嚟嘅規則，你可以事前係屋企練習浸浴之前先將身體沖洗乾淨。大部分嘅人都習慣夜晚浸浴，如果同屋企人住係一齊，全屋企人會輪流浸。而大家一齊使用嘅浸浴水就必須保持乾淨，所以當你瞓係水入面放鬆前，先沖洗一下係相當實用嘅。如果家庭淋浴設施可以重新將水加入，或者有啲更好嘅設備，可以自動清潔浴缸入面裝滿嘅水，而第二日水就可以重複使用。有人認為節約用水可以同時節省能源開支。
而父母親同細路一齊浸澡並唔罕見。係其他文化，入浴被視為一件相當私密嘅事。或許習慣同陌生人一齊係公共澡堂浸湯嘅大部分人嚟講，並唔會認為好私密。但請你記住，雖然入浴時間係讓人放鬆身體同心靈嘅時刻，有啲人可能更鍾意佢係屬於私人嘅時刻。另一方面，有啲細路仲意係入浴個陣潑水，或者痛其他細路或者阿爸阿媽一齊玩水。如果家庭成員輪流入浴個陣，傳統上嚟講，尊重爸爸係屋企嘅地位嘅話佢會係第一個使用浴室嘅人。
係日本入浴嗰陣，獨特嘅文化習俗令好多觀光客都好驚喜。更令人驚訝嘅係，發現到日本人嘅保守特質同赤裸開放嘅公共澡堂文化之間嘅對比。日本各地遍佈無數嘅溫泉，各種溫泉俱有唔同嘅療效，入浴浸湯對於部分日本人嚟明講唔止係日常活動，仲可以放鬆心情、舒緩身心，係好多人相當珍惜嘅日本文化之一。有啲日本人透過入浴浸湯，感受到自身文化所帶嚟嘅快樂同連結。一旦你係日本體驗過哩種入浴浸湯文化，你都可能習慣呢種入浴方式。
Comments