去日本旅行著乜好？～夏季篇

又到左陽光普照嘅夏日，趁有最靚嘅藍天白雲襯托美景，去趟日本夏日之旅就最好！咁夏天去日本應該點著好呢？

日本地形細長，南邊同北邊地區嘅溫差可以好大，所以要睇你嘅目的地嚟天氣嚟調整要帶嘅衫，唔可以一概而言。咁日本各地嘅平均温度係幾多呢？夏季啲氣候有乜唔同？有乜野隨身物品係必備呢？

◎適合日本夏天嘅衣著

難得去旅行，梗係要影多啲相留念。所以揀衫時一定要好睇，不過旅行成日外出，所以著衫都要講實用，最好又靚又舒服，方便行動。

雖然東京嘅夏天，最高氣溫都成30度以上，但早晚嘅溫差比較大，所以出門時要隨身帶件外套，日頭用嚟放曬，夜晚著嚟禦寒，影相時仲可以攞嚟chok下。

有啲地方會有服裝限制，所以方便起見，女生帶上舒適嘅連身裙，男生就要準備涼爽嘅恤衫，方便日頭可以影多啲靚相，夜晚都可以出入高級餐廳享受美食。

最好都係著行得舒服嘅休閒鞋，但都要準備定涼鞋或者拖鞋，萬一遇上落雨都唔駛驚對鞋濕哂焗住全日。

（資料來源：日本氣象廳 1997-2017年）

雖然香港可能5、6月就己經係夏天，但初夏嘅日本就仲未會好熱，日頭通常20度左右，夜晚有機會更涼。所以短袖衫加外套，長褲長裙就最安全，唔驚太清涼。雖然依地區不同雨季時期亦稍為不同，但日本大多地方都會係６月碰上雨季，所以記得準備帶遮、拖鞋等，即使旅程中遇到梅雨都早有準備。

7月有七夕祭(日本七夕係西歷嘅7月7日)，好多地方都會有夏祭同花火大會。呢個時候天氣就真係炎炎夏日。所以要著啲通爽清涼嘅衫，加埋防曬裝備。日本熱起嚟真係可以好誇張，最好避開正午陽光直曬，隨時補充水份防止中暑。去參加夏祭時最好就試下著日本浴衣，不過都唔好忘記帶啲消暑用品，例如手撥扇等。

8月就夏天最熱嘅時候，亦都係日本于蘭盆節(大多數係8月13-15日)時期。穿著同7月一樣都要以通風防曬為主。日本嘅7、8月係遇上颱風嘅高峰期，有颱風時就防雨防風啲遮同外套都不能缺少。要注意啲係如果萬人真係咁好彩遇到颱風，有啲沿海地區啲鐵路可能會停駛。

夏天係室外就最驚成身汗「黐立立」。近年好流行啲凍感濕紙巾就係好幫手。唔止用嚟抹汗，有啲仲有止汗、除臭，同凍感功效。保持身體清爽。

驚流汗搞到件衫濕左影相唔好睇，又或者係出汗困擾啲話，可能就要試下用止汗劑。市面有好多唔同種類款式，有搽嘅、噴嘅。仲有好多唔同附加功能，例如除菌、消臭等，總會揀到啱自己。咁就唔驚流太多汗好尷尬啦。

烈日當空啲狀況下，防曬係必需品。不論係抗UV帽、遮定外套，都可以雨晴兼用。而防曬油或者防曬噴霧亦都係必需。做好防曬措施，先可以過一個又靚又健康嘅夏日。

夏天好活躍啲蚊，等大家露出手臂同長腿時就出嚟開餐。所以外出旅行，尤其係諗住去欣賞大自然美景時，要準備好各蚊怕水、蚊怕貼、蚊帶等等防避蚊蟲。雖然做足準備都仍然有機會被咬，所以就係準備埋止痕啲蚊蟲膏。

你覺得呢篇文章點呢？希望計劃夏天嚟日本嘅朋友可以參考。如果有任何問題都歡迎留言俾我地。身處日本嘅FUN! JAPAN團隊會幫手回應！