喺今年1月舉辦嘅東京Auto Salon 2018上，Toyota豐田汽車推出跑車型概念車「GR Super Sport Concept」。GR係Toyota跑車部門Gazoo Racing 嘅簡稱。舊年秋天作為高性能市販汽車品牌而展開嘅新部門。GR Super Sport Concept係位於呢個GR品牌嘅頂級、屬於超高性能嘅超級跑車。雖然話之前己經預告過呢款車嘅開發，但以呢種概念所推出嘅車款係首例嚟㗎。
以賽車為重點而非市販車
GR Super Sport Concept 除咗喺日本，預計都會喺世界各國取得公路上行駛嘅合法資格。但唔同以往嘅係，呢款車嘅基底並非嚟自量產車。Toyota係使用喺利曼24小時耐久賽等出場嘅賽車「TS050」嘅技術，全新打造呢個產品。
車架使用碳纖維（CFRP）材質製成，好輕巧！
車體係由輕量但強度好高嘅碳纖維（CFRP）材質。骨架構造係採用2人座嘅車架空間，覆蓋上作為外殼嘅車體。懸吊系統使用同賽車極為相似嘅多重推桿式懸吊系統。330mm寬幅嘅輪胎，鎂製嘅輪圈，唔係5個螺栓，而係中心一點固定式。
導入排氣量 2.4 V6 Twin Turbo 稀薄燃燒雙渦輪增壓引擎同電動摩打組成嘅Hybrid油電混合動力系統。同Toyota 市販車亦好有名嘅Hybrid油電混合動力系統、Toyota Prius所使用嘅雙摩打式唔同，GR Super Sport Concept係使用同TS050同樣單摩打式嘅「THS-R」。引擎加上摩打最大馬力將會上看1000馬力。
為咗同世界Hypercar一較高下
現今世界中，富裕階層嘅目光正正集中喺Hypercar呢類車種。雖然定義仲係唔太明確，但最高時速可達400km/h以上，喺被稱為世界第一嚴苛嘅德國纽博格林赛道北環中, 可以喺7分鐘之內疾駛完成，以徹底打破過往既定義超級跑車標準為目標。
GR Super Sport Concept嘅目標，正正就係成為呢類Hypercar車種。具體嘅動力性能等目標仲未發表，但最高可達1000馬力嘅動力同輕量嘅CFRP車身，極度洗練嘅空力性能睇嚟，最高速超過400 km/h嘅性能相當大可能達成。另一方面，喺紐柏林賽道上，現今世界上可行駛於公路上嘅最快車種有6分40秒駛完嘅記錄，而對於賽車嚟講要打破呢個紀錄係綽綽有餘，所以由賽車開發而成嘅市販概念車GR Super Sport Concept，要超越6分40秒嘅記錄嘅話睇嚟都唔係無可能。
當然喺世界中都有好多其他競爭對手。英國嘅Aston Martin (雅士頓·馬田)、Mercedes- Benz (梅賽德斯-平治) 、Mercedes- AMG、瑞典嘅超級跑車品牌Koenigsegg Automotive AB (科尼賽克汽車公司)、中國嘅高性能EV電動車品牌NIO等，推出頂尖Hypercar 嘅企業陸續出現。眾多之中GR Super Sport Concept 可唔可以成為最頂極嘅王者呢? 後續發展值得期待。
GR Super Sport Concept嘅價格會係？
最後係令人在意嘅價格，現階段仲未公開。雖然競爭品牌脫口而出表示「就算係Toyota，售價都應該好難會少過1億元啩」。但如果價格真係唔使1億元嘅話，一定會為Hypercar界引發破壞價格嘅風暴喇！！
Comments