—感覺內心被某種東西驅使。
人類係一種不可思議嘅生物－當您見到彩虹嘅時候，心中就會無故泛起一陣興奮、覺得即將會有好事發生。彩虹顏色包含光譜中所有顏色、由紅到紫，似乎反映出一個人嘅夢想。
曾經有位身邊嘅朋友話我知，日本國內有一個叫做「彩虹之泉」嘅陶藝空間，自此之後，我就一直對呢個充滿好奇。
直至一月嘅某一日，我心中突然冒起前往「彩虹之泉」嘅念頭。不知為何，心裡面「不如而家就出發啦！」嘅呼喊非常強烈，彷彿被某種東西驅使。
我從來都唔算「毫無理由就會採取行動」嘅一類人，但今次我決定無任何特別理由下就出發，只因感覺前方正有令人興奮嘅事情等緊我！
—雲層上方會係一個點樣嘅世界呢？
從津市屋企出發，我就動身前往位於山上嘅松阪市飯高町。
一路上，周圍景色變得越嚟越蒼翠，而偶然出現嘅河川亦讓我感到心靈非常平靜。
事前已經得知彩虹之泉代表「雲層上方世界」，於是我一邊握著軚盤，一邊想像雲層上方嘅景象.....
—人類見到彩虹就會感到心中澎湃
我睇過入口處嘅入場指引後，就走到前方不遠處嘅售票處購買門票。除咗喺彩虹之泉入口處擦身而過嘅四位非帶方言口音嘅年輕人之外，周圍就只得我一個人。
彩虹之泉佔地大約為5,600平方米。
▲勝利者小山丘
空間內每一個部分都係由陶藝品組成。
當您往下望嘅時候，就會發現用馬賽克做成嘅地板閃閃發光。
驟眼睇，地板就彷彿係浪花上反射嘅粼粼波光。
白色陶藝品就如朵朵白雲。
如天真無邪耍樂嘅小朋友－表情豐富嘅一眾天使。
▲人像森林
人像森林、勝利者之丘。
從大陶壁・翼牆眺望到嘅風景
大陶壁・翼牆
兩者皆戚面向大陶壁・翼牆方向嘅作品。
▲雲上椅子
從雲上椅子眺望之彩虹之泉整體風貌。
▲從雲上椅子望到嘅風景
企喺雲上椅子上，我忽然感覺來自某人嘅熱情正隨日光注入我身體，賦予我能量。
或許，呢種正正就係彩虹之泉獨有嘅能量。
現在，我正身處彩虹內並沐浴其中。
瞬間，我彷彿理解到為何人類見到彩虹就會心中澎湃。
—彩虹之泉構思可追溯至半世紀前。
為咗獲得報導授權，我其後走到售票處詢問職員，於是就認識咗作者嘅妻子。
根據簡介手冊解說，作者東健次先生非常遺憾地已於2013年過世。
透過電話訪問太太後，
我先知道原來彩虹之泉設計理念蘊含咗「世界和平、思念家人」等普世願望。
雖然可能會有啲冒昧，但我想要藉此機會總結一下呢本有關彩虹之泉作者東健次先生嘅簡介手冊。
東健次先生（1938年〜2013年）出生於飯南町。作品曾入選全國現代陶藝展（朝日新聞主辦）。曾到斯里蘭卡、埃及等地旅行。1965年，東健次先生以青年海外協力隊志工身分到海外赴任之際，心中萌生出彩虹之泉構想。其後移居阿根廷並成立附帶窯爐嘅工作室，並於1978年返回日本建立個人工作室窯爐，正式開展彩虹之泉創作。
1965年至2013年。屈指一算，從彩虹之泉構想開始到正式創作，大約橫隔咗半個世紀。
一個人用盡自己生命、不斷持續創作而成嘅陶藝空間，
實在係令我非常希望可以從今開始，將作者想法繼續發揚光大。
最終再將彩虹帶到人們內心、鼓舞人心。
自從探訪過彩虹之泉後，我就習慣喺日常生活中到處尋找彩虹蹤影。
要尋找彩虹，就必須抬高視線而非低頭下望。
喺採納過後幾日，我忽然一下心血來潮望向辦公室窗外・・・啊！
我深知，只要望到彩虹，人心就會得到振作。
陶藝空間 彩虹之泉
- 地址：三重縣松阪市飯高町波瀨（沿著國道166號線）
- 網站：http://nijinoizumi.blog.fc2.com
作者：yusuke.murayama
- 村山祐介。OTONAMIE代表。OTONA MASTER。
- 人稱Son Sann，但實際上並非外國人。職業為平面設計以及作家；興趣為散步以及踩單車。以前曾經組過一隊完全唔叫座嘅樂隊South★Hill。
- OTONAMIE http://otonamie.jp/
- *此網站附有Google網頁翻譯功能
Comments