三重縣旅遊導覽

三重縣簡介

三重縣位於本州關西地區，以日本最神聖嘅神社伊勢神宮而為人熟悉。好多遊客嚟到三重縣，都必定會嚟到祭祀天照大神嘅伊勢神宮參拜，並順道享受周邊各式活動。三重縣依山傍水，擁有日本最美嘅鄉村風景，縣內景色可謂盡係由自然景觀呈現出嘅原始風貌與氣氛！

三重知名景點仲包括著名嘅古城博物館，及入選為世界遺產嘅熊野古道 (Kumano Kodo），尤其後者更係一條必到朝聖嘅小徑。好多家庭客亦鍾意去長島溫泉樂園，或係深受情侶夫婦歡迎、位於二見浦（Futamigaura) 嘅「夫婦岩」。如果想探索更深入嘅本州，就請絕對唔好錯過三重縣喇！

交通資訊：

乘搭飛機：

若想乘搭飛機到三重縣，周邊有好多機場可供選擇，而決定由邊個機場進出，則全取決自出發城市。鄰近三重縣嘅機場包括中部國際機場、名古屋機場、大阪機場以及關西國際機場。

乘搭電車：

有多條電車路線均可抵達三重縣，最常被利用嘅就係來往三重、大阪、京都或名古屋之間嘅近鐵。亦可使用JR PASS從名古屋乘搭新幹線到三重。

若從東京出發，則可乘搭HIRARI快速列車，僅需2個小時即可抵達名古屋；又或從京都乘搭HIRARI抵達名古屋，亦僅需40分鐘。此外，從大阪乘搭JR快速列車至名古屋則需要55分鐘，抵達名古屋之後請再轉乘電車至三重縣。

乘搭客船：

從名古屋機場乘搭客船（Ferry）可前往三重津市港或松阪港。

遊在三重：

伊勢神宮：

伊勢神宮係日本最神聖嘅神社，社內祭祀著日本嘅太陽女神－天照大神（AMATERASU）。其起源可追溯至2,000年前，當時神社座落於五十鈴川（Isuzu River）河畔，四周環抱壯觀雪松。現時整座神社可被分為外宮與內宮，當中內宮周圍大大小小嘅123座神社，就皆係以最古老而且最傳統嘅建築風格建造而成。遵循神道教之傳統，天照大神神座每20年就必須遷宮一次並重新建造新社殿，下一次遷宮儀式定於2,033年舉行。

御木本真珠島：

真珠島名稱由來為紀念日本第一位成功飼養珍珠嘅人士－御木本幸吉（Mikimoto Kokichi），好多遊客都會慕御木本珍珠之名而來。島上另有一座博物館，介紹附近一帶起初如何培育日本珍珠，遊客可以在此學到整個養珠過程，並觀看海女（AMA）潛水採摘珍珠之過程。

夫婦岩：

夫婦岩英文為"The Weedded Rocks"，係三重縣最具代表性嘅景點之一。夫婦岩位於伊勢市二見町，嚟到呢到您會發現佇立於海中、兩座用繩索綑綁埋一齊、象徵著婚姻締結嘅兩座岩石。夏日時分，遊客都會聚集於岸邊欣賞日出日落美景，天氣好嘅話，仲可以望到遠處嘅富士山㗎！

名花之里：

名花之里位於桑名市，係一個結合咗遊樂設施及傳統工藝品店家嘅大型花卉展覽園區。場內亦會舉行三重縣最大規模嘅燈飾SHOW，傍晚時分您會發現大量LED小燈泡閃爍照亮園區裡盛開繁花，輔以多個燈光SHOW裝置配合演出，場面非常夢幻。若果有機會嚟到桑名市，請務必要一訪呢個不容錯過嘅三重知名景點！

購物與免稅天堂：

AEON TOWN伊勢 LALAPARK：

想喺伊勢尋求購物聖地，LALAPARK絕對係一大選擇。場內服飾店、超市、書店雲集，此外仲有集結咗全日本或國際知名咖啡以及美食嘅設施。MALL內仲有專屬嘅健身房以及游泳池呢！

AEON津南Sun Valley：

津市（TSU-SHI）係三重縣縣廳，縣內其一大型百貨購物中心Sun Valley就係座落於此。百貨購物中心以運動服飾及用品品牌而聞名，而且更有大型連鎖綜合超市Jusco進駐，絕對可以符合遊客所有需求。嚟到呢到，您仲可以搵到一系列日本餐廳或cafe等唔同種類嘅商舖，可以話係津市一大好去處。

※購物中心現已關門整修中，預計明年重新開張營業

交通優惠套票：

遊客如果要嚟三重縣旅行，我哋建議您購買JR PASS（Japan Rail Pass）。除咗可以玩盡縣內景點，您仲可以用pass乘搭新幹線去東京、大阪、名哉屋等其他城市，不單可以慳返唔少交通費，最重要仲係能夠以最快方式來回三重縣嘛！

三重縣旅遊導覽

三重縣簡介

交通資訊：