日本電車月台的音樂旋律
你有無試過注意去聽吓日本電車月台嘅MELODY呢？呢啲5到10秒的MELODY，會係月台做為通知電車出發或到達時播放。如果仔細聽，會發現有好多站都擁有專屬嘅特別旋律！大家都知道，日本總係提供許多傑出的服務，使用唔同的旋律可以協助乘客即刻辨認出正位於邊一個站。甚至進而成為得意有趣、日本獨特的特色之一。
JR高田馬場站
JR高田馬場站的電車月台旋律係「小飛俠阿童木」的主題曲，當聽到呢個MELODY嘅時候，總係令人有種懷舊的感覺。高田馬場站用呢個旋律嘅原因係「小飛俠阿童木」的設定裡，創造出「小飛俠阿童木」的科學機構，就係位於高田馬場。
地下鐵秋葉原站
你或者都略有所聞，秋葉原係動漫、遊戲及偶像之城，有名的阿宅王國。地下鐵秋葉原站的電車月台音樂亦都同秋葉原的特色相關。是用人氣偶像團體AKB48最有名嘅歌「戀愛的幸運餅乾」做為電車月台嘅MELODY。雖然這個MELODY好短，但亦能讓人感受到秋葉原的俏麗可愛。
小田急線 向丘遊園站
向丘遊園站的電車月台旋律係”哆拉A夢”的主題曲。聽到呢個旋律係咪令人覺得很興奮？用呢個旋律，純粹係因為，藤子‧F‧不二雄博物館就係呢個車站附近，係博物館為咗向”哆拉A夢”同有好多有名漫畫作品的作者──藤子‧F‧不二雄致敬。
JR舞濱站
你一定聽過呢個旋律！係來自迪士尼嘅「小小世界」呢首歌。係舞濱站用呢個旋律的原因係，當你要去東京迪士尼樂園或者係東京迪士尼海洋時，都必須要係呢個站轉車。當耳邊響起呢個旋律時，就好似已經展開咗奇幻嘅旅程！
小田急線 海老名站
海老名站所用嘅電車月台音樂係來自一首叫「SAKURA（櫻花）」嘅歌。如果熟悉日本流行音樂，絕對會知道呢首歌。這是團體「生物股長」嘅知名歌曲。用呢首歌曲嘅原因係，據講係佢們出道時，曾係呢個車站舉辦過好多次LIVE SHOW。
JR山手線 全線
眾多嘅旅客進出日本時，山手線係其中最廣為人知並且最繁忙嘅電車路線。有D站會共用一樣的MELODY，有D站會用獨特的音樂。
而家知道咗每個站都有各自的電車月台MELODY後，每當搭日本電車時，就仔細聽吓啦。幸運嘅話，有時電車會同一D電影、動畫甚至電動遊戲合作。好似東急東橫線就曾經同電影「星球大戰」、日本最受喜愛電動遊戲之一的「勇者鬥惡龍」《Dragon Quest Monsters》合作，真係令人充滿驚喜！
Comments