今次要介紹嘅係，位於長野縣中心稍微靠南邊嘅諏訪地區。
心水清嘅讀者，係咪見到上圖景色就即時諗起電影「你的名字」呢？無錯！據講諏訪就係長野縣出身嘅新海誠導演取景嘅電影拍攝地之一，目前已成為一大戲迷朝聖地。
不過，諏訪景點當然唔只咁少。筆者保證只要您一旦嚟過一次諏訪，就必定會愛上呢個地方。
諏訪嘅魅力，就交畀我為大家完整介紹啦！
諏訪必去歷史性象徵—高島城
由上諏訪站徒步不出30分鐘，就會到達秋天佈滿紅葉嘅高島城。
獲選為「續日本100名城」嘅高島城，係一座由豐臣秀吉家臣—日根野高吉所建嘅城堡。
除咗秋天漫天紅葉，春天時城內亦係櫻花以及紫藤嘅賞花名所！
高島城
地址：長野縣諏訪市高島1丁目11−16
網站：http://www.suwakanko.jp/point/takashimajo/
去諏訪湖之前記得要順便去埋TAKEYA味噌會館
離開高島城後，我就嚟到諏訪湖湖畔。
個人最推薦嘅店舖，就係「TAKEYA味噌會館」。
必試上圖呢碗足料豚汁！
豚汁調味料純粹淨係用咗TAKEYA特製嘅味噌以及米麴，並無添加任何出汁（高湯）。
最令人驚訝嘅係，一碗咁足料亦只係賣100YEN！
TAKEYA味噌會館
- 地址：長野縣諏訪市湖岸通2丁目3-17
- 電話：0266-52-4000
- 網站：http://www.takeya-miso.co.jp/misokaikan/
於間欠泉中心品嚐溫泉蛋、享受諏訪湖風情！
間欠泉中心位於TAKEYA味噌會館對面。嚟到中心，遊客可以於每日固定時間觀賞到溫泉噴發嘅自然景觀。
噴發時間一到，溫泉就會發出「噗噗噗」聲音，冒出一陣陣煙霧。
現場有賣由間欠泉溫泉水煮成嘅溫泉蛋，一隻100yen，當然我都唔執輸買咗幾隻啦！
間欠泉中心
- 地址：長野縣諏訪市湖岸通2丁目208−90
- 電話：0266-52-8282
諏訪湖湖畔散策之旅：必食最強珍味－蝗蟲霜淇淋……
從間欠泉中心出嚟之後，係時候到諏訪湖湖畔散散步。
圖中就係諏訪湖觀光遊艇。
遊客可以體驗到西太公魚釣魚或租船遊湖，兩者都係諏訪湖經典嘅觀光活動。
諏訪湖觀光船名產為「鰻魚新地」以及「蝗蟲雪糕」。
一場嚟到，我哋當然要嚟試試社交網站上話題十足嘅蝗蟲雪糕！
雪糕居然由長野縣珍饈—蝗蟲佃煮製成...
- 地址：長野縣諏訪市湖岸通3-1-27
- 電話：0266-52-0739
- 網站：http://www.suwako-kanko.com/
於羅馬浴場取景地片倉館體驗「立浸」溫泉
片倉館係由日本首屈一指絲綢商片倉先生於1928年為造福當地人民而建造嘅設施。
除咗館內部裝修走歐洲風格，
溫泉另外一個最大嘅特徵就係呢到係「站立式」溫泉。
澡堂深110厘米，當156厘米高嘅我企喺浴池時，溫泉水大約深到我嘅胸部位置。
約於90年前建成嘅片倉館，建築物內部至今依然保持著良好狀態，更係電影「羅馬浴場」嘅取景地之一。
片倉館
- 地址：長野縣諏訪市湖岸通4-1-9
- 電話：0266-52-0604
- 網站：http://www.katakurakan.or.jp/
午餐就決定去食上諏訪新名產「味噌天丼」！
由上諏訪駅站徒步3分鐘，就可以到達「泉屋」餐廳。
特別想要向大家介紹嘅就係，上諏訪新名產「味噌天丼」。
店家用上於諏訪湖捕獲得來嘅西太公魚以及蝦子、配上當地時令蔬菜等食材放入天丼內再加上特製味噌醬而成。
經過炙燒後嘅特製味噌醬份外為天丼添增咗一股成熟風味！
割烹餐廳 泉屋
- 地址：長野縣諏訪市諏訪1丁目2-4
- 電話：0266-52-3267
- 網站：http://www.izumiya-suwa.com/
諏訪五藏（舞姫、麗人、本金、橫笛、真澄）巡禮，享用地道清酒！
鍾意日本酒嘅朋友必定不容錯過諏訪五藏！喺上諏訪車站步行10分鐘範圍內，就有5家酒商等您參觀。
即使係日本全國，喺咁近距離之內有多達5家酒商同時並列嘅街道亦可謂非常罕見。
「我自認係酒鬼！特別想飲純米大吟醸！」筆者就係咁貪心，所以用咗1,800yen購入咗呢個「天堂組合」……
- 原創玻璃瓶裝
- 原創包裝
- 酒商優惠券
- 可以品嚐一般試飲無法飲到嘅酒種
- 抽籤選出一支日本酒贈禮
組合內容相當豐富！
「無法喺短時間內飲太多酒」、「不如將1,800yen用嚟買酒仲好啦？」
有以上種種想法嘅遊客即使唔買呢個組合，都一樣可以喺酒廠內選購美酒又或即場試飲㗎！
諏訪五藏 酒商巡禮
要解酒醉就不如先飲返杯茶？信州手信天堂－金鵄園
筆者就喺呢到買到茶包做手信！
將三款種類都買齊的話，就可以將背景構圖連接成一幅風景畫。
金鵄園
- 地址：長野縣諏訪市諏訪1-5-22
- 電話：0266-52-4040
- 網址：http://www.lcv.ne.jp/~kinshien/index.htm
趁微醺前往下諏訪站，展開一場下諏訪三湯溫泉之旅！
當筆者尚處微醺狀況下，我就已經從上諏訪站搭一個站電車，嚟到下諏訪站！
下諏訪站旅遊服務中心位於車站右側。
而我嘅目標就係呢個－下諏訪三湯周遊券！
一人700yen就可以浸到「新湯」、「旦過之湯」、「兒湯」共三種大眾溫泉，連券仲會附上原創毛巾同手提袋𠻹！
溫泉之旅第一個目標－遊泉湯屋「兒湯」。
呢到係有著「祈求得子、為BB帶嚟幸福」好評嘅大眾池。
遊泉湯屋 兒湯
- 地址：長野縣諏訪郡下諏訪町3477
- 電話：0266-28-0823
三湯周遊之旅仍在持續中.......
由「兒湯」徒步約5分鐘左右，就可以嚟到「旦過之湯」。一張券就可以周遊唔同溫泉，實在係非常抵！
旦過之湯
- 地址：長野縣諏訪郡下諏訪町3441
- 電話：0266-26-7520
長野縣縣民都想住！ 人氣住宿MASUYA GUESTHOUSE
提到下諏訪民宿，就不得不提相當受歡迎嘅「MASUYA GUESTHOUSE」。
MASUYA GUESTHOUSE係經由明治創業老舖老館「MASUYA旅館」重新裝修而成嘅民宿。
MASUYA GUESTHOUSE
- 地址：長野縣諏訪郡下諏訪町平澤町314
- 電話：0266−55−4716
- 網站：http://masuya-gh.com/
週日早晨再到下諏訪浸溫泉
第二日朝早7點，當冷空氣中仲吐著白煙嘅時候，我就已經身處前往下諏訪嘅路上，由MASUYA GUESTHOUSE行路約5分鐘嚟到下諏訪三湯周遊之旅最後一站－「新湯」。
大浴池內部裝修。
試問仲有咩係比冬天朝早浸溫泉更幸福嘅事呢？
新湯
- 地址：長野縣諏訪郡下諏訪町3154-3
- 電話：0266-26-7332
終於抵達大御所－諏訪大社下社秋宮
優雅地食完早餐後，終於要動身前往諏訪大社下社秋宮。
「諏訪大社」係由「上社本宮」、「上社前宮」、「下社春宮」、「下社秋宮」兩社四宮組成嘅神社。
參拜完諏訪大社四社嘅遊客會獲贈紀念品書籤以及蕎麥落雁。
據講領取朱印後就會心想事成𠻹！
諏訪大社下社秋宮
- 地址：長野縣諏訪郡下諏訪町5828
- 電話：0266-27-8035
- 網站：http://suwataisha.or.jp/akimiya.html
超凡「楓」景－來迎寺
由秋宮往春宮方向前進，就會見到來迎寺參道。
身處參道上或者睇到唔太清楚，但其實內迎寺係一處紅葉名勝，同時更係與平安時代女性歌人・和泉式部有著深厚淵源嘅寺廟。
來迎寺
- 地址：諏訪郡下諏訪町3454
- 電話：0266-27-8234
必睇慈雲寺庭園！
諏訪大社下社春宮剛好位處鬼門位置，相傳當初為鎮守鬼神而建成。
慈雲寺
- 地址：長野縣諏訪郡下諏訪町東町中606
- 電話：0266-27-8171
參拜諏訪大社下社春宮，拜訪「萬治石佛」
參觀過慈雲寺後，就嚟到今次旅程最後一個景點－諏訪大社下社春宮。
今次想特別介紹嘅，就係呢塊萬治石佛。除咗確實知道石佛係於萬治三年建成以外，有關佢嘅其他真相可謂全被謎團包圍。唯一可以肯定嘅，係佢嘅獨特形狀及表情獲得大批粉絲支持，就連知名藝術家岡本太郎都對佢讚不絕口！
萬治石佛
- 地址：長野縣諏訪郡下諏訪町193
- 電話：0266-27-8316
諏訪湖＝鰻魚！「UNA富」必食鰻魚午餐！
諏訪湖湖中棲息多種魚類，
所以今趟旅程就以下諏訪小巷內嘅名店「UNA富」畫上句號啦！
上圖為店家提供嘅普通份量鰻魚丼（2,600日圓）。
以「關西風」燒烤方式烤成嘅鰻魚表面香脆，再淋上醬汁之後就成為諏訪獨特嘅香濃甜辣口味，非常惹味。
UNA富
- 地址：長野縣諏訪郡下諏訪町綠町260
- 電話：0266-28-2794
結論：諏訪令人萬去不厭！
本文為大家介紹咗諏訪觀光景點、美食、溫泉、神社佛寺等眾多豐富內容，希望您今後都會有機會可以實際造訪諏訪，親自體驗佢嘅魅力啦！
Comments