絕不可錯過嘅必訪景點：白川鄉

※本篇文章刊登於 2017年1月 ※

白川鄉（Shirakawa-go）係位於岐阜縣一個歷史悠久嘅村落，本身亦係一個野外博物館。佢整個區域連同富山嘅五箇山都係屬於聯合國教科文組織嘅世界文化遺産，所以當您去呢度嘅同時，您亦深入咗日本歷史文化意義嘅重地。當然如果您從未去過好似咁樣具有博物館性質嘅村莊，造訪呢度絕對係您必排嘅行程之一。

呢度有著可愛又迷人嘅合掌造民家園而有名，合掌代表住雙手合十好似祈禱嘅意思，同時亦係象徵住屋頂嘅形狀。會發展出咁傾斜嘅設計主要係為咗防止積雪，同時亦造就咗呢度非常適合冬天造訪，因為隨處可見好似棉花糖一樣嘅冰雪。

白川鄉嘅主要中心稱作荻町（Ogimachi），係呢度您可以造訪大多數嘅設施同景點。呢個極度田園嘅鄉村裡面有好多傳統式房屋，您亦可以喺呢度睇倒好似澡堂，醫療中心，展望台等設施。除左屋齡悠久嘅合掌造房舍之外，亦有真正嘅博物館可以比您了解整個荻町嘅發展。

以下我地嚟介紹幾個白川鄉不容錯過嘅超人氣景點…

城山展望台（Shiroyama Viewpoint）

如果您想一覽整個荻町嘅風貌並同時欣賞風景嘅話，登上城山展望台即可一次過滿足您嘅需求。呢個展望台位於荻町嘅北部，大約步行20分鐘嘅蜿蜒小徑即可抵達。喺日本本州呢個絕佳景點，您可以盡情享受鄉村嘅大自然之美，另外您亦可以搭乘巴士嚟欣賞呢度嘅絕美景色。

和田家，如同其名，代表住屬於昔日喺荻町中最富有嘅家族之一—和田家族。佢哋同時係呢個村嘅代表,並以其坐擁最大且最具規模嘅合掌造房舍而聞名。亦正因為呢個緣故，相信呢度一定係您嚟合掌村定要放入Checklist嘅景點之一。

想要一睹保存完整嘅農舍嘅話，去荻町嘅神田家就係最好嘅選擇，時至今日已經係博物館。因為神田家位於整個村莊嘅中心位置，只要登上神田家嘅最高層，您就可以將整個村莊嘅景色盡收眼底，如果您係第一次造訪嘅話，呢度絕對係您嘅最佳選擇。神田家被各種不同屋舍環繞，佢嘅良好地理位置令您可以睇倒好多不同建築嘅最佳典範。

長瀨家過往係村莊入面嘅醫生世家，所以去長瀨家，您就可以感受倒佢本身帶部分地方醫院嘅特徵。如同呢棟建築物本身，您入去參觀之後都可以睇倒現時館內展示咗好多當時嘅醫療設備。村裡面有好多房屋都有寬廣嘅閣樓可以用嚟養蠶，當然長瀨家亦唔例外，所以去長瀨家探險果陣記得上頂樓度一探究竟啦！

如果您想沐浴喺荻町嘅文化當中，無錯就係「沐浴」，一定唔能夠錯過去白川鄉之湯體驗當地澡堂嘅機會。尤其係當您打算喺度留宿一晚嘅話，呢個絕對會係一個大好機會比您去體驗。如果您事先預約喺荻町嘅任何一間民宿住宿嘅話，您仲可以享有入場優惠。

明善寺之所以特別引人注目係因為佢有茅草屋頂而非一般傳統嘅瓦片屋頂，同時亦係隔壁農舍嘅一部分。亦因為隔壁所睇倒嘅典型農舍真係作為當地住持嘅住家，所以先會相連埋一齊起。您嚟呢度可以參觀仍美輪美奐嘅廳堂，同時亦係住家嘅一部份。

濁酒節喺每年嘅10月14日及15日舉行，而濁酒節之館將成為關注焦點。其中一個著名嘅就係用當地高品質米所釀造嘅清酒，若您剛好有機會喺節慶前後嚟到，就請順便品嚐一下呢度嘅名酒。