[壽司特輯] 新宿副都心摩天大樓內食好味嘅壽司！

亞洲現今興起咗一陣日式料理風潮，而其中一種最受歡迎嘅日本料理就係「壽司」！
當您造訪東京時，若可以邊品嚐日本傳統壽司美食、邊欣賞東京嘅美景，一定會係一個令人難以忘懷嘅最絕體驗。
您可以喺「旭鮨總本店」（Asahizushi Sohonten）享受呢個美好嘅體驗。「旭鮨總本店」係一家坐落喺新宿副都心，住友生命大樓50樓嘅日本壽司料理店。

（編按：該分店已於2016年9月30日歇業，可參考文章下方列出的新宿地區其他分店）

因為日本料理風潮興起，亞洲各國街道上唔難搵倒壽司料理店嘅看版。但係，我們喺海外壽司店最常搵倒嘅壽司，往往係軍艦壽司或者係綜合當地國家風土、色彩繽紛嘅壽司卷。若您難得拜訪日本，我哋建議您一定要品嚐日本當地道地嘅壽司。
旭鮨壽司嘅熱門午膳套餐包含咗八種壽司，包括三文魚籽、金槍魚、白肉魚、星鰻、花枝、甜蝦，包含魚生片、沙律、湯品、甜點，只需1,500日圓。
相信您一定會對優質嘅料理同實惠嘅價格覺得滿意。

北海道對於亞洲區嘅旅客來講亦係十分熱門嘅旅遊景點。
旭鮨壽司亦提供「散壽司」（壽司丼：喺壽司醋飯上鋪滿妃幾種魚生片嘅蓋飯），係由北海道傳嚟嘅好滋味。盛裝散壽司嘅容器稱為樽碗，以北海道嘅城市－小樽命名。旭鮨壽司每日提供20樽以海膽、三文魚、金槍魚、花枝等海鮮製成嘅散壽司，搭配湯品、小菜、茶碗蒸（日式蒸蛋料理）組成套餐，只需1,500日圓。
就算身在東京・新宿，亦能令您藉住呢啲美食體會北海道嘅美食風情。

若您揀靠窗邊嘅Table位，新宿嘅市景、新宿中央公園、新宿御苑及其餘嘅東京美景皆盡收於您嘅眼底！若遇到好天氣時，仲可以遠眺東京灣，甚至望倒房總半島添！