知唔知咩係抹茶呢？好多人會聯想到係喺茶會或者其他正式場合入面用嘅鮮綠色、有D苦嘅粉末茶。或者對有D人嚟講係喺平日嘅早晨嗰陣成日外帶嘅一杯抹茶latte。即使您已經好習慣飲抹茶嘢飲，仲係可以喺目錄嘅頁面睇到好多特製商品，就好似係果醬或者係普通嘅磅蛋糕、裝飾蛋糕、松露，呢D美味嘅創意都充滿咗抹茶風味㗎，係嚟自於丸久小山園，起源於西元1600年代，位於京都嘅宇治市，係一間日本元祖嘅製茶商號。
1選擇適當嘅抹茶嚟搭配薄茶
抹茶粉末有分成幾種等級，而且俱有各種香味同不唔嘅苦味。
要製作烘烤甜點嗰陣，就需使用中高等級嘅抹茶嚟調製成薄茶啦。而呢道甜點係揀選咗丸久小山園嘅"又玄"(40克罐裝,1,620円)。精緻嘅苦味同醇厚嘅口感非常適合烘烤，烘烤之後所呈現出嚟嘅顏色更加係靚到吸引到人喇。一般嚟講，好多昂貴嘅抹茶非常類似於紅茶，俱有香甜嘅光澤仲無苦味㖭㗎，相對於普通價位嘅抹茶，更加適合烘烤甜點。而且食嗰陣唔會帶有強烈嘅味道，另外，調整一下抹茶嘅量仲會令烘烤出嚟嘅成品效果更加好㖭。
2 仔細測量抹茶嘅份量
抹茶粉係相當珍貴而且精華嘅部分，剩係加入一DD嘅量就好有味道。幾g嘅一D差異都會令成品嘅味道完全唔同曬。而喺呢D食譜中嘅抹茶量則係依據丸久小山園嘅老師傅利用知識同經驗，而且一定要經過專業職人嘅試食所調成嘅。而喺特定食譜中嘅抹茶量仲必須再經過幾次微調㖭吖。使用高品質嘅又玄抹茶粉，做出嚟嘅甜點唔洗諗都知道非常之美味喇。
3 第一步必須先將抹茶粉過篩
抹茶粉係先將茶葉中90%嘅水分去除，用碾茶所製成嘅。由於潮濕會影響到粉末嘅細緻度，甚至會結成一塊塊，破壞成個味道。抹茶粉都必須先過篩先至可以使用，以做出良好嘅成品。抹茶同糖或者係麵粉混合喺一齊之後，都必須再過篩一次嚟確保抹茶同糖、麵粉有完整咁融合到。記得開封咗嘅抹茶粉必須密封保存同冷藏吖。
4 熟悉抹茶嘅特性
抹茶同鮮奶油混合喺一齊之後會變成一種好黐同濃稠嘅混合物。攪拌過程嗰陣會明顯感受到同單純攪拌鮮奶油係唔同嘅。帶有抹茶嘅蛋糕或者係餅乾非常容易燒窿，烘烤嗰陣記得要成程專注咁觀察喇。呢度D配方都有考慮到呢種嘅狀況出現，跟著食譜入面嘅做法，好快您都可以變成抹茶甜點達人喇。
來源：Source" KATEIGAHO INTERNATIONAL Japan EDITION Spring / Summer 2017 vol.39 "
特別感謝：丸久小山園（Marukyu Koyama-en）
攝影：Sadaho Naito
文字：Sang Mi Kang 和 Aki Hirayama
料理提供：Kyoko Imai, Yuki Uenoyama, 和 Yuko Koyama
造型設計：Yuko Magata
Comments