沖繩世界遺產：充滿神秘感嘅齋場御嶽

位於沖繩縣南城市嘅「齋場御嶽」擁有悠久歷史，係一座15世紀到16世紀期間琉球王國尚真王時代嘅「御嶽」（神聖遺址）。

關於沖繩齋場御嶽

「齋場」有「最高地位」嘅意思，而「御嶽」則係遍布於南西群島嘅聖地嘅統稱，因此齋場御嶽可謂琉球王國最神聖嘅地方，甚至曾出現於琉球創世神話中。

當遊客踏入齋場御嶽時，您唔單只可以感受內裡豐富嘅自然環境，仲可以體驗身處神聖之地嘅奇妙感覺。喺寧靜大自然同神聖地區內走動期間，相信您都會不期然地感到心靈一陣清淨呢。

齋場御嶽內一共有六個神域，稱為「ibi」。如果無足夠時間到所有神域參觀，建議您至少要看大庫理、寄滿以及三庫理以上三個地方。

從御門口進入齋場御嶽後，您第一個會見到嘅神域就係「大庫理」。「大庫理」意思為大廳、客廳。

接落嚟，您就會來見證到「三庫理」令人驚嘆嘅結構。由兩塊巨型鐘乳石相互支撐嘅三角形空間散發著一股奇幻氣息、望上去非常神秘。其神域為向外突出嘅範圍。最令人驚訝嘅係，如此形狀竟然可以維持長久歲月依然屹立不倒。

編輯部推薦您可以從三角形岩石中欣賞周邊、甚至遠至久高島嘅壯觀景色。「齋場御嶽」於地圖上位處首里城與久高島之間，幾乎正正就座落於由上述兩個地方連成嘅直線上！

景點地方雖然歡迎遊客，但當對於當地人嚟講，呢到仍然係一個非常神聖嘅地方，因此記得參觀時遵守規矩及保持適當禮儀喇！

地圖: