八重山群島：日本最西南端嘅群島

八重山群島距離沖繩那霸約400公里，係日本最西南端嘅群島。區內有棲息著珊瑚礁嘅高透明度大海、亞熱帶原生林等各式各樣景點，亦有以石垣島等極佳地理位置為據點嘅多間海景度假酒店。

八重山群島小檔案

八重山群島屬於沖繩縣，由32個大大小小嘅有人島及無人島組成，其中10座島嶼為主要觀光區。

多個島嶼至今都保留著濃厚傳統文化色彩，例如被指定為傳統工藝品嘅木棉織品「八重山棉狹」或傳統舞蹈「八重山舞踊」等文化。

八重山群島全年氣候溫暖，一年平均氣溫約為24℃。惟5月到6月前半個月為梅雨季、7月到9月則係雨量多嘅颱風季。因此，編輯部會推薦您喺天氣比較穩定嘅4月或10月前往旅遊。

如果想體驗海上或叢林探險活動，咁夏天就係最佳季節，但出發前請記得要睇清楚天氣預告，確認有無落雨、颱風等消息啊！

八重山群島嘅海水呈祖母綠、湛藍色等迷人漸層顏色，石垣島、波照間島、與那國島上都有多個適合游水嘅海灘。

群島除咗大海，當然仲有相當多元化嘅景點。例如小濱島、黑島、竹富島上，就有田園、放牧地、傳統村莊聚落寧靜風景，遊客有機會窺探島上日常生活。

有亞熱帶植物廣泛生長嘅西表島、由布島；尚未被開發成觀光地、仍保有原始風景嘅新城島及鳩間島等，每個島可謂各有特色。

以下就要為您介紹推薦必去嘅島嶼及其特色景點。

石垣島坐擁日本最大規模嘅珊瑚礁「石西礁湖」、藍珊瑚群叢生嘅「白保海岸」等，島上有多個可以一邊浮潛或水肺潛水、一邊欣賞珊瑚礁嘅景點。您亦可以喺石垣島內探索廣闊紅樹林或觀賞有「全日本最靚」之稱嘅星空。

竹富島保有傳統村落風景，喺沿著珊瑚礁組成嘅石牆小徑散步嘅同時，您可以欣賞到裝飾石牆嘅芙蓉花、九重葛等熱帶花卉以及紅瓦磚屋頂木造民宅等。另外，您亦可以選擇乘搭水牛車、漫遊充滿沖繩風格嘅村落風光。

與那國島位於日本最西端，島上有一半都被斷崖峭壁包圍。推薦必去景點為島上最西端嘅海岬「西崎」，岬上有一座刻有「日本最西端」字樣嘅石碑，從展望台則可以欣賞到日本最夜西沉嘅日落。

與那國島周邊海洋係著名潛水勝地。遊客有機會見到成群雙髻鯊，亦可以近距離觀賞彷如人工建築物嘅特殊海底地形等，機會難能可貴！

「八重山蕎麥麵」係八重山群島一大知名美食，佢係一種以細細圓圓麵條配上微甜豬骨湯底嘅麵食。除此之外，您亦可以喺島上享用到受惠於南國豐饒自然環境下孕育出嘅蔬菜、水果、品牌牛石垣牛等食材製成嘅料理。

島上餐廳分布於各島市區及沿岸一帶，而石垣島幾乎全島都遍佈餐廳。

八重山群島嘅住宿設施因各島特色而異。

由於石垣島及西表島係當中相對面積較大嘅島嶼，因此旅館數量亦比其他島嶼多。石垣島南部市區坐落著多家沿岸俯瞰大海嘅度假酒店，當中有唔少都係一晚5千日圓左右、價格經濟實惠嘅旅館；而西表島則以上原港為中心沿岸一帶有最多酒店、度假別墅及民宿。

面積較小嘅島嶼普遍都較少酒店及旅館，而且大部分都係民宿或guesthouse。

要前往八重山群島，您可先以石垣島「新石垣機場（南奴島石垣機場）」為目標，從沖繩本島那霸機場乘搭飛機約1個小時可抵達。石垣島與其他島嶼都有一段距離，因此需要搭船或飛機前往。

從「石垣港」出發嘅高速船、郵輪可以前往7個島嶼，其中只有最遠嘅「與那國島」可以從「新石垣機場（南奴島石垣機場）」搭飛機前往。

各個島嶼嘅島內移動方式基本以巴士為主，但係比較細嘅島嶼可能無公共交通工具，您可能就要考慮徒步或以的士代步。