關於岐阜

位於本州島嘅岐阜縣（Gifu Prefecture）因位於日本中心而聞名。大部分嘅地方以農業為主，如果您尋找緊想去嘅日本城市不妨嚟呢個美好嘅地方開始探索啦！

岐阜縣嘅主要城鎮係岐阜市，您可以喺呢度搵到唔同嘅城市風情，好似係美麗自然嘅景色。同時呢度都係主要嘅交通樞紐，如果想從呢度出發到其他城市都好方便。

岐阜縣仲有一個自豪嘅地方佢就係被稱為「日本阿爾卑斯山」，因為呢個原因好多人蜂湧而來呢度健行爬山。每到冬季呢度會有一大片滑雪地區仲有日本最知名嘅溫泉可以享受。對於想遠離主要旅遊景點嘅您未嘗係一個唔錯嘅選擇啊！

如何抵達岐阜：

搭飛機：

岐阜無中央機場但係可以從岐阜市搭火車到中部國際機場，路程大約1個鐘1,310日圓。

搭火車：

雖然無直達車，但您可以從東京乘搭火車到岐阜。喺東京車站出發乘搭東海道新幹線到名古屋，再轉乘當地火車嘅東海道線就可以到達岐阜。路程大約2個幾鐘11,000日圓。

您亦可以揀選喺京都或者係大阪乘搭新幹線到名古屋再轉當地火車抵達岐阜。

觀光景點：

岐阜市（Gifu）

岐阜市位於岐阜縣嘅中央仲可以享受到豐富嘅觀光景點。呢度有融合古典又充滿新意嘅特色，雖然身處城市卻可以體驗同自然對話嘅感官享受，例如岐阜公園同金華山就係主要兩座位於城市中的美麗山峰。另一項受到大家愛戴嘅活動係「鸕鶿捕魚」，地點位於擁有1,300年歷史嘅長良川之上。

高山市（Takayama）

高山市因為被稱為通往日本阿爾卑斯山嘅通道而聞名。呢度有好多建築同歷史文化活動。當您去到高山市嗰陣，千祈唔好錯過鄰近飛驒民俗村嘅飛驒民俗藝術博物館啊！

白川鄉（Shirakawa-go）

可能呢度係岐阜最受歡迎嘅景點，白川鄉係一個充滿傳統建築散發特殊氣息嘅小鎮。無論係澡堂、醫療中心或者係觀景台都令人歎為觀止嘅一部分日本文化。呢度亦都也有介紹呢座城鎮從古至今嘅歷史博物館，呢度絕對係嚟到岐阜唔可以錯過嘅景點。

下呂溫泉（Gero Onsen）

下呂市係日本全國知名最好亦都係最受歡迎嘅溫泉鎮。呢度係由延喜901年開始至今「日本三泉」嘅其中一泉。嚟呢度最重要嘅當然就係享受浸喺溫暖嘅泉水入面，甚至有擁有治療效果嘅講法。下呂位於山間，如果您享受蜿蜒嘅山路同壯麗嘅風景歡迎嚟呢度行吓。

購物同免稅：

坂井田永吉本店（Sakaida Eikichi Honten）

岐阜以和傘（傳統日式紙傘）聞名。如果您想去紀念品店購買，咁我哋就推薦您到最接近JR岐阜車站嘅坂井田永吉本店。因為係手工藝品本身就非常精緻，所以價位都依照細緻度定價。

尾關燈籠（Ozeki Chochin）

岐阜有名嘅手工藝唔係凈係得和傘仲有美麗嘅紙燈籠。可以喺福井東別院本瑞寺（Higashi Betsuin Temple）附近買到尾關燈籠。如果您去寺廟附近遊玩嘅話請記得停低腳步欣賞，就算唔購買燈籠都可以欣賞呢個日本獨有嘅華美景像。

ASTY岐阜（Asty Gifu）

如果您想喺岐阜市尋找餐廳嘅話推薦您ASTY岐阜。呢間百貨店所販售嘅嘢種類好多好似係衫或者係禮品，但最主要嘅係呢度有好多間美味嘅餐廳同café ，從當地名產到國際美食都有供應。

交通優惠：

喺岐阜市非常方便就可以抵達唔同嘅名勝景點，您可以揀選步行或者係踏車車。而後者係更好嘅選擇，您可以喺分布喺市區入面三個租借點租借單車，一日凈係需要100日圓。

最推薦嘅旅遊時節：

參觀岐阜會依據您想去嘅地點而有唔同時節嘅推薦。櫻花季位於四月至五月，如果您想欣賞櫻盛開咁推薦您呢個時間來訪。夏天雖然炎熱但成日都會落毛毛細雨，而秋季圍繞喺十月至十一月。雖然寒冷但落雨機率會有所下降。如果您想睇白川鄉被靄靄白雪覆蓋嘅美景或者享受滑雪嘅話推薦您揀選冬季嘅十二月至二月來訪。