唱K天堂！喺發源地日本唱卡拉OK！

有邊個唔鍾意唱K呢？無論您係專業歌手，定係浴室歌神，日本有數以千計可以俾你大展身手嘅地方。或者你會以為只有好似東京、大阪呢啲大城市先有卡拉OK，但其周圍都有。就算去到最偏遠嘅鄉村，你都一定可以搵到個地方唱歌。

日本卡拉OK嘅由來

卡拉OK創立背景原來可以追溯至1881年，當時，全班同學一齊合唱被列為學校課程嘅一部分。唔單止演奏表演，連唱歌都被納入音樂教育中。日本人鍾意唱歌，可能同佢地嘅音樂教育有關。

到咗1970年代以後，卡拉OK事業就開始發展。卡拉OK誕生嘅初期，大家係一邊拎住歌詞卡睇，一邊用咪唱歌。到1980年，「影像卡拉OK」先誕生，可以睇住電視螢幕上嘅歌詞特效字幕，聽住歌曲旋律嚟唱歌。就係現代嘅卡拉OK形式。

有趣嘅係，「卡拉OK (Karaoke)」呢個詞源嘅意思係「天空嘅管弦樂團」。管弦樂團錄製嘅樂曲同歌手歌聲加埋，就係現代卡拉OK嘅歷史由來。

只要係日本人，一生至少都會去唱一次卡拉OK。

卡拉OK誕生於1970年代，卡拉OK主要被視為娛樂同飲酒嘅地方。卡拉OK會設置喺提供小食嘅餐飲店或者餐廳等場所，日本有一邊飲酒一邊唱卡拉OK嘅歷史。1980年代，卡拉OK舖頭誕生咗「Karaoke Box」呢個設備。令卡拉OK由原本只係飲酒嘅附帶活動，變成可以單獨享受嘅娛樂活動。

時至今日，卡拉OK廣受各個年齡層歡迎，無論係學生、上班族、定係退休人士都一樣鍾意。例如10幾歲嘅青少年會喺放學返屋企途中，去卡拉OK店唱歌；卡拉OK亦係約會或者朋友聚會嘅熱門場所。對於20幾歲嘅學生或上班族嚟講，卡拉OK係飲酒會之後嘅「二次會」續攤必去嘅地方。

另外，近年亦興起咗一個人盡興咁唱歌嘅「一人卡拉OK」。

Karaoke Box 就係將「將卡拉OK專門化嘅設施」。因為喺獨立房嘅型式，所以可以喺私人空間中好好咁盡展歌喉。

日本嘅Karaoke Box收費依時間計，以30分鐘或者1小時為單位計算。實際費用取決於地區、店舖同埋使用時段，但基本上每30分鐘費用約為80～300日圓。如果想要長時間使用，建議您選擇唱到飽時段，只要一筆固定費用就可以任何。費用約為800～2,000日圓。（截至2019年10月資訊）

Karaoke Box入面不單止唱歌，仲可以飲食。由主菜、熱食等料理，到甜品、酒精飲品都有，餐牌入面嘅選擇非常豐富。

日本有好多連鎖卡拉OK店，例如「卡拉OK館 (カラオケ館)」、「BIG ECHO (ビッグエコー)」、「卡拉OK BanBan (カラオケバンバン)」、「卡拉OK的鐵人 (カラオケの鉄人)」等。每間卡拉OK舖嘅價格同風格都有唔同，例如卡拉OK房間嘅大細、有啲會有服裝租借、部份有提供任飲選擇等。