近年喺日本，出現多個獨特嘅住宿地點，例如學校、動物園、天文台等，令人不禁想問「真係住得嘅咩？」。旅遊資訊雜誌《Jalan》進行一項有關「令人意想不到的住宿地點」調查，即刻睇睇結果有幾令人驚訝啦！
第一位：大洲城「Castle Stay」（愛媛縣）
日本第一座能夠入住天守閣嘅「城堡住宿」，活用歷史資源，為打造觀光城市發展嘅其中一環。入住時間為大洲城參觀時間結束後嘅17:00到隔日早上09:00，住宿者將被視為一日城主，重現藩主加藤貞泰入城盛況嘅場景，享受家臣團嘅熱烈歡迎。晚上，仲可以喺「櫓」上邊賞月邊品酒，對於喜愛歷史嘅人嚟講，呢個絕對係令人欲罷不能嘅特別體驗。
網頁：https://castlestay.ozucastle.com/
相關文章
第二位：清和高原天文台 清和高原之宿（熊本縣）
設置位於海拔700米，享有360度優良視野，可以俯瞰九州山地，併設於「清和高原天文台」旁邊嘅住宿設施。天氣晴朗時，可以使用大型望遠鏡進行夜間天體觀測等活動，沉醉於天文世界中，能夠置身於大自然中悠閒地觀賞滿天星斗。推薦選擇可以喺住宿範圍內嘅餐廳，享受美味燒肉嘅「包餐住宿方案」。
第三位：NORTH SAFARI SAPPORO（北海道）
「NORTH SAFARI SAPPORO」係一個互動體驗型嘅動物園，喺度可以盡情享受親親動物們嘅樂趣。喺動物園併設嘅北海道「Animal Glamping」，可以享受與各種動物一同住宿嘅體驗。當中，可以選擇與獅子只有一片玻璃之隔嘅房間裡過夜，或可與海豹、企鵝共度一宵嘅小屋中享受美好時光等等，感受住宿動物園嘅非凡體驗。另外，喺2023年開幕嘅「HANARE小屋」，唔單止可以攜帶寵物入場，亦備有專屬庭院作狗狗運動場，讓戈享受與愛犬一同嬉戲嘅好時光。
網頁：https://www.north-safari.com/
第四位：LAMP LIGHT BOOKS HOTEL名古屋【愛知縣】
「LAMP LIGHT BOOKS HOTEL名古屋」以「漫遊書中世界嘅酒店」為概念，一樓書店24小時全天候營業，住客可以不分晝夜，隨時沉醉於書中世界。客房配有可調節光線嘅間接照明燈具、閱讀燈、扶手梳化等設備，係一間以閱讀舒適為首要考量嘅酒店。住客可以根據當日心情選擇一本書，喺房間中盡情沉醉於書中世界。
網頁：https://www.lamplightbookshotel.com/
第五位：平戶城 「Castle Stay」懷柔櫓（長崎縣）
「懷柔櫓」作為常設「城堡住宿」設施，於2021年4月開幕。位於日本百名城之一嘅平戶城內，係一個融合傳統與現代嘅華麗空間，提供僅限住宿者體驗嘅特別城主活動等，可以感受非日常嘅獨特氛圍，並享受成為城主嘅豪華體驗。
相關文章
第六位：THE TOWER HOTEL NAGOYA（愛知縣）
「THE TOWER HOTEL NAGOYA」係一間位於名古屋地標「中部電力 MIRAI TOWER」（舊名古屋電視塔）內，擁有總共15間客房嘅小型奢華酒店。融合東海地區三縣嘅藝術和工藝元素，並擁有地方特色美食餐廳等城市風格嘅「奧伯茨瓦」（法語為auberge，指高級酒店）式酒店。客房內會見到塔嘅鋼骨穿過牆壁和地板，可以享受住宿於被指定為國家重要文化財嘅電視塔之非凡體驗。
相關文章
第七位：THE BAMBOO FOREST（千葉縣）
位於互動型動物園「Sayuri World」嘅豪華露營設施。每年春季至秋季期間，住客可以選擇與長頸鹿一同享用早餐等獨得體驗，為一大魅力。從奢華嘅圓頂帳篷到秘密基地般嘅樹屋等露營設施任住客挑選，可以度過繁華都市中無法體驗嘅快樂時光。
第八位：中伊豆 EAST WINDS VILLAGE（静岡縣）
擁有葡萄園獨特景致勝地的「中伊豆 EAST WINDS VILLAGE」。鄰近嘅「Glamping」豪華露營設施坐擁廣闊葡萄園和壯麗富士山景色，為其迷人之處。再者，住宿者不僅可以享受葡萄酒莊園導覽優惠，仲可以沉醉於百分百純天然溫泉中，享受伊豆大自然中嘅奢華時光。
網頁：https://east-winds-village.com/
相關文章
第九位：TR列車之宿（宮崎縣）
以宮崎縣西臼杵郡日之影町嘅日之影溫泉站作為地點，再利用兩架已經全線廢止嘅舊高千穗鐵道列車，將其改造而成嘅簡易住宿設施「TR列車之宿」，無論係駕駛座、儀表板、票價箱、車窗、熒光燈、行李架等皆保留原貌，對於鐵道愛好者嚟講絕對係一個不可錯過嘅住宿體驗！
網頁：https://hinokagecho.com/hinokageonsen-inn.html
相關文章
第十位：Ekisha Hotel INN MY LIFE（静岡縣）
車站旅宿「Ekisha Hotel INN MY LIFE」位於靜岡縣天龍濱名湖鐵道上，將無人車站「二俁本町站」嘅車站大樓重新裝修而成嘅住宿設施。昔日嘅站長辦公室內部經過改造後，成為一個簡約卻充滿細節位，以白色為主嘅空間。早餐選用當地新鮮食材製作，令人沉浸於周邊地區魅力嘅同時，可以度過一個奢華時光。另外，每日僅限一組客人入住仍在運作嘅車站大樓之中，讓人盡享與別不同嘅獨特體驗。
相關文章
※刊登資訊為2023年7月31日嘅情報
※出發前，請先於官方網站等確認最新資訊
【調査概要】
- 調查方法：網路調查
- 調查對象：20歲至59歲嘅47個都道府縣縣民
- 有效回答人數：1,026名
- 調查實施期間：2023年6月30日（星期五）～2023年7月3日（星期一）
- 調查機構：INTAGE（調查主體：Recruit）
Comments