位於日本宮崎縣嘅高千穗峽谷係因鄰近嘅阿蘇山嘅火山活動而誕生嘅深邃峽谷。因其稀少性同藝術性，被日本政府指定為國家天然紀念物。此外，高千穗峽谷嘅魅力唔單止在於美麗嘅景觀，仲有喺峽谷內乘船泛舟等戶外活動亦相當受歡迎。
喺高千穗峽谷租船泛舟
遊覽高千穗峽谷可以沿著步道散步，欣賞沿途美麗景色。如果時間許可嘅話，推薦喺呢度租借小船泛舟。搭船泛舟遊溪，可以從峽底仰望高聳峭壁綿延嘅峽谷。高達80～100米嘅陡峭懸崖，讓人感受到大自然鬼斧神工嘅力量，魄力滿分。同時，唔怕人嘅鴨群喺河面上游水。於乘船處可以先購買飼料，就可以一邊划船、一邊餵食鴨群添！
於高千穗峽谷租船泛舟嘅方式
租船泛舟所需時間至少30分鐘。但係，因為相當受到遊客歡迎，有時可能需要等待3個鐘以上。唔接受電話，電郵或網上預約。只可以直接到乘船處租借，每艘船收費2,000円，僅收現金。（超過30分鐘嘅延長收費為每10分鐘／300円）好可能需要長時間等待，因此建議一朝早就去玩。此外，比起多遊客去嘅夏季旺季，冬季造訪嘅話較能順利租到船隻。雖然一年當中並無休息日，但有可能受天氣影響，暫停開放。當日嘅租船情況同等待時間，可向常駐嘅英文工作人員對應嘅「觀光資訊中心（まちなか案内所）」查詢。
景點資訊
- 名稱：觀光資訊中心（まちなか案内所）
- 地址：宮崎縣西臼杵郡高千穂町大字三田井802-3
- 交通方式：從高千穗巴士總站徒步1分鐘
- Wi-Fi：有
- 語言：英文
造訪真名井瀑布，舒暢身心
講到可以象徵高千穗峽谷嘅，就不得不提「真名井瀑布」啦！乘搭租船遊河嘅話，可以近距離欣賞從約17米高落下嘅瀑布。於夏季造訪，彷彿就好似天然冷氣一樣，帶俾人涼爽舒暢嘅氣氛。此外，每年夏季嘅夜晚，仲有夜間點燈。從山中步道可以欣賞到夢幻嘅「真名井瀑布」美景，同日頭相比之下又係截然不同嘅風情。
玉垂瀑布及鱘魚魚池
同雄偉嘅「真名井瀑布」形成對比嘅「玉垂瀑布」，係從懸崖靜靜地流出嘅幾道水流。瀑布流下嘅清澈水流形成水池「ONOKORO池（おのころ池）」。喺呢個水池，意外地有睇落去好似鯊魚嘅鱘魚優雅地游水，並且可以餵飼料俾佢哋食。仲有，喺水池中央浮著嘅小島（或岩石）據傳說係日本神話當中，神明最初做出嘅「磤馭慮島」。有機會嘅話，一定要嚟呢度親眼欣賞日本原始嘅小島！
去高千穗峽谷嘅交通方式
從東京出發嘅話從羽田機場，從大阪出發則係從伊丹機場，乘搭日本國內線航班前往福岡機場。跟住乘搭巴士約3小時30分鐘左右，抵達高千穗巴士總站。從高千穗巴士總站至高千穗峽谷，搭的士約10分鐘車程。
景點資訊
- 名稱：高千穗峽谷
- 地址：宮崎縣西臼杵郡高千穂町大字三田井御塩井
- 交通方式：搭巴士至高千穗巴士總站落車，轉搭的士約10分鐘
- Wi-Fi：無
- 語言：有英文導覽手冊
- 門票：無
- 信用卡：無法使用
Comments