東京新宿新景點「東急歌舞伎町Tower」:吸睛餐廳&美食選擇大公開!

東京新宿 東急歌舞伎町Tower

東急歌舞伎町Tower係一座由地上48層、地下5層和頂層1層組成嘅超高樓嘅複合式施設,於2023年4月開業。擁有距離JR新宿站步行7分鐘即可抵達嘅優越位置,1F至2F集合了各種餐飲店,成為東京嘅新美食聚集勝地而成為人氣熱話

今次為你介紹多款去到新宿歌舞伎町就絕不能錯過嘅餐廳和招牌菜式!當中包括擁有47個都道府縣特色美食嘅娛樂美食廣場,以及由和牛專業團隊經營嘅牛肉餐廳等必睇資訊!

※本文所提到嘅價格(含稅)皆為2023年4月時資訊。由於內容或會出現變更情況,詳細請查閱各店家官方網站,以確認最新資訊。

東急歌舞伎町Tower 2F「新宿歌舞伎hall~歌舞伎橫丁」集結了全國美食!

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

去東京旅遊時,如果想探索傳統文化和美食,首先推薦去位於東急歌舞伎町Tower 2F、面積約1,000平方米嘅娛樂美食廣場「新宿歌舞伎hall~歌舞伎橫丁

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

呢度共有10間店舖,提供47個都道府縣嘅當地美食和地道「B級」美食,等大家可以喺新宿都可以品嚐得到日本各地嘅特色美食喔。另外,每間店鋪更會以各縣嘅祭典為主題,去傳遞各地區獨特風情。

廣場中央仲有一個舞台,每晚都會舉辦由藝人和搞笑藝人嘅表演活動,每週五則會有傳統藝能表演,例如和太鼓和花魁道中等,並使用大型LED屏幕和最新照明技術等呈現出來的視覺效果相當吸晴,令人可以同時享受美食和視覺上嘅雙重享受。

東京新宿 東急歌舞伎町Tower 日本美食

左:【北海道食祭】海鮮四色丼 / 2,749日圓
右:【關東食祭】江戶前壽司拼盤-楓- / 2,749日圓
東京新宿 東急歌舞伎町Tower 日本美食

左:【九州沖繩食祭】長濱拉麵 / 989日圓
右:【中四國食祭】釜玉烏冬 / 549日圓

丼飯、壽司、拉麵、烏冬...各地必嚐美食一應俱全,令人胃口大開!

東京新宿 東急歌舞伎町Tower 日本美食

左:【中部食祭】味噌炸豬扒(一串)/ 329日圓
右:【東北食祭】燒牛舌/ 1,429日圓

對於喜愛日本食物嘅人嚟講,可以一次過品嚐多款小食,可謂相當過癮,令人不禁想要一邊品嚐美食,一邊享受暢飲嘅樂趣。

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

每間店鋪都有不同主題,以東北地區為主題嘅「東北食祭」為例,擁有由睡魔製作師内山龍星氏所製作嘅睡魔擺設,並裝飾於店舖內。

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

另外,喺「九州沖縄食祭」中掛著一排排令人聯想到福岡縣福岡市博多祇園山笠嘅提燈。

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

北海道札幌市羊之丘展望台嘅象徵——「克拉克博士銅像」引領著人們參觀「北海道食祭」。

東京新宿 東急歌舞伎町Tower 娛樂美食廣場「新宿歌舞伎hall~歌舞伎橫丁」

喺「新宿歌舞伎hall~歌舞伎橫丁」行個圈,就好似去咗一趟環遊日本之旅咁,相當過癮。另外,由於營業時間去到朝早5點,所以當你住喺新宿站附近時,亦可以將其當作成「深夜食堂」呢!

新宿歌舞伎hall~歌舞伎橫丁

東急歌舞伎町Tower 1F「BEEF DINING 和牛特區 東急歌舞伎町Tower店」係和牛愛好者嘅天堂!

東京新宿 東急歌舞伎町Tower「和牛放題之殿堂 肉屋橫丁」

鍾意食肉嘅朋友們有好消息!「和牛放題之殿堂 肉屋橫丁」係由「平城苑」品牌所經營嘅新式店舖。當聽到呢間店係由和牛專家親自打造時,無需多講,就已經知道其食物嘅品質絕對係極高啦!

東京新宿 東急歌舞伎町Tower「和牛放題之殿堂 肉屋橫丁」

「BEEF DINING 和牛特區 東急歌舞伎町Tower店」提供使用A5等級嘅黑毛和牛所製作嘅西冷牛扒、漢堡和烤薄片牛肉等多款菜式,簡直讓和牛愛好者垂涎三尺!由於選擇多樣化,即使係覺得「燒肉稍微有些少膩...」嘅部分人士亦可以安心喺度尋找美食喔。如果想享受和牛盛宴,「好想食肉!」嘅話,就一定要去呢間餐廳試試啦。

東京新宿 東急歌舞伎町Tower「和牛放題之殿堂 肉屋橫丁」

A5和牛西冷牛扒/ 5,500日圓(150g)、11,000日圓(300g

呢道料理經過以高溫大火煎烤表面,再用低溫細火燉煮一段時間,將肉汁鎖住等步驟完成。當你一咬落去,就可以感受到和牛嘅獨特香氣於嘴裡擴散,相當好滋味!

東京新宿 東急歌舞伎町TowerBEEF DINING 和牛特區 東急歌舞伎町Tower店

烤薄片牛肉漢堡包/ 1,980日圓

使用了80g烤薄片牛肉製成巨大漢堡包,外觀非常引人注目!另外仲有使用100%和牛製成嘅和牛肉餅,再搭配上其他配料而成嘅牛油果煙肉芝士漢堡(2,180日圓)等等美食任君選擇。

東京新宿 東急歌舞伎町TowerBEEF DINING 和牛特區 東急歌舞伎町Tower店

BEEF DINING 和牛特區 東急歌舞伎町Tower店

  • 營業時間:
    【午餐】11:00-15:30(最後點餐15:30)
    【晚餐】15:30-23:00(最後點餐22:00)
  • 官方網站:https://g443755.gorp.jp/

東急歌舞伎町Tower 1F「KABUKI BURGER & TACOS」盡情享受和牛漢堡和墨西哥夾餅吧!

東京新宿 東急歌舞伎町Tower「KABUKI BURGER & TACOS」

最後要介紹嘅係位於1F入口旁、外觀採用歌舞伎設計、令人印象深刻嘅餐廳「Modern Mexican KABUKI BURGER & TACOS」。或者會有人覺得「點解要喺日本食墨西哥料理?」,其實小編介紹畀大家嘅原因,係因為呢間餐廳嘅獨特背景

東京新宿 東急歌舞伎町Tower「KABUKI BURGER & TACOS」

該餐廳由「株式會社eatopia」經營,而該公司旗下擁有連續8年獲得《米芝蓮指南》一粒星嘅肉扒店「中勢以」等多間餐廳,實力非凡。另外,與其合作嘅米澤文雄主廚曾經贏得美國大使館「Taste of America」日本賽事冠軍,並於2015年日本最大型嘅料理比賽「RED U-35」中獲得「金蛋獎」。擁有世界級認受性嘅米澤主廚將其烹飪技巧和調味融入和牛漢堡和墨西哥夾餅中,可謂魅力非凡。

東京新宿 東急歌舞伎町Tower 雙重「歌舞伎」漢堡包

雙重「歌舞」漢堡包/ 2,590日圓

呢個係店舖招牌菜式,麵包中夾有兩塊黑毛和牛製作嘅牛肉餅和什錦炸物,搭配上照燒醬和煙燻BBQ醬嘅自製醬汁,完美搭配出肉汁與醬汁嘅好滋味!

東京新宿 東急歌舞伎町Tower 炸蝦墨西哥夾餅

炸蝦墨西哥夾餅/ 990日圓

呢間餐廳仲有其他選擇,有各種不同口味,例如放上一大條有頭炸蝦嘅墨西哥夾餅,非常適合當作輕食。由於味道輕盈,所以就算搭配著雞尾酒享用亦相當合適。

KABUKI BURGER & TACOS

東急歌舞伎町Tower除咗美食之外,仲有其他多個景點!

東急歌舞伎町Tower

本文雖然為大家介紹咗好幾個「東急歌舞伎町Tower」嘅美食熱點,但亦僅屬當中一小部分嘅資訊,呢度仲有唔少其他值得一遊嘅景點喔。

除咗美食之外,館內仲有其他豐富嘅觀光景點,例如由作曲家坂本龍一監製音響嘅「109 Cinemas Premium 新宿」和可以享受新宿最大型嘅夾公仔設施「namco TOKYO」等,多個娛樂設施,真係玩足一日都唔夠喉喔!想了解更多娛樂設施嘅相關資訊,請點擊以下連結查閱。


東急歌舞伎町Tower

  • 地址:東京都新宿區歌舞伎町1-29-1
  • 營業時間:24時間
  • 交通方式:
    • 從西武新宿線「西武新宿站」步行1分鐘
    • 從都營大江戶線「新宿西口站」步行6分鐘
    • 從JR各線、小田急線、京王線、東京Metro「新宿站」步行7分鐘
    • 從東京Metro、都營新宿線「新宿三丁目站」步行8分鐘
  • 官方網站:https://tokyu-kabukicho-tower.jp/en/ 

目錄

Survey[問卷調查] 關於日本旅遊







Recommend