第一次見到呢道「豆腐泥拌蒟蒻」（こんにゃく白和え）嘅人，可能會覺得不可思議，甚至會心諗「唔通係日本寺廟嘅素菜（精進料理）？」。 雖然唔係素菜，但與素菜一樣唔會使用肉類作食材，係一款口感柔軟，健康美味嘅料理。
「豆腐泥拌蒟蒻」係福島縣嘅鄉土料理。究竟點解呢道菜式會誕生於福島縣？齊齊一邊探索，一邊學習烹煮方法吧！睇完文章之後，不妨跟住以下食譜試試落手整啦！
日本鄉土料理即係？
鄉土料理係指活用各地區嘅當地特產，結合當地風土民情所烹煮出，長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
「豆腐泥拌蒟蒻」（こんにゃく白和え）嘅起源
位於福島縣東白川郡嘅塙町作為蒟蒻產地而廣為人知，並為祭祀將蒟蒻製作方法推廣於塙町嘅藤衛門，而舉行「藤衛門祭」。江戶時代中期於山方地區諸澤出生嘅中島藤衛門（亦被稱為藤右衛門），係將不適合流通於市場嘅蒟蒻植物製作成蒟蒻粉，並普及於世嘅人物。
據說塙町於江戶時代期間開始生產蒟蒻，並於昭和30年左右開始盛行。現時，與鼎盛時期相比，雖然產量較為穩定，但由於製作蒟蒻粉嘅廠家亦變得非常多，蒟蒻則作為當地特產被廣為人知。
講到使用蒟蒻製作嘅料理，蒟蒻刺身固然出名，不過如果經常喺屋企自家製嘅蒟蒻料理嘅話，就不得不提「豆腐泥拌蒟蒻」（こんにゃくの白和え）啦！「豆腐泥拌蒟蒻」係一款將瀝乾水分並作調味嘅豆腐，與蒟蒻攪拌而成嘅料理。當中，於菜式中使用嘅豆腐，就好似「豆腐醬」一樣嘅感覺喔。
昔日，呢款「豆腐泥拌蒟蒻」係於婚喪、人們聚集時所享用嘅菜式。雖然現時已經係全年都可以品嚐得到嘅料理，不過根據唔同季節所使用嘅食材亦有所不同，可以享受得到當季食材嘅美味。另外，據聞喺蒟蒻製作盛行嘅昭和30年左右，從當造時期至11月左右都會進行蒟蒻球挖掘喔。
為咗令大家可以更加了解福島嘅鄉土料理，以下落嚟會介紹「豆腐泥拌蒟蒻」嘅食譜。
「豆腐泥拌蒟蒻」（こんにゃく白和え）材料（4人份）
- 蒟蒻 50g
- 木棉豆腐 350g
- 鴻喜菇 一包
- 紅蘿蔔 半條
- 青瓜 一條
- 青瓜用鹽 少許
調味料：
- 砂糖 40g
- 芝麻粉 25g
- 白味噌 40g
- 鹽 1茶匙
- 薄口醬油 1茶匙
- 高湯材料：
- 高湯 400cc
- 薄口醬油 50cc
- 味醂 50cc
- 砂糖 1湯匙
「豆腐泥拌蒟蒻」（こんにゃく白和え）嘅製作影片
- 於豆腐上壓上重物，放置約1小時用來瀝乾豆腐水分。
- 將青瓜切成薄片，加入1/4茶匙嘅鹽，然後攪拌混合。放置10分鐘至15分鐘左右，青瓜變軟後，將其輕輕揉搓。
- 將蒟蒻切成薄片，然後切絲。
- 紅蘿蔔切成2至3cm嘅厚度，然後切絲。
- 鴻喜菇去底端黑黑嘅部分，然後用手撕成一小撮一小撮備用。
- 於鍋裡放入高湯調味料，再放入鴻喜菇、紅蘿蔔、蒟蒻，用中火烹煮。
- 煮好後，撈走浮出嘅白色泡沫，用細火烹煮10分鐘。煮好之後，直接冷卻。
- 將瀝乾水分嘅豆腐放入研缽中，加入調味料，攪拌至柔軟光滑。
- 攪拌均勻全體後，放入⑦嘅材料與青瓜，攪拌均勻。
- 上碟後，即大功告成。
Comments