【食譜影片】慳錢又慳時間，３款豆苗料理極速為晚餐加餸！

Hello，大家好！唔知道大家仲記唔記得，之前FUN! JAPAN編輯部喺「東京生活慳錢方法大公開！日本人親身分享如何慳得輕鬆又自在嘅簡單小貼士～日常生活篇～」文章中，介紹過深受日本家庭主婦歡迎嘅慳錢食材「豆苗」呢？將豆莖切落嚟即可以進行自家種豆苗，又再整多樣菜式，既划算又好玩，真係非常適合勤儉持家、想要慳錢嘅人喔。

今次，就等FUN! JAPAN「煮編」為大家介紹一下，點樣用豆苗去輕鬆煮出3道慳錢又慳時間嘅好食菜式啦！

第①道：5分鐘輕鬆上檯！豆苗涼拌吞拿魚，消暑清涼好滋味

豆苗涼拌吞拿魚材料（2人份）

• 豆苗    1包（50g）
• 吞拿魚罐頭   1罐（80g）
• 油炸厚豆腐   130g
• 味滋康 芝麻味柑橘醋醬汁 1大匙 
• 芝麻粒 （白）1大匙

豆苗涼拌吞拿魚做法

1. 切去豆苗根部，再將豆苗切對半。
2. 將厚豆腐切成1cm大小方形。
3. 將厚豆腐稍微過一過滾水以隔走油脂，並濾乾水分。
4. 將豆苗放入耐熱碗中，稍微用保鮮膜封住，放入微波爐（600W）加熱1分鐘。
5. 將油豆腐、吞拿魚罐頭倒入碗中。
6. 最後倒入芝麻味柑橘醋醬汁，撒上芝麻粒，攪拌均勻，上碟即完成。

第②道：豆苗蛋花湯

豆苗蛋花湯材料（2人份）

• 豆苗  半包
• 打好嘅雞蛋 1隻
• 水  1又1/2杯
• 濃縮雞湯粉 1/2大匙
• 胡椒鹽 少許
• 麻油 少許

豆苗蛋花湯做法

1. 切去豆苗根部，再將豆苗切成一口大小長度。
2. 將水及濃縮雞湯粉倒入鍋中，開火煮。
3. 水滾至沸騰之後，加入豆苗。
4. 煮到水稍滾狀態之後，以畫圓圈嘅方式倒入經已打好嘅蛋液，再慢慢攪拌。
5. 撒上少少胡椒鹽，滴幾滴麻油，暖心又暖胃嘅豆苗蛋花湯即完成。

第③道：豆苗牛肉捲，微波輕鬆蒸出爐

微波蒸豆苗牛肉捲材料（2人份）

• 牛肉薄片（火鍋肉片亦可） 150g
• 芽菜  半包（100g）
• 豆苗   半包（25g）
• 鹽、胡椒 少許

• 味滋康 柑橘醋醬汁／橘醋 2大匙
• 麻油 1小匙
• 萬能蔥（切成蔥花）1條

微波蒸豆苗牛肉捲做法

1. 切去豆苗根部，再將豆苗切對半。然後將芽菜去尾。
2. 將肉片攤開，整體均勻地灑上鹽、胡椒。鋪上芽菜、豆苗，捲成肉捲，記得要捲到實一實喔。
3. 將捲好嘅肉捲放上耐熱碟，用保鮮膜略微封，放入微波爐（600W）加熱約4分鐘，直到肉熟。
4. 將嘅材料混合攪拌成醬汁。
5. 拎走步驟3嘅保鮮膜之後，裝碟，倒入步驟4攪拌均勻好嘅醬汁即完成。