【日本山口】遊走世界遺產×老字號旅舘!山口縣必去溫泉地3選+必住酒店推介

山口縣位於本州西南部中國地區嘅西部位置,擁有錦帶橋、角島大橋、世界遺產萩、溫泉等多個名勝景點。乘搭新幹線從大阪出發約2小時,從福岡出發則約35分鐘即可抵達。

山口縣嘅溫泉可謂魅力非凡,皆因其療癒身心嘅程度備受好評,更被美譽為「OFF泉」。下個旅程,不妨去浸返個「OFF泉」,盡情放鬆身心兼美肌、暫別都市煩囂,好好咁「OFF」返次啦!

山口縣有咩類型嘅溫泉?

除咗有可以去除舊角質及多餘皮脂功效嘅溫泉,山口縣亦有讓人心靈獲得充分療癒嘅溫泉。縣內泉質大致可分為3種:第1種係如湯田溫泉般具有使肌膚光滑柔嫩、清潔效果嘅單純泉;第2種如萩溫泉鄉一樣,具有促進血液循環、保溫效果優良嘅鹽化物泉;第3種則係含有能夠為人體帶來正面影響、帶有微量嘅放射能嘅放射能泉,例如錦帶橋溫泉、湯免溫泉、阿知須溫泉、硫磺泉質嘅一之俁溫泉等,就都係屬於放射能泉。

1)山口市・湯田溫泉

湯田溫泉位於山口縣西南部,擁有約600年歷史,以豐沛溫泉水量見稱,至今仍然每日湧出高達2,000噸溫泉水!此地自古就以「白狐溫泉」一說而聞名,相傳有隻受咗傷嘅白狐,走去池塘浸腳療傷,此舉引起他人好奇走去挖掘池塘後,就湧出溫泉水。傳說中成功治好受傷白狐嘅湯田温泉屬於鹼性溫泉,具有清潔,使肌膚光滑柔嫩嘅效果,因此又稱為「美人湯,極具人氣

由於湯田溫泉位於鬧區內,想要玩得更盡興嘅話,推薦您可於四周漫步或租單車嚟個單車遊,享受一個適合自己步伐嘅慢活假期。玩到攰攰地,可以再轉場去鄰近Café一邊浸住足湯、一邊嘆甜品。湯田溫泉絕對係一個可以享受溫泉與街道漫步樂趣嘅溫泉勝地!

景點資訊

  • 地址:山口縣山口市湯田溫泉
  • 交通方式:從JR新山口站揸車約20分鐘

湯田溫泉推薦旅舘 松田屋酒店

擁有300多年歷史嘅松田屋酒店,與帶領日本從武士之國走向近代嘅革命家「維新志士們」有著深厚緣分,皆因「維新志士們」亦曾被此溫泉治癒過身心。擁有優質溫泉、守護著歷史嘅同時,亦不斷變化與時並進,真心誠意嘅款待之道就係松田屋酒店嘅最大賣點

住客可於客房內深深感受到其歷史及演變。本館為大正時代建成嘅木造2層建築,尤其以景色優美嘅日本庭園為一大加分位。而可以眺望湯田嘅新館客房就根據面積大小分成3個種類,無論係團體,抑或係親子三代同遊等廣泛顧客層嘅需要,都可以一一對應得到。

寬敞空間內,住客將有機會品嚐到使用天然資源豐富嘅當地食材,以及瀨戶內海及日本海沿岸嘅當季食材所製作嘅美食。酒店提供以客人為本嘅服務,讓人於此享受一個極美好時光!

景點資訊

2)萩市・萩溫泉鄉

萩溫泉鄉係曾經歷過260年嘅繁榮盛世,城下町嘅溫泉地。至今仍保留著當時面貌嘅城下町,與幕府末期維新志士輩出嘅松下村塾,已一同被登錄為世界遺產「明治日本產業革命遺產」之構成遺產

萩城舊址指月公園

萩城舊址指月公園除咗係櫻花名所,亦坐擁同時被登錄為世界遺產,現存部分嘅石牆與護城河,環境極具歷史氣息。推薦各位不妨喺街上漫步,享受不一樣嘅悠閒好時光。

萩城下町(江戶屋橫町)

行程旅可的話,可以再去埋仍保存著傳統城下町房屋與土藏建築嘅古老街道「傳統的建造物群保存地區」行個圈,體驗時空旅行嘅樂趣。

萩溫泉鄉嘅泉質,包括屬於鹽化物冷礦泉系嘅「HAGI HOTSPRING(はぎ温泉)」在內共有8種,具有可以治療神經痛、肌肉痛、關節痛等多種功效

景點資訊

  • 地址:山口縣萩市萩溫泉鄉
  • 交通方式:從JR新山口站坐巴士約95分鐘或從JR東萩站坐巴士15分鐘 徒步10分鐘

萩溫泉鄉推薦旅舘 萩觀光飯店

萩觀光飯店最大特色,係可以從笠山半山腰約32m高嘅地方,一邊眺望萩灣嘅絕景,一邊浸荻温泉露天溫泉,其景致亦係萩首屈一指嘅美景喔。此處泉質屬鹽化物冷礦泉,具有促進血液循環以及優秀保溫效果,有助提高免疫力・自然治癒力,並具有美肌及舒緩關節痛等多種功效。

除咗擁有可以眺望大海嘅和室之外,酒店仲有多個唔同房型任君挑選,可以根據人數及旅遊風格揀您想入住嘅房型。菜式方面,有使用長萩和牛、萩嘅當地品牌豬「むつみ豬」、河豚等,全由嚴選山口當季食材製作而成

景點資訊

  • 地址:山口縣萩市椿東1189-541
  • 價錢:2人入住/成人每位 18,700日圓~26,400日圓
  • 官網:https://www.hagikan.com/

3)岩國市地區・錦帶橋溫泉

錦帶橋溫泉係橫跨錦川清流之上,日本三名橋之一嘅木造橋「錦帶橋」附近嘅溫泉。講到錦帶橋地區著名景點,莫過於依據江戶時代架設嘅錦帶橋原貌所重建而成嘅錦帶橋,以及岩國城等讓人聯想起從江戶時代到大正時代份圍嘅歷史街道。當中,夜間點燈下所營造出嘅錦帶橋美景更係必睇!夏天期間限定舉辦嘅「錦帶橋鵜飼」(鵜飼即鸕鶿捕魚),水面倒映著篝火嘅夢幻景色亦相當吸睛,有機會記得親身去感受一下啦。

錦帶橋溫泉嘅泉質係單純弱放射能泉(鐳泉),有助舒緩風濕病、神經痛、關節痛等各種症狀

景點資訊

  • 地址:山口縣岩國市岩國
  • 交通方式:從JR新岩國站坐巴士約15分鐘

錦帶橋溫泉推薦旅舘 岩國國際觀光酒店

有機會一定要去試一試,岩國國際觀光酒店裡面嘅庭園露天溫泉「五橋之里(いつつばしの里)」!一邊嘆錦帶橋溫泉,一邊享受錦帶橋就在眼前嘅動人景色,再身處「朝霧之湯」內眺望晨霧中與被燈光照明嘅錦帶橋,又或從「夕霧之湯」眺望岩國城,您話係幾咁寫意呢?男湯與女湯採取輪流交替使用制,想一次過體驗兩種不同露天溫泉嘅樂趣就最適合

和洋室設有露天溫泉與可以眺望錦帶橋嘅和室,包括選用席夢思床褥雙人床等豐富多彩客房陣容。飲食方面,岩國壽司、新鮮魚類與和牛等可以充分感受到岩國當季嘅鄉土料理絕對係必食之選。

景點資訊

相關文章

目錄

Survey[問卷調查] 關於日本旅遊







Recommend