山口縣岩國城城下町旅遊資訊

岩國市位於山口縣東部，擁有岩國城等歷史景點及自然景點，具有豐富多元嘅觀光資源。另外，仲有歷史悠久嘅當地美食及當地酒等，特產商品豐富多樣為特徵。

關於岩國

岩國嘅北面為日本中國地區山地，南面面向瀨戶內海，係一個被自然環境包圍嘅地區。另外，錦川流經北部及南部之間，瀨戶內海上亦有各個島嶼。

17世紀時，位於南部地區嘅岩國城作為城下町繁榮。街道至今仍保留著濃厚嘅城下町風情。

岩國係日本本州唯一一個美國海軍基地。普通人禁止進入，但於毎年5月嘅「日美友好日」會向一般市民開放航空基地，展出軍用機，舉辦航空表演等。

岩國嘅天氣會因應地區各有不同。靠近海邊嘅南部較溫暖，普遍晴朗；而北部嘅山間地區則較為涼快。冬天大部分時間雖然唔會落雪，但天氣非常寒冷，所以故推薦氣候宜人嘅春天至秋天去岩國觀光旅行。

岩國觀光地區可分為山代、岩國、玖珂、柱島四大地區。今次小編就要為大家介紹各地區嘅好行好玩之處。

山代位於北部嘅廣闊山地，係「美和」、「美川」、「本郷」、「錦」呢四個地區嘅總稱。有彌榮峽、寂地峽等大自然景觀嘅景點。可以喺彌榮湖乘搭觀光船或者喺Rakan高原Camp場露營，休閒設施豐富多樣，又可以享受大自然。

岩國嘅中部地區作為城下町繁榮至今。殘留多個歷史建築物，例如係岩國城、錦帶橋、武家屋敷等。其中，橫跨於錦川嘅錦帶橋為必訪景點。連著五個弧度，係世界上一座非常罕見嘅木造橋。其建築技術精湛，令人驚歎。一於行去橋下嘅錦川河畔感受呢一片日本風情啦。

玖珂位於南部，盆地地區及沿岸地區聚集各種觀光景點。盆地地區擁有建築於8世紀嘅二井寺山極樂寺等寺廟神社及古代遺跡等歷史景點。另外，沿岸地區亦有潮風公園Minato Oasis Yuu（みなとオアシスゆう）等，可以享受日光浴。

柱島地區包含瀨戶內海嘅12個有人或無人島。柱島作為觀光地區中心，除咗可以喺美麗嘅沙灘同陽光玩遊戲，仲可以登金藏山，從觀景台一望大海與島嶼。

岩國嘅名產有岩國壽司、高森牛等美食之外，「獺祭」等當地酒都非常出名。岩國嘅餐廳主要聚集於岩國地區。另外，喺玖珂地區及山代地區亦有少少餐廳。要注意嘅係柱島上並未設有飲食店。

各地區均設有住宿設施，尤其以岩國地區最多。於錦帶橋附近及JR岩國站附近都有多間酒店或旅館。其中，JR岩國站附近多為經濟型酒店，價格位於約5,000円以下，推薦俾想入住於經濟實惠嘅酒店嘅人。（2019年7月資訊）

此外，山代地區有較多溫泉住宿、旅館，於玖珂地區亦有少量旅館、民宿。於柱島港口附近有好幾間旅館，需要事先以電話預約。

可以喺JR岩國搭當地巴士同電車就去到各個觀光景點。另外乘搭約1個鐘高速船可以去到柱島。