山口縣岩國旅遊推薦酒店

山口縣岩國市有好多酒店及旅館為你提供舒適嘅住宿體驗，而且附近都有知名旅遊景點，如木製嘅錦帶橋、岩國城同白蛇棲息地。以下為大家介紹山口岩國旅行嘅推薦酒店。

入住「GREEN RICH酒店岩國站前」等等岩國車站附近嘅酒店 方便前往各地觀光

岩國站周圍有好多酒店，無論係觀光定出差都好方便。有各式酒店，價格合理嘅選擇又有，設有大浴場嘅酒店都有。酒店周邊都有好多餐飲店，出外用餐都好方便。

「岩國廣場酒店」：住宿者可以免費享用歐陸式早餐

岩國廣場酒店係一日簡約嘅酒店，距離岩國車站只有3分鐘步行路程。附近又有便利店，又有好多食肆。另外，酒店門口有巴士可以搭到去錦帶橋同機場，非常適合作為岩國旅遊時入住嘅酒店。

唔只住宿價錢合理，住宿旅客仲可以免費享用歐陸式早餐，包括麵包、沙律、水煮蛋同咖啡。連續住幾晚慳返早餐都唔錯呢。

酒店資訊

• 名稱：岩國廣場酒店
• 地址：山口縣岩國市麻里布町2丁目9-30
• 交通方式：
• 廣島站→[JR]約1小時→岩國站步行約5分鐘
• 岩國機場→[岩國錦帶橋機場線巴士]約12分鐘→岩國站步行約5分鐘。
• Wi-Fi：有提供
• 語言對應：僅限日文
• 可使用信用卡：VISA、MasterCard、JCB、AMERICAN EXPRESS、UC、DC、UFJ NICOS、UFJ、Diners Club International

「岩國國際觀光飯店」鄰近知名景點錦帶橋 

岩國最著名嘅景點之一「錦帶橋」附近都有多間酒店及旅館可以選擇。呢個地區有好多住宿設施都有提供岩國嘅當地特色料理。遊覽岩國知名景點後，返到酒店仲可以喺舌尖享受岩國嘅餘韻添。另外，入住於此區一大好處就係可以欣賞夜間點燈嘅錦帶橋同岩國城，都幾浪漫㗎！

入住歷史悠久嘅「半月庵」品嚐岩國風嘅懷石料理

作為茶室創立於1869年嘅「半月庵」，現時係餐廳兼日式旅館，融合咗歷史與現代風格。有各種住宿方案可選擇，例如揀喺房內用餐又得，喺旅館餐廳食又得，住一晚附兩餐嘅方案都有。提供嘅菜式包括鄉土料理岩國壽司、以茶懷石為基礎嘅旅館限定懷石料理。使用當地蔬菜同瀨戶內海捕獲嘅魚而製作嘅料理，品嚐到以日本傳統方式烹飪、層次豐富嘅美味。

13間客房均為日式客房，有大型同小型客房，從6個榻榻米至14個榻榻米大小嘅房間都有，有啲房間內附浴缸同洗手間，但亦有要同人共用浴場或洗手間嘅客房。當中特別推薦嘅係「櫻花之間」客房，有10個榻榻米加4個榻榻米面積一房一廳及內附浴缸及洗手間嘅特殊房型，而且受岩國出身嘅著名女作家宇野千代喜愛，可以欣賞櫻花等日本四季風景。入住呢間旅館，可以從各個方面享受傳統日式旅館氛圍。

酒店資訊

• 名稱：料亭・旅館 半月庵
• 地址：〒741-0062 山口県岩国市岩国1丁目17-27
• 交通：
• 新岩國站→[市營巴士]約10分鐘→錦帶橋巴士中心步行約3分鐘
• 岩國機場→[計程車・開車]約10分鐘。
• Wi-Fi：有提供
• 語言對應：英文
• 可使用信用卡：VISA、MasterCard、JCB、AMERICAN EXPRESS、Diners Club International、銀聯