SANRIO嘅人氣明星角色「Little Twin Stars」，可愛雙胞胎KIKI＆LALA今年夏天同東京鐵塔合作，為大家帶來卡哇伊滿點嘅限定活動！整個東京鐵塔一下子就好似被夢幻氣氛包圍。現場有光雕投影、藝術展等等，FUN! JAPAN編輯部就為粉絲們搶先體驗！快啲嚟睇吓佢哋有幾可愛、療癒一下～
簡直好似發緊夢咁夢幻！能體驗KIKI&LALA世界嘅藝術展♪（展期已結束）
喺東京鐵塔Foot Town B1 東京鐵塔大廳舉辦嘅「東京鐵塔 × Little Twin Stars 夏夜幻想～奇遇KIKI＆LALA展 由LIDDELL出品」，展期從7月10日至7月25日舉行，為期16日。呢個展覽重現KIKI＆LALA所居住嘅雲上世界，入到去就好似踩喺雲端之上，有著輕飄飄嘅感覺，非常夢幻！
「滿星與玫瑰雲彩的夢幻大門」就好似入咗雲霧之中，一整個置身奇幻世界嘅感覺！
而「KIKI釣星星」就係模擬KIKI嘅興趣，用可愛嘅釣具嚟釣星星嘅體驗。釣到嘅獎品仲可以帶返屋企留作紀念添！
「夢幻牆壁」上描繪KIKI同LALA所住嘅雲上世界。寬度有成8米咁大面牆，令人印象深刻！
「星空燈光閃爍」嘅區域利用咗大大小小嘅鏡球，營造出閃耀繽紛嘅空間。睇真啲，原來牆上仲寫有KIKI ＆ LALA嘅寄語添！
喺「閃耀攝影攤位」可以同Little Twin Stars一齊影相拍片，以從月亮、星星後面伸出頭嘅KIKI ＆ LALA作為背景影張紀念合照啦～
光雕投影讓KIKI ＆ LALA漫步於東京夜空中
雖然展覽已結束，但仲可以見Little Twin Stars一面！喺東京鐵塔嘅Main Deck（瞭望樓層）有「TOKYO TOWER CITY LIGHT FANTASIA-LittleTwinStars-」嘅光雕投影，可以睇到Little Twin Stars飄浮於東京夜空，浪漫休閒地散步，展期至9月30為止。（根據疫情狀況，展期可能有所更改）
喺2020年曾上演嘅「Little Twin Stars七夕傳說」今年都再度登場，以日本夏天傳統節日「七夕」為主題，Little Twin Stars化身成為一年一度七夕相見嘅牛郎織女，手牽手漫步於東京夜空。
一夜限定！蘊含KIKI ＆ LALA心意的東京鐵塔亮燈
喺展覽開始前一晚（7月9日），東京鐵塔以KIKI ＆ LALA代表色亮燈！雖然當日落雨，但喺粉紅同淡藍嘅燈光照亮下，東京鐵塔仍然散發著夢幻氛圍，滿載KIKI ＆ LALA嘅心意—「我哋所在嘅星球係充滿粉紅同淺藍色嘅世界，令人興奮不已。希望大家可以欣賞到我哋個星球之美，等喺地球嘅大家都能夠充滿笑容！」寄望地球多點笑容，多點元氣！
東京鐵塔資訊
- 地址：東京都港區芝公園4-2-8
- 交通方式：都營地下鐵大江戶線赤羽橋站徒步約5分鐘
- Main Deck（150m）門票：19歲以上1,200日圓、16～18歲1,000日圓、7～15歲700日圓、4～6歳500日圓
下次去日本時就去同SANRIO明星相見！
©‘21 SANRIO 著作（株）サンリオ
Comments