博多運河城九州規模最大嘅複合商業設施

今天要為大家介紹福岡最著名嘅購物中心「博多運河城」（CANAL CITY HAKATA）。運河城可以講係九州最出名嘅景點之一，亦係九州規模最大嘅複合商業設施。喺呢座五光十色嘅設施入面，有電影院、各式各樣嘅店舖、餐廳同酒吧，無論對行街有咩需求都可以得到滿足。

博多運河城嘅基本介紹

初次到訪嘅人，難免會被呢座巨大建築物搞得眼花繚亂，不過都係樂趣之一，就當做探險，去搵自己想要嘅「寶物」啦。

建於1996年嘅博多運河城，起初嘅目的就係為咗提供一個大型又方便嘅複合商業設施。裡面匯集大約250間商店，包括無印良品、Uniqlo同ABC Mart，仲有Carsberry、Helly Hansen、Dr. Martens等國際知名品牌嘅店。

咖啡店都有好多選擇，特別推薦Caffe Otto Cyclo同Café Muji。Otto Cyclo讓你能夠面向劇場而坐，而Café Muji則以店內氣氛同自家製嘅咖啡取勝。而呢度嘅無印良品除咗設有Café Muji外，二樓更有為藝術同書藉而設嘅專櫃，絕對不容錯過。

美食方面，雖然提供日式料理嘅餐廳應有盡有，壽司、串燒、餃子、烏冬…都食得到！最高層（5樓）嘅拉麵廣場，集合日本各地域唔同口味嘅拉麵。

「博多運河城」呢座巨大嘅設施遠遠超過一般購物中心能夠提供嘅嘢。此處為「購物」賦予新嘅定義。佢嘅建築設計同構造都經過縝密嘅設計，具有鮮明嘅概念，可以視為一個假日同家人朋友進行休閒娛樂嘅一座小城鎮。

例如喺「太陽廣場舞台」呢座半圓形戶外劇場嘅建築裡，無論身於邊層都可以睇到舞台上嘅演出。唔只得音樂會，仲有水舞秀同晚間3D光雕投影Show（博多運河城全景水舞）。

最後，想講一講呢座設施最吸引人之處，就係佢嘅開放式空間設計，唔只係一個沉悶嘅方形建築。每個人都可以享受呢座建築營造出嘅獨特氛圍，無論只係經過走馬看花，定係想入去花啲時間仔細逛逛，都係一個好好行嘅景點。