太宰府位於福岡縣中部，約1,300年前係九州地區嘅行政中心「太宰府」所在之地，係一個歷史悠久嘅地區。太宰府市內有「太宰府天滿宮」等多個歷史深厚嘅建築物同古蹟留存至今。
太宰府嘅簡介
太宰府係福岡首屈一指嘅觀光都市。過去曾係名為「太宰府」嘅官府所在地，約有500年作為政治、經濟、軍事同外交中心嘅歷史，所以保留咗好多歷史價值珍貴嘅景點同史跡。此外，位於太宰府北部嘅四王寺山同寶滿山，係自然資源豐富嘅旅遊勝地。
太宰府嘅平均天氣及推薦觀光季節
太宰府位於長年氣候較為溫暖，濕度高嘅地域，其特徵為夏熱冬寒。而太宰府嘅觀光以戶外旅遊景點為主，所以推薦喺春秋兩季去遊太宰府比較適合。春天賞櫻、秋天賞楓，唔同季節嘅花草樹木同神社寺廟交織出一幅美麗景色。此外，冬季雖然寒冷，但亦係梅花盛開嘅季節。梅花係太宰府嘅市花。想欣賞太宰府知名梅花，咁就建議喺冬季去喇。
太宰府嘅必去景點推介
太宰府有各式各樣嘅觀光景點，以下為大家介紹幾個特別推薦嘅必訪景點。
太宰府天滿宮等歷史悠久嘅神社寺廟
太宰府嘅知名觀光景點有「太宰府天滿宮」同「寶滿宮 竈門神社」等歷史悠久嘅神社寺廟，仲有「太宰府政廳跡」同「城跡」等多數史跡。其中「太宰府天滿宮」可以講係代表太宰府嘅名勝。太宰府天滿宮係祭祀菅原道真嘅神社，佢係一位活躍於西元9世紀嘅學者及政治家，所以太宰府天滿宮以祈求學業進步、消災除厄而聞名。另外，喺太宰府境內嘅「菅公歷史館」和一旁嘅「九州國立博物館」都好推薦，參觀欣賞嘅過程中，能夠更加了解更多太宰府嘅歷史！
於太宰府欣賞梅花楓葉 四季變換嘅神社寺廟風景
冬季造訪太宰府，可以喺太宰府天滿宮欣賞約6,000株盛開嘅梅花，隨著四季更迭，神社寺廟風景係推薦必看特色之一。尤其係秋季，好多神社寺廟都可以欣賞染紅嘅楓葉景色。例如喺「光明禪寺」，紅黃交錯嘅樹葉同日本庭園景色重疊，造成一個期間限定嘅絕景。
登上太宰府山嘅寶滿山
位於太宰府東北方嘅寶滿山，係一個非常受歡迎嘅登山健行景點。寶滿山共有3條登山路，其中以正面嘅登山路建設最為完善，易於行走。喺標高約829米嘅山頂上，可以360度全方位飽覽福岡街景同周邊群山大自然美景。
太宰府嘅推薦美食及餐廳
太宰府嘅知名當地美食係名為「梅枝餅」嘅紅豆餡燒餅。賣梅枝餅嘅店大多數集中喺太宰府站往太宰府天滿宮嘅的「天滿宮參道」上。另外，天滿宮參道上有多間食群及提供外賣美食嘅店舖林立，去太宰府觀光時千祈唔好錯過啦。
此外，市區內亦有好多拉麵同壽司專門店，不過店鋪數量唔多。
太宰府嘅推薦酒店住宿
太宰府市區內嘅住宿設施非常少，喺太宰府天滿宮附近僅有幾間天然溫泉旅館同民宿，亦建議可以考慮喺附近筑紫野市搵旅館住宿會比較好。
太宰府天滿宮同筑紫野市附近嘅旅館價位約10,000円左右，但喺筑紫野市嘅二日市車站附近都有幾間房價約5,000円以內嘅旅館。（2019年7月資訊）
去太宰府嘅交通資訊
太宰府嘅觀光景點主要以西鐵太宰府站為中心。從福岡機場乘搭西鐵太宰府定期巴士，車程約25分鐘就到。車站內有旅遊資訊中心，提供太宰府觀光導覽地圖等資訊，同埋會有講英文嘅工作人員專為外國旅客服務。
喺西鐵太宰府站可以搭繞行觀光景點嘅巡迴巴士「MAHOROBA號（まほろば号）」去各個觀光景點，相當便利。
景點資訊
- 名稱：太宰府（西鐵 太宰府站）
- 地址：〒818-0117 福岡縣太宰府市宰府2-5-1
- 交通：福岡機場→西鐵 太宰府定期巴士「旅人」車程約25分鐘
- Wi-Fi：有提供（Dazaifu City Wi-Fi）
- 語言對應：中文、英文、韓文
- 可使用信用卡：VISA、MasterCard、JCB、AMERICAN EXPRESS、Diners Club International
Comments