福岡機場位於福岡縣福岡市，係去日本九州各觀光旅遊嘅主要機場。除咗來往羽田機場等主要內陸機場嘅國內線航班充實，從香港出發嘅國際線航班都有運行。另外，機場本身更加係日本國內少有位於市區嘅機場。
關於福岡機場
福岡機場具備國際機場機能，分為國內線及國際線航廈。各航廈都有餐廳、紀念品店、休息區等各式各樣嘅設施供旅客利用。此外，雖然兩個航廈並唔相連，但乘搭免費接駁巴士約10分鐘即可抵達。
此外，福岡機場位於福岡市嘅中心位置，距離JR博多站等主要車站嘅交通都相當方便。從國內線航站乘搭福岡市營地鐵至博多站車程都只係5分鐘！最適合想嚟個快閃旅行嘅你！
福岡機場嘅推薦之處
福岡機場各航廈有眾多不同種類嘅餐廳及紀念品商店，推薦順便去行一行。此外，因為有國際線航班來往，針對外國遊客而設嘅便利服務亦相當充實。
於福岡機場嘅商店及免稅店購買手信
各航廈設有好幾間紀念品商店，可以買到九州各地特產或日本手信。特別係「博多織」或「博多人形」等傳統工藝品，以及用辣椒等辛香料醃漬鱈魚卵巢而製成嘅福岡特產「辛子明太子」等，喺呢度可以買到各種福岡特產。
此外，國際線航線則有多間免稅店。貨架上陳列著各式零食禮盒，亦有日用雜貨及電子產品等各種商店林立。其他仲有喺2019年7月重新裝潢開幕，日本國產化妝品「HACCI」、「KATE」及喺海外相當受歡迎嘅人氣化妝品品牌「Kiehl’s」等化妝品品牌亦有進駐設店。
喺免稅店區域，可以試用各款化妝品及香水，活動專區會舉辦試食等活動，營造出一個「體驗樂趣」嘅空間。
福岡機場美食區 眾多不同類型美食任君選擇
航廈大樓內有各種餐廳，例如烏冬、壽司、牛丼等日式餐廳，牛扒及漢堡等西式餐廳或Café，選擇豐富。
此外，國內線航廈都有好多充滿日式風情嘅店鋪，不妨去睇一睇。
首推二樓嘅美食街「the foodtimes」，喺呢度可以品嚐到起源於佐賀縣嘅「井手豬扒丼」、博多特產「因幡烏冬」等九州知名美食。
喺三樓嘅「拉麵跑道」則有來自福岡及日本全國嘅人氣拉麵店，總共9間店鋪聚集於此。喺各店鋪可以品嚐到豚骨拉麵、海老餛飩麵、番茄拉麵等唔同口味嘅拉麵。
專為外國旅客而設嘅便利服務
福岡機場有來自亞洲各國嘅國際線航班，外國旅客眾多。因此，針對外國旅客而設嘅服務亦相當充實。
例如，位於一樓到達大廳嘅JTB「福岡機場全球服務櫃檯」有識得講中文（有來自台灣及來自中國嘅工作人員）、英文、韓文等外國語言嘅工作人員常駐，為訪日外國觀光客提供旅遊及交通資訊等導覽。
此外，對外國旅客嚟講，喺日本旅遊期間不可或缺嘅網路服務亦可以喺呢度辦理，有上網預付卡、SIM卡、自動販賣機、Wi-Fi機租借等服務，旅客親身辦理，相當方便。
福岡機場附近嘅酒店住宿
福岡機場附近嘅酒店較少，有幾間價格約2,500至5,000円嘅酒店。大部分酒店聚集於JR博多站附近地區。從福岡機場乘搭市營地鐵約5分鐘左右。
去福岡機場嘅交通
福岡機場係國際機場，有著來自亞洲各國嘅直飛航班，來往日本國內各地主要機場嘅航班亦相當充實。
從海外出發嘅交通航班
香港有直飛嘅航班前往福岡機場。其他來往亞洲地方嘅航班都有運行。
從東京、大阪出發嘅交通
從東京或大阪出發去福岡嘅國內線航班為主，日本其他地方嘅機場都有設直飛航班。如果從東京出發，自羽田機場或成田國際機場約2小時左右航程。從羽田機場出發嘅航班較多，而從成田國際機場則可以乘搭票價較便宜嘅廉價航班。
而從大阪出發嘅話，自伊丹機場或關西國際機場約1小時15分鐘航程。從伊丹機場出發嘅航班較多，如果希望節省機票預算，推薦從關西國際機場乘搭廉航。
景點資訊
- 名稱：福岡機場（國際線）
- 地址：〒812-0851 福岡縣福岡市博多區青木739
- Wi-Fi：有提供（fukuoka ap Free Wi-Fi）
- 語言對應：中文（繁體中文、簡體中文）、英文、韓文
- 可使用信用卡：VISA、MasterCard、JCB、AMERICAN EXPRESS、Diners Club International、銀聯
Comments