「難波八阪神社」坐落喺熱鬧嘅大阪難波地區，神社境內有顯眼嘅獅子殿。呢度除咗係著名嘅聚集能量嘅寶地之外，仲有一個出名嘅「拔河祭神儀式(綱引神事)」。呢個儀式仲被列為大阪市指定無形民俗文化財。「難波八阪神社」有乜嘢特別之處。等我地一齊嚟探個究竟！
有關「難波八阪神社」
「難波八阪神社」係幾時創建已經無法考正，相信因為實在太耐以前，亦無記錄喺任何文獻上，喺公元1069~1073年時以祭祀祉園牛頭天王為人所知，之後就一直被當地居民稱為「難波下之宮」，至少擁有900多年長久歷史。原本係神佛共存，亦曾經有過七堂伽藍，但因戰爭沒落。明治維新過後，只剩神社部分，1945年因遭遇空襲全部燒毀。目前見到嘅正殿係於1974年重建。
「難波八阪神社」境內超有魄力嘅獅子殿
神社境內有一座大口獅子殿，係同正殿一樣於1974年完工。高12米，深10米，相當巨大吸睛。內部係神殿，用嚟供奉神明，獅子殿前面部分為舞台，可以表演神樂或獅子舞等，獻給神明觀賞表演。
「難波八阪神社」拔河祭神儀式
拔河祭神儀式係每年1月第3個星期日於「難波八坂神社」舉行。重現《日本書紀》中稱之為「素戔嗚尊」嘅人物退治「八岐大蛇」嘅情境，拔河繩亦製作成有八頭八尾嘅「八岐大蛇」造型。儀式係為請神明給予各方面保佑，亦係大阪市指定無形民俗文化財產之一。
夏日祭典「船渡御」
「船渡御」係每年7月13~14日舉行嘅祭典。除咗「難波八坂神社」之外，附近各地嘅神轎、太鼓都會一齊出動。神社境內嘅獅子舞台上亦會有獻給神明嘅會獅子舞表演，13日嘅祭典就會喺道頓堀川舉行「船渡御」。
去「難波八阪神社」拜乜嘢？
「難波八阪神社」係出名盈聚能量嘅寶地，可以祈求神明喺各方面都給予保佑。
- 素戔嗚尊：「除厄運」、「疾病退散」、「生意興隆」、「農耕植產(五穀豐收)」
- 櫛稻田姫命：「姻緣」、「夫婦圓滿」、「安產」
- 獅子殿：「學業進步」、「社運昌隆」等
「難波八阪神社」基本資訊
- 創立年：不明，至少於1069年起存在
- 供奉神明：素戔嗚尊、櫛稻田姫命、獅子殿
- 祭典、儀式：拔河祭神儀式(1月第三個週日)、夏日祭典「船渡御」(7月13、7月14日)、春季大祭(4月第2週六)、秋季大祭(10月14日)
景點資訊
- 景點名稱：難波八阪神社
- 地址：大阪市浪速區元町2-9-19
- 交通方式：大阪地下鐵「難波」站步行約6分鐘或「大國町」步行約7分鐘
Comments