【影片教學】到底係西瓜定飯糰！？日本人氣便當餸菜「西瓜飯糰」

提起日本人國民美食之一，飯糰定必榜上有名！皆因喺自己屋企就可以簡單整到，去便利店又有勁多款式揀，所以唔少人亦會用飯糰為小朋友嘅便當加餸～

今次，我哋將會為大家介紹外觀似足西瓜嘅飯糰食譜。到底日本人點解會諗到呢個idea將飯糰扮成西瓜…原因不得而知，但可以肯定嘅係玩味滿分！事不宜遲，立即去片！

材料

1. 白飯 (300g)
2. 泡菜 (30g) ※只要係可以將白飯染成紅色嘅食材就OK！但唔推薦使用液態、或含有太多水份嘅食材
3. 燒三文魚碎粒 (30g) ※只要係可以將白飯染成紅色嘅食材就OK！但唔推薦使用液態、或含有太多水份嘅食材
4. 煎蛋碎粒 (30g) ※只要係可以將白飯染成黃色嘅食材就OK！但唔推薦使用液態、或含有太多水份嘅食材
5. 紫菜粉 適量
6. 燒紫菜 適量

步驟

1. 將煮好嘅白飯先分成6等分。
2. 為使攪勻白飯時、食材顏色能更貼服於飯粒表面，建議先將泡菜、燒三文魚、煎蛋儘量切成碎粒。
3. 將泡菜、燒三文魚、煎蛋各自加入分成6等分嘅白飯內。
4. 將白飯手握成圓型。
5. 手握飯糰時留意要將染上食材顏色嘅飯粒向內、未染上顏色嘅白飯向外。
6. 於飯糰表面灑上紫菜粉。
7. 將燒紫菜仿照西瓜皮花紋切成細片。
8. 小心翼翼將紫菜鋪上飯糰表面，即大功告成！